اسلام آبادویب ڈیسک)سابق آرمی چیف جنرل(ر)راحیل شریف کی پاکستانی عوام میں مقبولیت کسی سے ڈھکی چھپی نہیں ، اپنی خوش مزاجی اور دھن کے پکا ہونے کے ساتھ ساتھ ان کی بہادری اور دلیری کی وجہ سے بھی پاکستانی عوام ان کے گرویدہ ہیں۔ راحیل شریف کی ایک تازہ ویڈیو ان دنوں انٹرنیٹ پرتیزی سے وائرل ہو رہی ہے جس میں انہیں پاکستانی عوام پہلی بار ایک نئے روپ میں دیکھ رہے ہیں۔ گزشتہ ہفتے ایبٹ ا?باد میں پیفرز میس کے دورے کے موقع پر ایف ایف رجمنٹکے استقبالیہ میں پشتو نغمے پر راحیل شریف کا فوجی جوانوں کے ساتھ کر سبھی حیران رہ گئے ہیں۔ ان کی اس ویڈیو کو سوشل میڈیا پر تیزی سے مقبولیت حاصل ہو رہی ہے اور پاکستانی عوام اپنے اس ہیرو کو منفرد انداز میں دیکھ کر خوب سراہ رہے ہیں۔ واضح رہے کہ اس سے قبل راحیل شریف کی سعودی عرب میں شاہی خاندان کی شادی کے موقع پر تلوار کے ساتھ رقص کی بھی ویڈیو منظر عام پر ا?چکی ہے جس میں وہ تلوار اٹھا کر سعودی روایتی رقص کر رہے ہیں۔

کراچی (ویب ڈیسک )ایم کیو ایم پاکستان کے رہنما فاروق ستار نے الیکشن کمیشن کے فیصلے کو سیاہ قرار دیتے ہوئے کہا کہ مجھے 23اگست کو الطاف حسین کے سامنے کھڑے ہونے اور 9نومبر کو پارٹی بچانے کی سزا دی جا رہی ہے۔ان کا کہنا تھا کہ الیکشن کمیشن کے پاس پارٹی کے اندرونی جھگڑوں پر فیصلے دینے کا اختیار نہیں ،یہ فیصلہ بھی مولوی تمیز الدین خان کیس میں جسٹس منیر کے سیاہ فیصلے کی طرح یاد رکھا جائے گا۔ان کا کہنا تھا کہ الیکشن کمیشن کا فیصلہ غیر منصفانہ ،غیر آئینی اور غیر قانونی ہے۔انہوں نے کہا کہ اس فیصلے سے پوری دال ہی کالی لگ رہی ہے ،یہ فیصلہ مینج ہوا ہے۔کراچی میں پریس کانفرنس کرتے ہوئے ان کا کہنا تھا کہ الیکشن کمیشن نے پارٹی کے اندرونی جھگڑوں پر آج تک کوئی فیصلہ نہیں دیا ،جب جسٹس ریٹائرڈ وجیہہ الدین پی ٹی آئی کے انٹرا پارٹی الیکشن کے خلاف الیکشن کمیشن گئے تو انہیں کہا گیا یہ پارٹی کا اندرونی معاملہ ہے اور جب تحریک انصاف نے اکبر ایس بابر کو جنرل سیکریٹری کے عہدے سے ہٹا یا گیا تو وہ بھی الیکشن کمیشن گئے لیکن انہیں بھی یہ ہی جواب ملا کہ یہ ہمارا کام نہیں ،عدالت سے رجوع کریں۔
فاروق ستار نے کہا کہ مجھے23اگست کو ایم کیو ایم کے بانی الطاف حسین کے سامنے کھڑے ہونے کی سزادی گئی ہے ،مجھے آئین پاکستان اور ریاست کے ساتھ کھڑے ہونے کی سزا دی گئی۔ان کا کہنا تھا کہ اصل مسئلہ الطاف حسین کو مائنس کرنے کا نہیںبلکہ پارٹی کو مائنس کرنے کا تھا ،میں نے پارٹی کو بچا لیا اس لیے مجھے سزا دی گئی۔انہوں نے کہا کہ یہ ایم کیو ایم کے ووٹوں کو تقسیم کرنے کی سازش ہے جس کے بعد تحریک انصاف ،ایم ایم اے اور پی ایس پی کو ووٹ مل جائیں گے۔

اسلام آباد (ویب ڈیسک)سپریم کورٹ نے سابق وزیراعظم نوازشریف کیخلاف توہین عدالت کی درخواست خارج کر دی، توہین عدالت کی درخواست معاملہ غیر موثر ہونے کی بنیاد پر خارج کی گئی۔تفصیلات کے مطابق چیف جسٹس ثاقب نثار کی سربراہی میں 3 رکنی بنچ نے نوازشریف کیخلاف توہین عدالت کی درخواست کی سماعت کی۔ درخواست گزار نے عدالت کے روبرو موقف اختیار کیا کہ نوازشریف نے بطوروزیراعظم آو?ٹ آف ٹرن پروموشن دی،اس پر چیف جسٹس پاکستان نے استفسار کیا کہ خدائی خدمت گارصاحب !میاں صاحب نے کیاتوہین کی؟،درخواستگزار نے کہا کہ عدالتی فیصلے کے تحت شولڈر پروموشن نہیں ہوسکتی۔چیف جسٹس پاکستان نے کہا کہ نوازشریف صاحب اب وزیراعظم نہیں رہے،جسٹس اعجاز الاحسن نے ریمارکس دیئے کہ توہین عدالت کامعاملہ غیرموثرہوچکا۔عدالت نے توہین عدالت کی درخواست معاملہ غیر موثر ہونے کی بنیاد پر خارج کردی۔