Pemra اتھارٹی نے ایک بار پھر گیارہ نومبر2021ءکو پاکستان کے واحد DTH لائسنس ہولڈر شہزاد سکائی کو آخری وارننگ دے دی ہے کہ وہ60 روز کے اندر اندر کروڑوں روپوں کے واجبات ادا کر دے۔ تا کہ Pemra اتھارٹی شہزاد سکھائی کی DTH کمرشل سروس18 ماہ کی مہلت پر غور کر سکے۔ اس بات سے صاف واضح ہے کہ جب تک شہزاد سکائی کمپنی 60 روز کے اندر اندر Pemra کو کروڑوں روپوں کے واجبات ادا نہیں کر دیتی۔ Pemra شہزاد سکائی کی اس درخواست پر بالکل غور نہیں کرے گی کہ شہزاد سکائی کمپنی کو DTH کی کمرشل سروس شروع کرنے کے لئے 18 ماہ کی مہلت دی جائے۔Pemra پہلے ہی متعدد بار شہزاد سکائی کو بار بار کروڑوں روپوں کے واجبات اور DTH کی کمرشل سروس شروع کرنے کی مہلت دیتی رہی ہے۔ لیکن شہزاد سکائی کمپنی ہر بار ناکام رہی ہے۔ بلکہ کئی بار تو شہزاد سکائی کمپنی نے Pemra کو جواب دینا بھی گوارہ نہیں کیا۔DTH کے لائسنس کے لئے بڈینگ نومبر2016ءمیں ہوتی تھی۔ جس کے بعد تین کمپنیوں کو مجموعی طور پر 14 ارب69کروڑ کے عوضDTH کے تین لائسنس مل گئے تھے۔ کامیاب ہونے والی ہر ایک کمپنی کو 4 ارب 90 کروڑ روپے کا DTH لائسنس پڑ گیا تھا بعد میں DTH لائسنسوں کے حوالے سے کچھ پارٹیاں پہلے ہائی کورٹ میں پھر سپریم کورٹ میں چلی گئی تھیں۔ عدالتوں نے تمام معاملات DTH لائسنسوں کے حق میں کر دیئے۔ عدالتی فیصلے کے بعدDTH لائسنسوں کا رُک جانے والا معاملہ دوبارہ 2018ءمیں شروع ہوا۔ شہزاد سکائی کمپنی وہ واحد کمپنی ہے۔ جسے ستمبر 2018ءوزارت داخلہ نے Securty Clearnce جاری کر دی تھی۔ Securty Clearence جاری ہونے کے ساتھ ہی شہزاد سکائی کمپنی کو دو آپشن دی گئی تھیں۔ یا تو تمام کے تمام Applicatle License Fee (ALF) ایک ہی مرتبہ ادا کر دیئے جائیں یا پھر 50 فیصد ادا کر دیئے جائیں اور باقی ماندہ واجب الادا 10 سالانہ قسطوں میں ادا کر دیئے جائیں۔ شہزاد سکائی کمپنی نے دوسری آپشن قبول کی اور 2 ارب 45 کروڑ ادا کر دیئے۔ جب کہ باقی ماندہ واجب الادا 2 ارب 45 کروڑ اگلے دس سالوں میں ادا کرنے کی حامی بھری۔ یہ سب کچھ لکھ پڑھت میں 11 فروری2019ءمیں ہو گیا تھا۔ اور اس کے ساتھ ساتھ DTH کی کمرشل سروس ایک سال بعد فروری 2020ءمیں شروع کرنے کی بھی حامی بھری۔ یہ سب کچھ نہ کرنے کی صورت میں شہزاد سکائی کمپنی کا لائسنس بھی منسوخ ہو سکتا تھا۔ چونکہ شہزاد سکائی کمپنی نہ تو پہلی قسط فروری 2020ءمیں ادا کی نہ ہی DTH کی کمرشل سروس فروری 2020ءمیں شروع کر سکے۔ لائسنس کے معاہدے کے مطابق سالانہ قسط بروقت ادا نہ کرنے کی صورت میں 5 فیصد سے لے کر 15 فیصد ماہانہ جرمانہ بھی عائد ہو جاتا ہے۔ بجائے اسی کے کہ شہزاد سکائی کمپنی 2 سالوں کے واجبات ادا اور DTH کی کمرشل سروس شروع کرے۔ شہزاد سکائی کمپنی نے 30 جنوری 2020ءمیں DTH کی کمرشل سروس شروع کرنے کے لئے Pemra سے ایک سال کی مہلت مانگ لی۔ جس پر Pemra نے شہزاد سکائی کمپنی کو ایک سال کی مہلت دے دی۔ لیکن Pemra نے شہزاد سکائی کمپنی کو DTH کمرشل سروس شروع کرنے کے لئے ایک سال کی مہلت صرف اس شرط پر دی کہ شہزاد سکائی کمپنی اس کے بعد دوبارہ کبھی بھی DTH کمرشل سروس شروع کرنے کی مزید مہلت نہیں مانگے گی۔ اور شہزاد سکائی کمپنی اس بات کی پابند ہو گی کہ وہ اکتوبر 2020ءتک DTH کی کمرشل سروس شروع کرے۔ Pemra نے ان شرائط کو 2 جون 2020ءپھر 9 جولائی 2020ءاور پھر 17 جولائی 2020ءکو شہزاد سکائی کمپنی کو بھجوایا۔ لیکن شہزاد سکائی کمپنی نے Pemra کو کوئی جواب دینا گوارہ ہی نہ کیا۔ لیکن شہزاد سکائی کمپنی نے 19 اکتوبر2020ءکوPemra سے ایک بار پھر درخواست کی کہ کوئی مہربانی فرمائیں۔ شہزاد سکائی کمپنی DTH کی کمرشل شروع نہ کرنے کی وجہ ہمیشہ سے ہی کرونا وبا Declane کرتا رہا۔ جس پر Pemra نے کمپنی کو لکھا کہ کرونا وبا کو بَہانا بنانا چھوڑ دیں۔ کیونکہ کرونا وبا کا زور ٹوٹ چکا تھا اور دنیا بڑی تیزی کے ساتھ اپنے اپنے کام پر واپس آ رہی تھی۔ پھر 22 ستمبر2021ءکو Pemra اتھارٹی کے سامنے شہزاد سکائی کمپنی کے نمائندے شہباز ظہیر، بلال طارق، کامران شجاع، فصاحت علی اور مِس وَردا پیش ہوئیں۔ اِس میٹنگ کے بعد Pemra نے شہزاد سکائی کمپنی کو دو سالوں کے واجبات ادا کرنے اور DTH کمرشل سروس شروع کرنے کے حوالے سے کچھ ہدایات جاری کیں۔ جن میں کمپنی سے کہا گیا کہ وہ دستاویزی ثبوت دیں۔ کہ انہوں نے Satellite Capecty حاصل کر لی ہے۔ انٹرنیشنل Vendors سے ضروری سامان خرید لیا ہے۔ DTH سیٹ اپ کے لئے زمین حرید لی ہے۔ جس سے پتہ چل سکے کہ کمپنی DTH کی کمرشل سروس شروع کرنے میں سنجیدہ بھی ہے کہ نہیں۔کمپنی نے Pemra کو اِس حوالے سے کو دستاویزی ثبوت نہیں دیا ہے۔ نہ ہی اس بارے میں Pemra کو مطلع کیا۔ ان تمام معاملات کے بعد Pemra نے 11 نومبر2021ءکو شہزاد سکائی کمپنی کو آخری وارننگ جاری کرتے ہوئے ایک مرتبہ پھر کہا ہے کہ وہ واجبات ادا کرے۔DTH کی کمرشل سروس شروع کر دے اور DTH کی کمرشل سروس شروع کرنے کے لئے جن لوازمات کی ضرورت ہے وہ پوری کرے۔