نوشہرہ: (ویب ڈیسک) وفاقی وزیر دفاع پرویز خٹک نے کہا ہے کہ پرویز الہیٰ ہمارے مخلص اتحادی ہیں۔ ان کا نام استعمال کرکے اپوزیشن فلاپ شو میں دم نہیں بھر سکتی۔
نوشہرہ میں میڈیا سے گفتگو کرتے ہوئے وفاقی وزیر دفاع کا کہنا تھا کہ تمام اتحادی عمران خان کے ساتھ کھڑے ہیں۔ اپوزیشن کا ڈرامہ فلاپ ہوچکا ہے۔ اپوزیشن کے سات 7ایم این ایزمیرے ساتھ رابطہ میں ہیں دیگر بھی رابطہ میں ہیں۔ اپوزیشن کے رنگ اڑے ہوئیں ہیں۔ ہم سوئے نہیں ہیں۔
ان کا کہنا تھا کہ اپوزیشن ہمارے اتحادیوں کو توڑ نہیں سکتی۔ پرویز الہیٰ ہمارے مخلص اتحادی ہیں۔ ان کا نام استعمال کرکے اپوزیشن فلاپ شو میں دم نہیں بھر سکتی۔
پرویز خٹک نے کہا کہ وقت آنے پر اپوزیشن کو کیسے توڑونگا،سب دیکھ لیں گے۔ اپوزیشن کی اینٹ سے اینٹ بجا دیں گئے، اپوزیشن کا عدم اعتماد ڈرامہ ہے، اتحادی ہمارے ساتھ ہیں۔ ہمارا کوئی ایم این اے کہیں نہیں جارہا، سب افواہیں ہیں۔
انہوں نے کہا کہ جہانگیر ترین سے حکومت رابطے میں ہے یا نہیں، ترین کے بارے میں کچھ نہیں کہہ سکتا۔ اپوزیشن کی عدم اعتماد تحریک بری طرح ناکام ہوگئی۔ مہنگائی عالمی سطح پر کورونا کی وباء کی وجہ سے آئی۔ عمران خان کی پالیسوں سے عوام کو جلد ریلیف ملے گا۔
وفاقی وزیر دفاع کا کہنا تھا کہ نوشہرہ کی عوام نے ہمیشہ ہمیں عزت دی۔ مسائل حل کررہے ہیں، میگاترقیاتی پروجیکٹ سے نوشہرہ جدید ضلع بن جائے گا، تحریک انصاف کی مقبولیت میں اضافہ عوام کا اعتماد ہے۔ بلدیاتی الیکشن کے دوسرے مرحلے میں تحریک انصاف پورے صوبہ میں کلین سویپ کرے گی۔

کیف:(ویب ڈیسک) روس اور یوکرین میں جاری لڑائی کے باعث پھنسے پاکستانی انتہائی مشکلات سے دو چار ہیں، شہریوں کے پاس پیسے ختم ہو گئے، ٹرانسپورٹ ناپید ہونے سے شہریوں نے وزیراعظم عمران خان سے اپیل کر دی۔
یوکرین میں پاکستانی سفیر ڈاکٹر نوئل نے کہا ہے کہ تمام پاکستانی محفوظ ہیں، زیادہ ترطلبہ کو پولینڈ منتقل کردیا، دیگر کو نکالنے کیلئے بھی انتظامات کر رہے ہیں، لو ریلوے سٹیشن پر پاکستانی شہریوں اور طلبہ کیلئے استقبالیہ کیمپ قائم کردیا گیا ہے۔
ڈاکٹر نوئل کھوکر کا کہنا ہے کہ 41 طلبا اور 24 خاندانوں کو پولینڈ پہنچا دیا۔ 53 طلبہ اس وقت بارڈر پوسٹ پر اور 67 سہولت سنٹر میں ہیں۔ 104طلبا کو خرکیف سے بذریعہ ٹرین لایا جا رہا ہے۔ کوشش ہےآج 200 سے زائد طلبہ کو بارڈر کراس کرادیں۔ لو ریلوے سٹیشن پر پاکستانی شہریوں اورطلبا کیلئے استقبالیہ کیمپ قائم کیا گیا ہے۔
پاکستانی طلبہ نے ایک بار پھر پاکستانی حکومت سے جلد از جلد مدد کی اپیل کی ہے۔
پولتاوا شہر میں موجود طلبہ کا کہنا ہے کہ حالات بہت خراب ہیں، مدد کیلئے کوئی نہیں آیا،ٹرانسپورٹ اور رقم بھی نہیں، پولینڈ اور ہنگری کے بارڈر تک کیسے پہنچیں۔
ایک طالب علم کے والد نے صورتحال پر سخت پریشانی کا اظہار کرتے ہوئے کہا کہ یوکرین میں پھنسے طلبہ پریشان اور مصیبت میں ہیں۔ وزیراعظم طلبہ کی واپسی کیلئے مدد کریں ۔ جنگی زدہ ماحول کے باعث طلبہ کی زندگیوں کو شدید خطرات لاحق ہیں، حکومت پاکستانی شہریوں اور طلبا کی حفاظت کیلئے خاطر خواہ انتظامات کرے۔

