کراچی: (ویب ڈیسک) پاکستانی ڈرامہ انڈسٹری کے معروف اداکار فیروز خان نے اپنی پہلی ٹک ٹاک ویڈیو سے مداحوں کے دل جیت لیے۔
چینی ویڈیو شیئرنگ ایپ ٹک ٹاک کو پاکستان میں بہت کم وقت میں پزیرائی ملی ہے۔ عام لوگوں کی طرح فنکاروں نے بھی ٹک ٹاک پر اکاؤنٹ بنا لیے ہیں تاکہ وہ اپنے مداحوں سے اس پلیٹ فام پر جڑے رہے۔
فیروز خان کے ٹک ٹاک فالورز کی تعداد 69 ہزار سے زائد ہے۔ انہوں نے آج پہلی ویڈیو پوسٹ کی ہے جسے کافی پسند کیا جا رہا ہے۔
ویڈیو میں فیروز خان ضرورت مندوں میں کھانا تقسیم کرتے نظر آ رہے ہیں۔ ویڈیو پر 11 ہزار سے زائد لوگوں نے کمنٹس کر کے اداکار کے اس اقدام کی تعریف کی ہیں۔

کراچی: (ویب ڈیسک) پاکستان پیپلز پارٹی کی رکن سندھ اسمبلی شرمیلا فاروقی اور مارننگ شو کی سابق میزبان نادیہ خان کیس میں اہم پیشرفت ہوئی ہے۔
چند روز قبل شرمیلا فاروقی نے نادیہ خان کو ان کی والدہ کی متنازع ویڈیو پر 50 ملین (5 کروڑ روپے ) کا ہتک عزت کا نوٹس بھیجا تھا۔
شرمیلا فاروقی نے اپنی انسٹاگرام اسٹوری پر شیئر کیے گئے نوٹس میں کہا تھا کہ نادیہ خان نے اپنے یوٹیوب چینل پر ایک ہتک آمیز ویڈیو شائع کی ہے جس میں انہوں نے ان کی والدہ انیسہ فاروقی کی پرئیوایسی کی خلاف ورزی کی اور ان کی میک اپ لُک کا مذاق اڑایا۔
نوٹس میں شرمیلا فاروقی کی جانب سے نادیہ خان کو 15 دن کا وقت دیا گیا کہ وہ نہ صرف اپنے ریمارکس واپس لے بلکہ معافی بھی مانگے اور 50 ملین بطور معاوضہ ادا کرے۔
شرمیلا فاروقی کے ہتک عزت کے نوٹس کے جواب میں نادیہ خان نے بھی اپنے وکیل کے توسط سے شرمیلا فاروقی کو ان کے خلاف توہین آمیز ریمارکس استعمال کرنے پر 50 کروڑ ہرجانے کا نوٹس بھیجاتھا۔
اب اس کیس میں اہم پیشرفت ہوئی ہے۔ شرمیلا فاروقی نے گزشتہ روز انسٹاگرام اسٹوری پر وفاقی محتسب کے نوٹس کا اسکرین شاٹ شیئر کیا اور بتایا کہ وفاقی محتسب نے نادیہ خان کو اس کیس سے متعلق کسی بھی طرح کی بحث کرنے یا کیس پر تبصرہ کرنے سے روک دیا ہے۔
واضح رہے کہ کچھ روز قبل نادیہ خان کی ایک ویڈیو سوشل میڈیا پر وائرل ہوئی تھی جس میں وہ شرمیلا فاروقی کی والدہ انیسہ فاروقی سے تمسخر اڑانے والے انداز میں ان کے میک اپ کے بارے میں پوچھ رہی تھیں۔
شرمیلا فاروقی نے نادیہ خان کے اپنے والدہ کے ساتھ رویے پر سخت برہمی کا اظہار کرتے ہوئے انہیں ’’بے شرم عورت‘‘ کہا تھا اور ان کے خلاف سائبر کرائم میں شکایت بھی درج کروائی تھی۔

کراچی: (ویب ڈیسک) اداکارہ سجل علی کی ایک ویڈیو سوشل میڈیا پر وائرل ہورہی ہے جس میں وہ بتاتی ہوئی نظر آرہی ہیں کہ آج کل احد رضامیر سجل علی کے ساتھ نظر کیوں نہیں آتے۔
احد رضا میر اور سجل علی کا شمار پاکستان کی مشہور جوڑیوں میں ہوتا ہے اور انہیں پسند کرنے والے مداحوں کی تعداد بھی لاکھوں میں ہے۔
حال ہی میں سجل علی کی بہن صبور علی کی شادی اور سجل کی فلم ’’کھیل کھیل میں‘‘ کے پریمئر میں احد رضا میر کی غیر موجودگی نے دونوں کے درمیان علیحدگی کی خبروں کو ہوا دی تھی۔
تاہم اب سجل علی کی ایک ویڈیو سوشل میڈیا پر وائرل ہورہی ہے جس میں وہ اس بات کی وضاحت دیتی ہوئی نظر آرہی ہیں کہ آج کل وہ اور احد ساتھ نظر کیوں نہیں آتے۔
ویڈیو میں دیکھا جاسکتا ہے جب سجل سے سوال کیا جاتا ہے لوگ یہ پوچھتے ہیں کہ سجل کے ساتھ احد کیوں نظر نہیں آتے نہ فلم کے پریمئر پر نظر آئے اور نہ ہی کہیں اور۔ تو اس سوال کے جواب میں سجل کہتی ہیں کہ احد رضامیر اس وقت پاکستان میں نہیں ہیں اور کام کے سلسلے میں مصروف ہیں۔ اسی لیے وہ یہاں میرے ساتھ نہیں ہیں۔