Pemra اتھارٹی کے اس فیصلے کو اور چیئرمین Pemra کے فیصلے کو Pemra اتھارٹی کے باقی ارکان اشفاق جمانی ایگزیکٹو ممبر میجر جنرل امیر عظیم باجوہ چیئرمین PTA شاعرہ شاہد سیکرٹری آئی اینڈ بی ڈاکٹر محمد اشفاق احمد چیئرمین FBR محمد ارفین ممبر فیصل شیر جان ممبر مسز صفیہ ملک ممبر سید حسین ابوزر پیرزادہ ممبراور مسز فرح عظیم شاہ ممبر نے مکمل طور پر تائید کی اور اسی بات پر زور دیا کہ شہزاد سکائی کمپنی کو یہ آخری وارننگ ہے۔

موسم سرد ہوتے ہی گیس کی لوڈشیڈنگ میں اضافہ ہو گیا، لاہور، فیصل آباد، ملتان ، کراچی ، کوئٹہ اور پشاور سمیت دیگر شہروں میں گیس پریشر کم انتہائی کم، خواتین کا کھانا پکانا دشوار ہو گیا، ایل پی جی اور لکڑیاں مہنگی، شہری دہائیاں دینے لگے۔ سردی میں اضافہ کیا ہوا، گیس بحران نے شہریوں کو اذیت میں مبتلا کر دیا۔ لاہور، کراچی، فیصل آباد، ملتان، گوجرانوالہ، پشاور اور کوئٹہ میں گیس لوڈشیڈنگ سے شہری شدید پریشانی سے دوچار ہو گئے۔ لاہور کے کئی علاقوں میں گیس کی لوڈشیڈنگ جاری ہے، مہنگائی کے ہاتھوں پستے عوام اب گیس نہ ہونے کی وجہ سے سلنڈر استعمال کرنے پر مجبور ہیں۔ کراچی میں خواتین دیہات کی زندگی گزارنے پر مجبور ہوگئیں، بچوں کو 2 وقت کا کھانا دینے کیلئے لکڑیوں پر کھانا پکانے لگیں۔ شہر کے علاقوں بہادر آباد ، نمائش، لائنز ایریا، گلشن اقبال، صدر، لیاری میں گیس کی لوڈشیڈنگ جاری ہے۔ نیو کراچی، بفرزون ، اورنگی ٹاون اور بلدیہ ٹاون میں بھی شہریوں کو گیس پریشر میں کمی کی اذیت کا سامنا ہے۔ شہر قائدؒ کے مکینوں کا کہنا ہے کہ ہوٹلوں کا کھانا خرید نہیں سکتے، سلنڈر بھی قوت خرید سے باہر ہے، حکومت مسئلے کے حل کیلئے اقدامات اٹھائے۔

اسلام آباد (نئیر وحید راوت سے) ایف آئی اے نے افغان مہاجرین کو قومی شناختی دستاویزات جاری ہونے پر از سر نو تحقیقات شروع کر دی ہیں جسکی نگرانی ڈائیریکٹر ایف آئی اے اسلام آباد وقار چوہان کر رہے ہیں ذرائع کے مطابق چند عرصہ قبل خفیہ ادارے نے ایک رپورٹ ایف آئی اے کو بھجوائی تھی کہ افغانی باشندوں نے پاکستانی شناختی دستاویزات تیار کر رکھی ہیں جو جعلی ہیں تاہم ان پر کئی افغانی یورپ اور دیگر ممالک منتقل ہو چکے ہیں ذرائع کے مطابق”کئی ایسے افراد جن کے پاس پاکستانی شناختی کارڈ ہیں ان کے افغانی پاسپورٹ پر بھارتی ویزے بھی موجود ہیں“ذرائع کے مطابق نادر آکے وجود آنے کے بعد بھی پاکستان میں شناختی دستاویزات جاری کرنے والے ادارے، نادرا کے جعلی شناختی کارڈ مبینہ طور پر سینکڑوں افغان شہریوں کو پاکستانی شناختی کارڈ جاری کیے ہیں، جن میں افغان انٹیلی جنس اہلکار بھی شامل ہیں جسکی بازگشت سینٹ کی داخلہ کمیٹی کے ایک اجلاس میں بھی سنائی گئی تھی جسکی صدارت سابق سینیٹر طلحہٰ محمود نے کرتے ہوئے بتایا تھا کہ کئی ایسے افراد جن کے پاس پاکستانی شناختی کارڈ ہیں ان کے افغانی پاسپورٹ پر بھارتی ویزے بھی موجود ہیں۔ ذرائع کے مطابق اسوقت طلحٰہ محمود نے یہ معاملہ تحقیقات کیلئے انٹیلیجنس بیورو کو بھجوایا تھاطلحہٰ محمود نے آئی بی کو بھجوائے گئے خط میں نشاندھی کی تھی کہ 50 سے زائد تاجک شہریوں کو بھی نادرا کارڈ جاری کیے گئے۔ ان تاجک شہریوں کی فہرست بھی ڈی جی آئی بی کو دے دی ہے۔ذرائع کے مطابق پاکستان کے خفیہ ادارے نے بھی سینکڑوں لوگوں کی فہرست فراہم کی۔ مگر اس پر بھی نادرا نے کوئی کام نہیں کیا۔ ذرائع کے مطابق کمیٹی اجلاس میں ڈی جی آئی بی نے بھی کمیٹی کو پوشیدہ بریفنگ دی تھی جبکہ اجلاس میں نادرا سمیت دیگر اہم اداروں کے حکام بھی موجود تھے۔مبینہ افغان شہریوں کے پاسپورٹس اور پاکستانی شناختی کارڈز کی تصاویر بھی خفیہ ادارے کے حوالے کی گئی تھیں لیکن نامعلوم وجوہات پر تحقیقات روک لی گئی تھیں جس پر دوبارہ تیزی سے تحقیقات شروع کر دی گئی ہیں۔

لاہور(جنرل رپورٹر)پنجاب کے وسطی علاقے مسلسل چھٹے روز شدید فضائی آلودگی کی لپیٹ میں ہیں، ایئر کوالٹی انڈیکس کے مطابق لاہور دنیا بھر کے بڑے شہروں میں فضائی آلودگی کے لحاظ سے پہلے نمبر پر ہے۔ہفتہ کوایئر کوالٹی انڈیکس کے مطابق لاہور کی فضا میں آلودگی 407 پرٹیکیولیٹ میٹرز ریکارڈ کی گئی ہے۔فضائی آلودگی میں دوسرے نمبر پر جنوبی کوریا کا شہر انچون ہے جہاں آلودگی 239 پرٹیکیولیٹ میٹرز ہے جبکہ بھارتی دارالحکومت دہلی 218 پرٹیکیولیٹ میٹرز کے ساتھ تیسرے نمبر پر ہے۔ایئر کوالٹی انڈیکس کا کہنا ہے کہ پاکستان میں بھی لاہور ہی 407 پرٹیکیولیٹ میٹرز کے ساتھ فضائی آلودگی کے لحاظ سے پہلے نمبر پر ہے۔ ساہیوال 402 پرٹیکیولیٹ میٹرز کے ساتھ دوسرے، گوجرانوالہ اور رائے ونڈ 358 پرٹیکیولیٹ میٹرز کے ساتھ تیسرے اور چوتھے نمبر پر ہیں۔اس فہرست میں ملک کا سب سے بڑا شہر کراچی 159 پرٹیکیولیٹ میٹرز کے ساتھ10 ویں نمبر پر ہے۔ایئر کوالٹی انڈیکس کی درجہ بندی کے مطابق 151 سے 200 درجے تک آلودگی مضرِ صحت ہے۔ایئر کوالٹی انڈیکس کے مطابق 201 سے 300 درجے تک آلودگی انتہائی مضرِ صحت ہے، جبکہ 301 سے زائد درجہ خطرناک آلودگی کو ظاہر کرتا ہے

