لاہور: (ویب ڈیسک) پاکستان سپر لیگ (پی ایس ایل) میں پشاور زلمی نے کراچی کنگز کو 174 رنز کا ہدف دیدیا۔
پاکستان سپر لیگ (پی ایس ایل) کے ساتویں ایڈیشن کے گیارہویں میچ میں کراچی کنگز کے کپتان بابر اعظم نے ٹاس جیت کر پشاور زلمی کے کپتان وہاب ریاض کو بیٹنگ کی دعوت دی۔
پشاور زلمی کی طرف سے اننگز کا آغاز وکٹ کیپر بیٹر کامران اکمل اور افغانستان سے تعلق رکھنے والے حضرت اللہ زازئی نے کیا۔
دونوں نے بیٹرز نے ذمہ دارانہ اننگز کھیلتے ہوئے وکٹ کے چاروں اطراف خوبصورت شارٹس کھیلے، تاہم 6 ویں اوورز کی آخری گیند پر حضرت اللہ زازئی 27 گیندوں پر 41 سکور بنا کر عمید آصف کا نشانہ بن گئے، 74 کے مجموعی سکور پر کامران اکمل کی اننگز کا خاتمہ ہوا، انہوں نے 19 گیندوں پر 21 رنز بنائے۔
حیدر علی کی باری 16 سکور پر ختم ہوئی، عامر یامین نے وکٹ حاصل کی۔ بین کٹنگ کی اننگز 24 سکور تک محدود رہی، عمید آصف نے شرجیل خان کی مدد سے کھلاڑی کو پویلین بھیجا۔
اس دوران شعیب ملک نے ذمہ دارانہ بیٹنگ کرتے ہوئے 52 سکور کی ناٹ آؤٹ اننگز کھیلی۔ پشاور زلمی نے مقررہ اوورز میں 173رنز بنا لیے ہیں۔ عمید آصف 3 اور عامر یامین نے ایک وکٹ حاصل کی۔
بابر اعظم (کپتان) ، شرجیل خان، صاحبزادہ فرحان، این کوکبین، عامر یامین، محمد نبی، لوئس گریگورے، عماد وسیم، محمد طہ، عمید آصف، محمد عمران
کامران اکمل، حضرت اللہ زازئی، حیدر علی، حسین طلعت، شعیب ملک، ردرفورڈ، بین کٹنگ، وہاب ریاض (کپتان)، محمد عمر، عثمان قادر، سلمان ارشاد

میلبورن: (ویب ڈیسک) آسٹریلیا کی کرکٹ ٹیم کوچ جسٹن لینگر کے مستقبل کا فیصلہ کرکٹ آسٹریلیا کی 8 گھنٹے طویل بورڈ میٹنگ میں بھی نہ ہو سکا۔
طویل میٹنگ کے اختتام پر جس میں کئی ایجنڈا آئٹمز کا احاطہ کیا گیا تھا، کرکٹ آسٹریلیا کے سی ای او نک ہاکلے نے صحافیوں کو صرف ایک تحریری بیان پڑھ کر سنایا جس میں انہیں بتایا گیا کہ بورڈ اب لینگر کے ساتھ خفیہ بات چیت میں حصہ لے گا۔
ہاکلے نے کہا ہے کہ ’کرکٹ آسٹریلیا اس بات کی تصدیق کر سکتا ہے کہ بورڈ کی آج میٹنگ ہوئی اور اس میٹنگ کے ایک حصے میں مردوں کے ہیڈ کوچ جسٹن لینگر کے معاہدے کے بارے میں اہم بات چیت ہوئی‘۔
انہوں نے کہا کہ ’اب ہم جسٹن لینگر کے ساتھ خفیہ بات چیت کریں گے اور جلد از جلد نتائج کا اعلان کیا جائے گا‘۔
ہاکلے نے اس معاملے پر کئی صحافیوں کے کسی سوال کا جواب دینے سے بھی انکار کر دیا۔
لینگر فی الحال میلبورن میں ہیں جہاں وہ ہفتے کو پرتھ میں گھر کے لیے روانہ ہوں گے اور 14 دن کے لیے گھر میں قرنطینہ میں رہیں گے۔
اس لیے وہ 11 فروری سے سڈنی میں شروع ہونے والی سری لنکا کے خلاف پانچ ٹی ٹوئنٹی میچز کی سیریز میں ٹیم کی کوچنگ نہیں کریں گے اور اس دوران ٹیم کی باگ دوڑ سینیئر اسسٹنٹ اینڈریو میکڈونلڈ کو سونپی جائے گی۔
اسی میٹنگ میں کرکٹ آسٹریلیا نے دورہ پاکستان کی باضابطہ منظوری دے دی تاہم یہ بات بھی ابھی واضح نہیں ہے کہ دورہ پاکستان میں آسٹریلین ٹیم کی کوچنگ جسٹن لینگر کریں گے یا نہیں؟
ایشز کے اختتام کے بعد سے لینگر کے معاہدے کا مستقبل غیر واضح ہے۔ ہوبارٹ ٹیسٹ کے بعد سے وہ ہاکلے سے کئی ملاقاتیں کر چکے ہیں۔
واضح رہے کہ آسٹریلیا کے دو کپتانوں، ٹیسٹ کپتان پیٹ کمنز، اور محدود اوورز کے کپتان ایرون فنچ کی جانب سے موجودہ کوچ کے معاہدے کو جاری رکھنے کی توثیق میں ہچکچاہٹ کے بعد قیاس آرائیاں جاری ہیں۔
T20ورلڈ کپ اور ایشز جیتنے کے باوجودکھلاڑیوں کا لینگر کی کوچنگ کے انداز پر غصہ برقرار ہے اور گزشتہ اگست میں ہونے والی میٹنگز میں کھلاڑی کوچ کی تبدیلی کا مطالبہ کر چکے ہیں۔
لینگر اس عمل سے پریشان اور مایوس ہیں مگر اس بات پر اٹل ہیں کہ انہوں نے ضروری ایڈجسٹمنٹ کی ہے جس کے لیے کھلاڑیوں نے کہا تھا اوراسی کی وجہ سے حالیہ کامیابی ملی ہے۔

کراچی: (ویب ڈیسک) پاکستان سپر لیگ( پی ایس ایل) کے ساتویں ایڈیشن کے پہلے مرحلے میں کراچی کنگز نے پشاور زلمی کے خلاف ٹاس جیت کر فیلڈنگ کا فیصلہ کیا ہے۔
نیشنل اسٹیڈیم کراچی میں کھیلے جارہے میچ میں کراچی کے کپتان بابر اعظم نے ٹاس جیت کر پشاور کو پہلے بیٹنگ کی دعوت دے دی۔
پوائنٹس ٹیبل کی بات کی جائے تو پشاور زلمی 3 میں سے ایک میچ جیت کر 2 پوائنٹس کے ساتھ 5ویں نمبر پر موجود ہے جبکہ کراچی کی ٹیم ابھی تک ایک بھی میچ جیتنے میں کامیاب نہیں ہوئی، اسے مسلسل 3 میچز میں شکست کاسامنا ہے۔