ہنگو(ویب ڈیسک) عمران خان کی سابق اہلیہ ریحام خان کا کہنا ہے کہ احتساب سب کا ہونا چاہئیے جبکہ خیبر پختونخوا میں تبدیلی کے نام پر عوام کے ساتھ مذاق کیا گیا۔پی ٹی آئی چئیرمین عمران خان کی سابق اہلیہ ریحام خان نے میڈیا سے گفتگو کرتے ہوئے کہا کہ تحریک انصاف کے تمام انتخابی وعدے محض نعروں تک محدود ہیں، میرٹ شفافیت اور انصاف کی باتیں کرنے والے اپنے کردار اورگفتگو پر بی غور کریں، سی پیک میں خیبر پختونخوا کو نظر انداز کیا گیا ہے اورخیبر پختونخوا میں تبدیلی کے نام پر عوام کے ساتھ مذاق کیا گیا۔ریحام خان نے کہا کہ احتساب سب کا ہونا چاہئیے، خیبر پختونخوا میں بے روزگاری، جہالت اورسماجی مسائل حکومت کے کنٹرول سے باہرہیں اورعوام سوچ سمجھ کر اپنے نمائندوں کا انتخاب کریں تو بہت سے مسائل حل ہو سکتے ہیں۔

لاہور: نوازشریف کی صاحبزادی مریم نواز کا کہنا ہے کہ لاہور نے سازش اور مہروں کی سیاست کو کل دفن کردیا اور یہ ایک الیکشن نہیں بلکہ پاکستان کے مستقبل کا فیصلہ ہے۔
لاہور میں تاجر کنونشن سے خطاب کرتے ہوئے مسلم لیگ (ن) کی رہنما مریم نواز کا کہنا تھا کہ نوازشریف کو ہر مرتبہ بدحال پاکستان ملتا ہے اور وہ ہمیشہ خوشحال پاکستان دے کر جاتے ہیں جب کہ وہ ووٹ کے ذریعےآتے ہیں اور جھوٹےمقدمے بنا کرنکال دیا جاتا ہے۔ پاکستان کی ترقی اور نواز شریف کا بڑا گہرا تعلق ہے، 11ہزار میگا واٹ بجلی سسٹم میں شامل کی, نوازشریف کو نااہل کیا گیا تواسٹاک مارکیٹ نیچے آگئی، نواز شریف کو نکالنے کی اتنی جلدی کیوں تھی الیکشن میں ایک سال ہی رہ گیا تھا لیکن 2018 میں مسلم لیگ (ن) اورنوازشریف کی فتح نظرآرہی ہے