لاہور (خصوصی رپورٹر) وزیر اعلی پنجاب سردار عثمان بزدار کی زیر صدارت وزیراعلیٰ آفس میں اعلیٰ سطح کا اجلاس منعقدہوا ، جس میں صوبے کے عوام کو ہیلتھ کیئر کی معیاری سہولتیں فراہم کرنے کے پروگرام پر کاجائزہ لیا گیا-وزیراعلیٰ عثمان بزدار نے ہیلتھ کیئر کی معیاری سہولتوں کی فراہمی کے لئے ہر ممکن اقدام اٹھانے کی ہدایت کرتے ہوئے کہاکہ پسماندہ علاقوں کے ہسپتالو ں میں سروس ڈلیوری میں بہتری لائیں گے اور ہسپتالوں میں ہر مریض کوعلاج معالجے کی معیاری سہولتوں کی فراہمی یقینی بنائیں گے-انہوںنے کہاکہ سابق دور میں پسماندہ علاقے صحت کے لحاظ سے بھی پسماندہ رکھے گئے- ہماری حکومت نے معیاری ہیلتھ کیئر کے لئے یکساں پالیسی اپنائی ہے – ملتان میں نشتر ٹو، رحیم یار خان میں شیخ زید ہسپتال ٹو اور ڈیرہ غازی خان میں کارڈیالوجی انسٹی ٹیوٹ کا قیام عمل میں لایا جا رہا ہے۔انہوںنے کہاکہ پنجاب کی تاریخ میں پہلی بار دوردراز علاقو ں میں مدر اینڈ چائلڈ ہسپتال بنائے جا رہے ہیں – مدر اینڈ چائلڈ ہسپتالوں کے منصوبے ماں و بچے کی صحت کے لئے انتہائی اہمیت کے حامل ہیں۔ ماضی کے ادوار میں صحت کا کوئی قابل ذکر منصوبہ مکمل نہ ہو سکاجس کی وجہ سے ماں اور بچے کی شرح اموات میں اضافہ ہوا۔انہوںنے کہاکہ ہماری حکومت نے شعبہ صحت میں انقلابی اصلاحات متعارف کرائی ہیں اور ان اصلاحات کا مقصد ہسپتالوں میں عوام کو معیاری ہیلتھ کیئر فراہم کرنا ہے۔ تین سال میں شعبہ صحت کے مجموعی بجٹ میں 118 فیصد اضافہ کیا گیا ہے۔ سیکرٹری سپیشلائزڈ ہیلتھ کیئر اینڈ میڈیکل ایجوکیشن نے صوبے میں جاری ہیلتھ پراجیکٹس کے بارے میں بریفنگ دی-صوبائی وزیر صحت ڈاکٹر یاسمین راشد ، چیئرمین منصوبہ بندی وترقیات، پرنسپل سیکرٹری وزیر اعلی، سیکرٹری خزانہ،سیکرٹری سپیشلائزڈ ہیلتھ کیئر اینڈ میڈیکل ایجوکیشن، سیکرٹر ی پرائمری اینڈ سیکنڈری ہیلتھ ،سیکرٹری بلدیات اور متعلقہ حکام نے اجلاس میں شرکت کی-وزےراعلیٰ پنجاب سردار عثمان بزدارنے کہاہے کہ کورونا وباءکے بعد ڈینگی پر اپوزےشن کاسےاست کرنا بے حسی اورسنگدلی کی انتہاءہے ۔اپوزےشن عناصر مخالفت برائے مخالفت مےںانسانی زندگےوں پر بھی پوائنٹ سکورنگ کرنے سے باز نہےں آئے۔اپوزیشن کی جانب سے موجودہ حالات میں سیاست چمکانا افسوسناک ہے

وزیر اعظم کے نمائندہ خصوصی برائے بین المذاہب ہم آہنگی علامہ حافظ طاہرمحمود اشرفی نے کہاہے کہ ہم امریکا و یورپ کی جانب سے پاکستان میں جبری مذہب کی تبدیلی کے حوالے سے رپورٹس کو مسترد کرتے ہیں۔