اسلام آباد: (ویب ڈیسک) اسلام آباد میں جلسے سے خطاب میں انہوں نے کہا کہ جب نئے پاکستان سے ڈو مور کا مطالبہ ہوتا ہے تو جواب نا میں ہوتا ہے ، عمران خان نے کہا ہم امن کے فروغ کیلئے ہر کسی کے ساتھ کام کرنے کو تیار ہیں۔
اسد عمر نے کہا کہ کسی کی چوری کی دولت کو چھپانے کیلئے ملکی مفادات کو قربان نہیں کریں گے، آج کل دوبارہ سے لانگ مارچ کی باتیں ہو رہی ہیں، ہمیشہ میں سردیوں میں نئی نئی بیماریاں آتی ہیں۔
اپنی بات جاری رکھتے ہوئے انہوں نے کہا کہ سردیاں شروع ہوتی ہیں تو پی ڈی ایم کی بیماری بھی آ جاتی ہے، پی ڈی ایم کی بیماری بھی ختم ہوجائے گی کوئی نقصان نہیں پہنچائے گی، سردیاں ختم ہوتے ہی پی ڈی ایم بھی ختم ہو جاتی ہے۔
وفاقی وزیر نے کہا کہ ہم نے کبھی نہیں سنا کہ شہباز شریف اور زرداری سمیت ان کی اولادیں یہاں بیمار ہوئی ہوں۔
ان کا کہنا تھا کہ 18 اگست 2023 تک عمران خان اس ملک کے وزیراعظم رہیں گے، 2023کے انتخابات میں بھی عمران خان کامیاب ہوں گے اور وزیراعظم بنیں گے۔

اسلام آباد: (ویب ڈیسک)پاکستان تحریک انصاف (پی ٹی آئی) کی کور کمیٹی از سر نو تشکیل دیدی گئی، 33 ممبران کے ناموں کی حتمی منظوری دیدی گئی۔
سیکرٹری جنرل پاکستان تحریک انصاف (پی ٹی آئی) اسد عمر کی جانب سے جاری کردہ نوٹیفکیشن کے مطابق وزیراعظم عمران خان بطورِ چئیرمین پی ٹی آئی کور کمیٹی کے سربراہ ہوں گے۔
نوٹیفکیشن کے مطابق شاہ محمود، اسد عمر، فواد چودھری، پرویز خٹک، شفقت محمود، خسرو بختیار، عمران اسماعیل، اسد قیصر، قاسم خان سوری، علی امید گنڈاپور، علی زیدی، حماد اظہر، محمود خان، شیریں مزاری، عثمان بزدار، سیف اللہ نیازی بھی کمیٹی کا حصہ ہونگے۔
نوٹیفکیشن کے مطابق چودھری سرور، اعجاز چودھری، مراد سعید، محمود الرشید، غلام سرور خان، عامر ڈوگر، اعظم سواتی، عاطف خان، فضل خان، شاہ فرمان، ارباب غلام رحیم، حلیم عادل شیخ، بابر اعوان، فردوس شمیم نقوی کے نام بھی شامل ہیں۔

گھوٹکی: (ویب ڈیسک) تحریک انصاف نے سندھ میں میدان لگالیا۔ شاہ محمود، علی زیدی اور حلیم عادل شیخ کی قیادت میں سندھ تحفظ حقوق مارچ کا گھوٹکی سے آغاز ہوگیا۔
سکھر میں پی ٹی آئی کے سندھ حقوق مارچ کے لیے جلسہ گاہ تیار کر لیا گیا۔ سندھ پنجاب کی سرحد پر واقع ضلع گھوٹکی کے علاقے کموں شہید سے لانگ مارچ شروع ہو کر رات سکھر پہنچے گا۔ پی ٹی آئی کے سندھ حقوق مارچ کے شرکاء رات سکھر میں قیام کریں گے۔ سکھر میں قیام کے دوران مارچ کے قائدین جلسے سے بھی خطاب کریں گے۔ جلسے کے لیے ڈی آئی جی آفس کے قریب پنڈال تیار کیا جا چکا ہے۔ جلسے میں سیکڑوں کی تعداد میں کرسیاں اور صوفے لگا دیئے گئے ہیں۔ قائدین کے بیٹھنے کے لیے 150 فٹ چوڑا اسٹیج تیار کیا گیا ہے۔ جلسے سے وفاقی وزراء شاہ محمود قریشی، علی زیدی اور حلیم عادل شیخ، مبین خان اور دیگر خطاب کریں گے۔ لانگ مارچ رات سکھر میں قیام کے بعد کل شکارپور روانہ ہوگا۔
وزیر خارجہ شاہ محمود قریشی نے سماجی رابطے کی ویب سائٹ پر ٹویٹ کرتے ہوئے کہا کہ سندھ کی غیور عوام 14 سال سے مسلط کرپٹ حکمرانوں سے نجات، اپنے حقوق کے تحفظ اور اپنی آنیوالی نسلوں کے بہتر مستقبل کیلئے، پاکستان تحریک انصاف کی “سندھ حقوق مارچ ریلی”میں شرکت کر کے تبدیلی کی اس تاریخی جدوجہد میں شامل ہوں۔
اپوزیشن لیڈر سندھ اسمبلی حلیم عادل شیخ نے میڈیا سے گفتگو کرتے ہوئے کہا کہ حقوق سندھ مارچ صوبے کے عوام کو جگانے کیلئے ہے، زرداری مافیا سندھ کیلئے علی بابا چالیس چور کی طرح ہے، نوسر بازوں کا ٹولہ کراچی سے اسلام آباد کیلئے نکل رہا ہے، سندھ میں ہماری بیٹیوں کی عزتیں محفوظ نہیں، بلاول زرداری کو جواب دینا ہوگا، سندھ میں اسکولوں کی حالت ابتر، اسپتالوں میں ڈاکٹرز نہیں، سندھ میں جنگل کا قانون ہے، سندھ کے عوام کو ان سے نجات دلائیں گے۔