All posts by Daily Khabrain

شوبز

سشمیتا سین کی بڑی بیٹی کی ایسی تصویر سامنے آگئی کہ آپ بھی دنگ رہ جائینگے

ممبئی (ویب ڈیسک)بالی ووڈ ایکٹریس سشمیتا سین کی بڑی بیٹی رائنی اب 18سال کی ہو گئی ہے ،اس موقع پر انہوں نے اپنے ہی گھر پر اپنی بیٹیوں کے ساتھ مل کر پارٹی رکھی ،پارٹی کی تصاویر سشمیتا سین نے انسٹاگرام پر بھی جاری کیں۔ تفصیلات کے مطابق سشمیتا سین نے جب 25برس کی تھیں تو انہوں نے رائنی کو گود لیا تھا تاہم اب وہ 18برس کی ہو چکی ہیں ،سشمیتا سین نے شادی نہیں کی جبکہ انہو ںنے 2010میں ایک اور بیٹی کو گود لیا جس کا نام عائشہ ہے۔سشمیتا سین اب 41برس کی ہو چکی ہیں تاہم انہوں نے اکیلی ہونے کے باوجود اپنی بچوں کی پرورش میں کوئی کمی نہیں آنے دی ہے۔سشمیتا سین سابق مس یونیورس بھی رہی ہیں جبکہ ان کی گوندے کے ساتھ فلموں کو بہت سراہا گیا تھا۔

انٹر نیشنل

تر ک صدر کی اہلیہ نے سب خواتین کو پیچھے چھوڑ دیا،روہنگیا میں کیا کر نے جا رہی ہیں،جان کر آپ بھی فخر محسوس کر ینگے

انقرہ (ویب ڈیسک) تر ک خاتون اول اور صدر رجب طیب اردگان کی اہلیہ امینہ اردگان میانمار کی فوج کے قتل عام سے فرار ہونے والے روہینگیا مسلمانوں کے کیمپوں کے دورے کے لئے ا?ج بنگلہ دیش روانہ ہو رہی ہیں۔دورے کے دوران وہ روہنگیا مسلمانوں سے ملیں گی جبکہ اپنے ہمرا ہ امدادی سامان لے جائیں گی ،ایک ہزار ٹن کے امدادی سامان میں لباس، خوراک اور فوری ضروریات کی اشیائ شامل ہیںجو ایک لاکھ کنبوں کی ضروریات کو پورا کرے گی۔ترک وزارت خارجہ کی طرف سے جاری کردہ بیان کے مطابق وزیر خارجہ میولود چاوش اولو میانمار کے صوبہ رخائن کے شمال میں درپیش تشدد کے واقعات کی وجہ سے بنگلہ دیش میں پناہ لینے والے تقریباً ایک لاکھ 20 ہزار روہینگیا مہاجرین اور اس سے قبل بنگلہ دیش میں پناہ لینے والے روہینگیا مہاجرین کی صورتحال کا جائزہ لینے اور اس معاملے میں ترکی کی طرف سے کی جانے والی امداد کا تعین کرنے کے لئے بنگلہ دیش کا دو روز ہ دورہ کریں گے۔وزیر خارجہ کے ہمراہ ترک خاتون اول امینہ اردگان ، اورر ترکی کی تعاون و ترقیاتی ایجنسی TIKA کے سربراہ سردار چام بھی ہوں گے۔ خاتون اول اور ترک وزیر خارجہ بنگلہ دیشی دارالحکومت ڈھاکہ میں بنگلہ دیشی حکام اور بین الاقوامی امدادی تنظیموں کے نمائندوں کے ساتھ ملاقات کریں گے۔ترک خاتون اول میانمار کی سرحد پر واقع بنگلہ دیش کے شہر ‘کوکس’ بازار کا دورہ کر کے مہاجرین کی صورتحال کا جائزہ لیں گے اور امدادی سامان پہنچائیں گے۔

