معروف سماجی رہنما مرحوم عبدالستار ایدھی کی اہلیہ بلقیس ایدھی 74 برس کی عمر میں‌ دار فانی سے کوچ کرگئیں۔

اے آر وائی نیوز کے مطابق معروف سماجی رہنما عبدالستار ایدھی کی بیوہ اور سماجی کاموں کے حوالے سے معروف بلقیس ایدھی انتقال کی تصدیق ان کے بیٹے فیصل ایدھی نے کی۔

بلقیس ایدھی گزشتہ چند روز سے انتہائی علیل اور کراچی کے نجی اسپتال میں زیر علاج تھیں۔

طبیعت بگڑنے پر انہیں وینٹی لیٹر پر منتقل کیا گیا تھا لیکن وہ جانبر نہ ہوسکیں پاکستان کی سب سے بڑی فلاحی تنظیم ایدھی فاؤنڈیشن کو بنانے میں ،بلقیس ایدھی نے اپنے شوہر عبدالستار ایدھی کا بھرپور ساتھ دیا۔

محض سولہ برس کی عمر میں انہوں نے ایدھی صاحب کے نرسنگ اسکول سے نرسنگ کی تربیت حاصل کی۔

اسی ادارے میں دو برس تک خدمات انجام دیں عبدالستار ایدھی سے شادی کے بعد انہوں نے پیچھے مڑ کر نہیں دیکھا۔

ان کی خدمات کے صلے میں حکومت پاکستان کی جانب ہلال امتیاز سے نوازا گیا جبکہ بھارت کی جانب سے دوہزار پندرہ میں مدر ٹریسا ایوارڈ سے نوازا گیا۔

پیاری امی جان دنیا میں نہیں رہیں، فیصل ایدھی

بلقیس ایدھی کے صاحبزادے فیصل ایدھی نے بتایا کہ پیاری امی جان دنیا میں نہیں رہیں، والدہ پھیپھڑوں کے عارضے میں مبتلا تھیں، مختصر علالت کے بعد رضائے الٰہی سے انتقال کرگئیں۔

واضح رہے کہ عبدالستار ایدھی کے انتقال کے بعد مرحومہ ایدھی فاؤنڈیشن کی چیئرپرسن تھیں۔

مظفر آباد: (ویب ڈیسک) آزاد کشمیر ہائی کورٹ نے قائد ایوان کے انتخاب کو روک دیا۔
آزاد کشمیر ہائی کورٹ نے اسپیکر اسمبلی کی کارروائی کو کالعدم قرار دیتے ہوئے حکم دیا کہ قائد ایوان کی انتخاب کے لیے جاری پراسس کو پیر تک روک دیا ہے۔
آزاد کشمیر ہائی کورٹ نے قائد ایوان کے انتخاب پر حکم امتناعی جاری کر دیا۔ اپوزیشن کی جانب سے دائر درخواست پر ہائی کورٹ کے 2 رکنی بینچ نے فیصلہ سنایا۔

لاہور : (ویب ڈیسک) ن لیگی کارکن سابق لندن میں وزیراعظم عمران خان کی سابقہ اہلیہ جمائما گولڈ اسمتھ کے گھر کے باہر احتجاج کرنے پہنچ گئے، احتجاج میں کارکنان نے نعرے بازی کی اور عمران خان اور ان کے بچوں کے خلاف پوسٹرز بھی اٹھا رکھے تھے۔
جمائما گولڈ اسمتھ نے اس پر ٹوئٹ کی کہا کہ میرے گھر کے باہر مظاہروں کا اعلان کیا جا رہا ہے بچوں کو نشانہ بنایا جا رہا ہے۔
اپنے ٹوئیٹ میں جمائمہ گولڈ اسمتھ نے لکھا کہ سوشل میڈیا پر نفرت آمیزنعروں سے ایسا لگتا ہے جیسے وہ 90 کی دہائی کے لاہور میں واپس چلی گئی ہوں۔
جمائما گولڈ اسمتھ نے ٹوئیٹ میں مسلم لیگ ن کے رہنما عابد شیر علی کی جانب سے اجتجاج کی کال کا حوالہ بھی دیا۔
جس میں عابد شیر علی نے لکھا تھا کہ اتوار کو لندن میں عمران نیازی کی سابقہ اہلیہ کے گھر کے باہر احتجاج ہوگا۔ تا کہ اس کے بچوں کو بھی پتا چلے ان کا باپ کتنا کمینہ ہے۔
یاد رہے چار روز قبل بھی لندن میں ن لیگی ارکان نے ایون فیلڈ اپارٹمنٹ کے باہر کھڑے ہو کر، جمائما اور عمران خان کے بیٹوں کا نام لے کر نعرے بازی کی تھی۔
جس کی ویڈیو ن لیگی ارکان نے ہی ٹوئٹر پر شئیر کی تھی اور جمائما نے اس پر ردعمل دیتے ہوئے کوئی تبصرہ تو نہیں کیا تھا، لیکن ہیش ٹیگ پرانا پاکستان کا استعمال ضرور کیا تھا۔

لاہور: (ویب ڈیسک) چیئرمین نیب جسٹس (ر) جاوید اقبال نے شہزاد سلیم کو دوبارہ ڈی جی نیب لاہور تعینات کر دیا، ڈی جی نیب شہزاد سلیم کو دسمبر 2021 میں اسلام آباد ٹرانسفر کیا گیا تھا۔
سابق ڈی جی نیب لاہور شہزاد سلیم کو تقریباً 4 ماہ بعد دوبارہ ڈی جی نیب لاہور تعینات کر دیا گیا۔ ڈی جی نیب لاہور جمیل احمد کو آگاہی ونگ اسلام آباد تعینات کر دیا گیا۔
ڈی جی نیب لاہور شہزاد سلیم نے اپنے دور میں مسلم لیگ نون کے اہم رہنماؤں سمیت دیگر بڑے ملزمان کو گرفتار کیا تھا۔

کراچی: (ویب ڈیسک) سابق وزیر اعظم عمران خان کل کراچی میں باغ جناح میں سیاسی طاقت کا مظاہرہ کریں گے۔ باغ جناح میں جلسے کی تیاریاں جاری ہیں چالیس فٹ اونچا اور ڈیڑھ سو فٹ چوڑا اسٹیج بنالیا گیا، جلسہ گاہ کے اطراف شاہراہوں پر پی ٹی آئی کے پینافلیکس آویزاں کر دیے گئے۔
حکومت کے خاتمے کے بعد پاکستان تحریک انصاف 16 اپریل (ہفتہ) کو شہر قائد میں سیاسی طاقت کا مظاہرہ کرنے جا رہی ہے، جہاں جلسے کے لیے مزار قائد سے بلمقابل باغ جناح کا انتخاب کیا گیا۔ جلسہ گاہ میں چالیس فٹ اونچا اور ڈیڑھ سوفٹ چوڑا مرکزی اسٹیج تیارکیا گیا ہے، جہاں ایک بڑی اسکرین بھی لگائی گئی ہے، مرکزی اسٹیج سے چئیرمین پی ٹی آئی عمران خان اور دیگر رہنما خطاب کریں گے۔ پی ٹی آئی کی جانب سے اس مرتبہ باغ جناح گراونڈ کا زیادہ سے زیادہ حصے کو شرکاء کےلیے مختص کیا گیا ہے۔ جلسہ گاہ میں ہرسو لائٹس اور اسپیکر لگا دیے گئے ہیں۔
ترجمان پی ٹی آئی کے مطابق جلسہ گاہ میں خواتین کے لیے الگ پنڈال جبکہ میڈیا کے لیے الگ کنٹینرز رکھے گئے ہیں۔ جلسہ گاہ کے اطراف کی سڑکوں پر بھی پینافلیکس آویزاں کیے گئے ہیں۔ جلسہ گاہ کے قریب گراونڈ کو پارکنگ کے لیے مختص کیا گیا، جہاں بس شٹل سروس کے زریعے شرکا کو جلسہ گاہ تک لایا جائے گا۔ جلسہ کی سیکیورٹی کے لیے پی ٹی آئی کے رضاکاروں کے علاوہ سندھ پولیس کی نفری بھی بڑی تعداد میں موجود ہوگی۔ جلسے میں آنے والے افراد کو واک تھرو گیٹ سے گزر کر اندر داخل ہونے دیئے جائے گا۔