کھیل

محمد عا مر کے لئے جلد بڑی خوشخبری متوقع

لاہور (ویب ڈیسک) پاکستانی فاسٹ باﺅلر محمد عامر جلد ہی باپ بننے جائیں گے۔ ان کی شادی گزشتہ سال ستمبر میں پاکستانی نڑاد برطانوی شہری نرجس سے انجام پائی تھی۔سماجی رابطوں کی ویب سائٹ ٹویٹر پر جاری خبر کے مطابق قومی سٹار محمد عامر جلد ہی باپ بننے والے ہیں۔ پی سی بی نے ورلڈ الیون کیخلاف ان عدم دستیابی کو مدنظر رکھتے ہوئے متبادل کو کھلانے پر غور شروع کر دیا ہے۔دریں اثنا محمد عامر نے کاونٹی کرکٹ میںآتے ہی تہلکہ مچادیا،قومی کرکٹ ٹیم کے فاسٹ بالر محمد عامر کو کاونٹی کرکٹ میں بہترین کارکردگی دکھانے پر ڈیوائسز پلیئرکے ایوارڈ سے نوازا گیا ہے۔فاسٹ بالر محمد عامر ان دنوں انگلینڈ میں کاونٹی کرکٹ میں ایسیکس کی نمائندگی کر رہے ہیں۔ انہوں نے کاو¿نٹی کرکٹ میں مخالف ٹیموں کے خلاف بہترین باولنگ کی تھی۔محمد عامر نے جولائی کے مہینے میں عمدہ کارکردگی پر ڈیوائسز پلیئر کا ایوارڈ 69 فیصد ووٹ سے حاصل کئے۔

اہم خبریں, پاکستان

قوم کو قربانی کا بکرا نہیں بنائیں گے ،پاکستان کا ٹرمپ کو کرارا جواب

اسلام آباد: وزیرخارجہ خواجہ آصف نے کہاواضح کیاہے کہ پاکستان کے سواکوئی بھی ملک دہشتگردی کیخلاف جنگ نہیں جیت رہا،پاکستانی قوم کوقربانی کابکرانہیں بننے دیں گے،امریکا پاکستان کی سالمیت اور خودمختاری کااحترام کرے،ٹرمپ کی نئی پالیسی کے بعد خارجہ پالیسی کی فارمولیشن ضروری تھی،مسئلہ کشمیرکوہرپلیٹ فورم پراٹھایاجائے گا ،آج چین جارہاہوں دوروزبعد ایران کادورہ کروں گا۔انہوں نے تین روزہ سفراء کانفرنس ختم ہونے کے بعد پریس کانفرنس کرتے ہوئے کہاکہ آج چین جارہاہوں دوروزبعد ایران کادورہ کروں گا۔انہوں نے کہاکہ کوئی بھی ملک دہشتگردی کیخلاف جنگ نہیں جیت رہا،صر ف پاکستان دہشتگردی کیخلاف جنگ جیت رہاہے۔دنیابے شک نہ مانے لیکن پاکستان بشمول کراچی میں امن ہے۔خواجہ آصف نے کہاکہ ایران ،بھارت اور چین سے ہمارے سفیروں نے کلیدی تجاویزدیں۔خواہش ہے کہ سعودی عرب اور ایران کے تعلقات بھی بہتر ہوں۔انہوں نے کہاکہ واشنگٹن میں بیٹھے لوگوں کوپاکستان اورخطے کی حقیقی صورتحال کاادراک نہیں ہے۔باہمی احترام کے ساتھ قربانیوں کااعتراف کرنے والے ممالک کے ساتھ آگے بڑھیں گے۔پاکستان کامفادسب سے اول ہے۔پاکستانی قوم کوقربانی کابکرانہیں بننے دیں گے۔امریکا پاکستان کی سالمیت اور خودمختاری کااحترام کرے۔کسی کوبھی افغانستا ن کی جنگ پاکستان کے اندرنہیں لڑنے دیں گے۔انہوں نے کہاکہ بریکس اعلامیہ پرچین نے اپنی وضاحت جاری کردی ہے۔چین برکس اعلامیہ میں بھارت کی بہت ساری چیزیں شامل نہیں کیں۔برکس اعلامیہ میں جن دہشتگردتنظیموں کانام لیاگیاوہ پاکستان میں کالعدم ہیں۔انہوں نے کہا کہ سابق سفیرعبدالباسط کااب کسی ریاستی ادارے سے تعلق نہیں۔ان کی ذاتی شکایات ہیں لیکن ان کا طریقہ درست نہیں۔انہوں نے کہاکہ تبدیلیوں کے تناظرمیں ہمیں جلد فیصلے کرناہوں گے۔ہمیں حالات کاتعین کرکے جلد اپنی سمت کاتعین کرناہوگا۔پاکستان کی نئی پالیسی کوقومی رائے عامہ کی شکل دینے کیلئے پارلیمنٹ میں لے کرجائیں گے۔ٹرمپ کی نئی پاک افغان پالیسی کے بعد خارجہ پالیسی کی فارمولیشن ضروری تھی۔امریکا کے ساتھ معاشی انحصارکم ہواختم نہیں ہوا۔انہوں نے کہاکہ بھارت سے بنیادی مسئلہ کشمیرہے۔بھارت سے متعلق پالیسی کاتفصیلی جائزہ لیں گے۔مسئلہ کشمیرکوہرپلیٹ فورم پراٹھایاجائے گا۔افغانستان کے مسائل ہمارے خطے کے مسائل ہیں ہم افغانستان کے مسائل حل کرنے کی صلاحیت رکھتے ہیں۔خواجہ آصف نے کہاکہ آج چین جارہاہوں دوروزبعد ایران کادورہ کروں گا۔واضح رہے وزارت خارجہ میں جاری تین روزہ سفراء کانفرنس ختم ہوگئی۔کانفرنس میں پاکستان کی خارجہ پالیسی کے نئی فارمولیشن بنانے پرغور کیاگیا۔جس میں نئی تجاویز بھی شامل کی گئی ہیں۔
کھیل

پاکستان اور ورلڈ الیون ٹی 20 سیریز کے لوگو کی تقریب رونمائی

 لاہور: پاکستان اور ورلڈ الیون کے مابین ٹی 20 سیریز کے لوگو کی تقریب رونمائی کا انعقاد کیا گیا۔قذافی اسٹیڈیم میں میڈیا سے گفتگو کرتے ہوئے پی سی بی کے چیئرمین نجم سیٹھی نے کہا کہ اسپانسرز نے ہمیشہ پی سی بی کے ہر ایونٹ کیلیے بھرپور ساتھ دیا ہے جس پر ان کے شکر گزار ہیں، ڈومیسٹک کرکٹ میں بھی بہتری لانے کیلیے کوشاں ہیں، ٹاپ 4 ریجنز کی ٹیموں کیلیے بھی سپانسرز تلاش کر رہے ہیں، ورلڈ الیون کا دورہ پاکستان کرکٹ کیلیے بہت بڑا قدم ہے، تنقید برائے تنقید نہ کی جائے، کچھ بھی کہنے یا لکھنے سے پہلے قومی مفاد کو مدنظر رکھا جائے۔ انہوں نے کہا کہ ورلڈ الیون کے میچز کے انعقاد کیلیے بہت مشکلات تھیں، سکیورٹی ٹیم کو مطمئن کرنا بڑا چیلنج تھا، بین الاقوامی پلیئرز کی بہت سی ڈیمانڈز ہیں، کرکٹرز اور بورڈز کے مسائل رہے، ورلڈ الیون کیلیے مختصر وقت میں متوازن ٹیم بنانا تھی جس میں زیادہ سے زیادہ ممالک کے صف اول کے پلیئرز شامل ہوں۔

نجم سیٹھی نے کہا کہ کراچی میں بھی انٹرنیشنل کرکٹ کی بحالی کیلیے کوشش کر رہے ہیں، تاہم فی الحال عالمی پلیئرز وہاں کھیلنے کیلیے تیار نہیں، انٹرنیشنل سکیورٹی ٹیموں کو کراچی کادورہ کروائیں گے اور انہیں مطمئن کرنے کی کوشش کریں گے جس کے بعد کراچی میں بھی میچز کروائیں گے، سری لنکا نے پاکستان میں ایک میچ کھیلنے کی حامی بھری ہے۔

کھیل

کرکٹر رومان رئیس رشتہ ازدواج میں منسلک ہو گئے

کراچی(ویب ڈیسک) انٹرنیشنل کرکٹر رومان رئیس رشتہ ازدواج میں منسلک ہو گئے۔رومان رئیس ان کی اہلیہ کا نام عائشہ ہے، شادی کی تقریب کراچی کے مقامی لان میں منعقد ہوئی، جمعرات کو دعوت ولیمہ کا انعقاد ہوگا، واضح رہے کہ رومان رئیس چیمپئنز ٹرافی کے فاتح پاکستانی اسکواڈ کا  حصہ تھے۔

کھیل

آن لائن ٹکٹوں کی فروخت بارے شائقین کیلئے بڑی خبر

لاہور(ویب ڈیسک) ورلڈ الیون سے سیریز کیلیے آن لائن ٹکٹ خریدنے والے الجھن میں پڑ گئے اور طریقہ کار پیچیدہ ہونے کی وجہ سے شائقین غیر یقینی صورتحال کا شکار ہیں جب کہ بک کرائے گئے ٹکٹ حاصل کرنے کیلیے طویل مسافت طے کرنا پڑے گی۔پاکستان اور ورلڈ الیون میں میچز کیلیے 500 اور 8 ہزار روپے والے آن لائن ٹکٹوں کی فروخت مکمل ہوگئی تھی، 2500، 4000 اور6000 ہزار کے ٹکٹوں کی بکنگ جاری رہی، آن لائن ٹکٹ خریدنے والے طریقہ کار پیچیدہ ہونے کی وجہ سے الجھن کا شکار ہیں، کمپنی کی طرف سے پی سی بی کے ٹویٹر اکاؤنٹ پر ہدایت کی گئی کہ جن لوگوں نے آن لائن بکنگ  کرا رکھی ہیں، وہ جمعرات اور جمعے کو رائیونڈ روڈ پرگل نشان پارک میں واقع دفتر سے ٹکٹ حاصل کرلیں، دوسرا طریقہ یہ بھی ہے کہ کوریئر کے ذریعے وصول کرنے کیلیے رقم ادا کریں۔ رائیونڈ روڈ مرکزی شہر سے خاصا دور ہونے پر شائقین پریشانی کا شکار نظر آتے ہیں، ان میں سے کئی ایک شکوہ کرتے نظر آئے کہ بکنگ کے مراحل سے گزرنے کے باجود دفتر تک طویل مسافت تکلیف دہ بات ہے۔ لاہور کے 2بڑے شاپنگ مالز میں نقد ادائیگی پر فروخت جاری رہی لیکن بیشتر شائقین 500روپے والا ٹکٹ نایاب ہونے کا شکوہ کرتے نظر آئے، دریں اثنا ٹکٹوں کے حصول کیلیے بینک آف پنجاب کی برانچز کی  فہرست جاری کردی گئی، مین بلیوارڈ گلبرگ، نیو گارڈن ٹاؤن، ماڈل ٹاؤن، صدر بازار، والٹن روڈ، مسلم ٹاؤن، کریم بلاک، فیصل ٹاؤن، شوکت خانم اسپتال، باغبانپورہ، راوی روڈ اور میکلوڈ روڈ کی برانچز سے ٹکٹ حاصل کیے جا سکتے ہیں۔

پاکستان

سابق آرمی چیف نے بالآخر خاموشی توڑ دی

راولپنڈی (ویب ڈیسک) یوم دفاع کی جی ایچ کیو میں ہونیوالی مرکزی تقریب میں پاک فوج کے سپہ سالار مہمان خصوصی تھے اوراسی تقریب میں پاک فوج کے سابق سربراہان اشفاق پرویز کیانی اور راحیل شریف نے بھی شرکت کی ۔ اس موقع پر موجودہ و سابق فوجی سربراہان میڈیا اور تقریب کے شرکاء کی توجہ کا مرکز بنے رہے ،غیررسمی گفتگو کے دوران اشفاق پرویز کیانی نےبتایاکہ وہ میڈیا سے دورہی رہتے ہیں ، اب زیادہ تر وقت اہلخانہ کے ساتھ گزرتا ہے ۔ ایک سوال کے جواب میں انہوں نے بتایاکہ میں کوئی خودنوشت نہیں لکھ رہا اور ابھی تک ارادہ بھی نہیں، اس حوالے سے اگر کوئی خبریں ہیں تو وہ بے بنیاد ہیں ۔ اس کے علاوہ سابق آرمی چیف جنرل (ر) راحیل شریف مرکز نگاہ بنے رہے۔مرکزی تقریب میں راحیل شریف کی آمد پر حاضرین نے تالیاں بجا کر پرجوش استقبال کیا۔

اہم خبریں, پاکستان

نیب ریفرنس کے بعد اسحاق ڈار کو مستعفی ہو جانا چاہیے: عمران خان

اسلام آباد: (نیوز ڈیسک)چیئرمین تحریک انصاف نے الزام عائد کیا ہے کہ وزیر خزانہ اسحاق ڈار پاکستان کے اکنامک ہٹ مین ہیں۔ پاکستان کی تاریخ میں معیشت کا اتنا برا حال نہیں ہوا جتنا آج ہے۔ پاکستان تحریک انصاف (پی ٹی آئی) کے چیئرمین عمران خان نے کہا ہے کہ موجودہ دورِ حکومت میں جو ظلم معیشت کے ساتھ ہوا، وہ ہمارا دشمن بھی نہیں کر سکتا۔ پاکستان کی تاریخ میں معیشت کا اتنا برا حال نہیں ہوا جتنا آج ہے۔ عمران خان کا کہنا تھا کہ حکمرانوں نے ملکی معیشت پر بہت ظلم کیا۔ پاکستان کی تاریخ میں کبھی اتنا قرضہ نہیں لیا گیا اور نہ ہی اتنی کم سرمایہ کاری کبھی آئی۔ بنگلا دیش اور بھارت کی برآمدات بڑھتی جا رہی ہیں۔ موجودہ حکمرانوں کا موازنہ مشرف اور زرداری سے کیا جائے تو ان کے ادوار میں زیادہ سرمایہ کاری آئی۔ چھوٹا سا طبقہ امیر اور عوام غریب سے غریب تر ہوتے جا رہے ہیں۔اسلام آباد میں پریس کانفرنس کرتے ہوئے چیئرمین تحریک انصاف کا کہنا تھا کہ سرمایہ کاری نہ آنے کی وجہ کرپشن ہے۔ برآمدات اور درآمدات میں 30 ارب ڈالرز کا فرق آیا۔ اسحاق ڈار پاکستان کے اکنامک ہٹ مین نکلے ہیں۔ نیب ریفرنس کے بعد انھیں استعفیٰ دے دینا چاہیے۔ ان کا کہنا تھا کہ یہ کہتے ہیں کہ ہم نے بہت ترقی کی اور ججز نے ان کا نکال دیا۔عمران خان نے کہا کہ سی پیک کے باجود ملک میں سرمایہ کاری کم ہوئی، آج نوجوانوں کی بڑی تعداد بے روزگار ہے۔ گردشی قرضے بھی بڑھ رہے ہیں۔ ملک میں اس وقت سب سے زیادہ انرجی بحران ہے۔ حکمرانوں نے بجلی کی قیمت تک دگنی کر دی۔ حکومتی پالیسیوں کی وجہ سے ملک میں دن بدن غربت میں اضافہ ہوتا جا رہا ہے۔