قرآن اکیڈمی میں علمابورڈ کے اجلاس کے بعد وزیر اعظم کے نمائندہ خصوصی برائے بین المذاہب ہم آہنگی علامہ حافظ طاہر محمود اشرفی نے علامہ محمد حسین اکبر ، مفتی راغب نعیمی و دیگر علما کے ہمراہ پریس کانفرنس سے خطاب کرتے ہوئے کہا کہ دنیا کو بھارت میں انسانی حقوق کی خلاف ورزیوں اور ظلم و بربریت کے مناظر کیوں نظر نہیں آتے پاکستان اقلیتوں کیلئے جنت ہے۔ پاکستان میں بعض این جی اوز اور اینٹی پاکستان لابی مذہب کی جبری تبدیلی اور اقلیتوں کو مسلم بنانے کیلئے شادیوں پر جو پروپیگنڈا کیاجاتاہے اسے مسترد کرتے ہیں۔
انہوں نے کہا کہ دنیا ترقی کی جانب سے گامزن ہے لیکن اپوزیشن جماعتیں الیکٹرونک ووٹنگ مشین پر اعتراضات کررہی ہیں جو غلط ہے اگر اوورسیز پاکستانیوں کی جانب سے رقوم سے استعفادہ کرتے ہیں تو پاکستان کی تعمیر و ترقی میں انکا حصہ ڈالنے سے کیوں ہچکچاتے ہیں۔ او آئی سی دنیا میں مسلمانوں کے خلاف ظلم پر نوٹس لے۔
علامہ محمد حسین اکبر ، مفتی راغب نعیمی اور ضیا اللہ شاہ بخاری نے یو ایس کمیشن فار فریڈم کی جبری مذہب کی رپورٹ کو مسترد کرتے ہوئے کہاکہ قادیانی دنیا میں پروپیگنڈہ کرتے ہیں کہ پاکستان انہیں بطور غیر مسلم تسلیم نہیں کرتا حکومت جعلی رپورٹیں بنانے والوں کے خلاف ایکشن لے، ان کاکہناتھاکہ عوام ا ور ادارے سب متفق ہیں۔

پی ٹی آئی وسطی پنجاب کے صدر اعجاز چوہدری نے کہا کہ ٹی ایل پی واحد جماعت پے کہ جس پر کرپشن کا کوئی داغ نہیں، ہماری ذمہ داری ہے ایسی لیڈرشپ سے رابطے میں رہیں جو دوسروں سے مختلف ہے، ریاست کی ذمہ داری ہےعوام سےایساتعلق رکھےجس سےاتفاق رائےپیدا ہو۔

پاکستان تحریک انصاف وسطی پنجاب کے صدر و سینیٹر اعجاز چوہدری نے تحریک لبیک پاکستان (ٹی ایل پی) کے بانی خادم حسین رضوی کے مزارپر حاضری دی اور فاتحہ خوانی کی۔

سینیٹر اعجاز چوہدری سربراہ ٹی ایل پی سعد رضوی سے ملاقات کیلئے مسجد رحمت اللعالمین ﷺ پہنچے جہاں انہوں نے خادم حسین رضوی کےمزارپرحاضری دی اورفاتحہ خوانی کی۔

بعدازاں اعجاز چوہدری نے سعد رضوی کو ملاقات میں پھولوں کا گلدستہ پیش کیا۔ ملاقات کے بعد میڈیا سے گفتگو میں اعجاز چوہدری کا کہنا تھاکہ سعد رضوی کو رہائی پرمبارکباد دینے اور گلدستہ پیش کرنے آیا ہوں۔

وزیر اعظم عمران خان نے کہا ہے کہ عوام کو معلوم ہے عمران خان کے علاوہ کوئی اور چوائس نہیں ہے۔
وزیر اعظم عمران خان کے معاون خصوصی شہباز گل نے کہا ہے کہ پشاور کے عوام نے پاکستان ڈیمو کریٹک موومنٹ (پی ڈی ایم) کو مسترد کر دیا ہے اور عوام کو پتہ ہے کہ مہنگائی صرف پاکستان میں نہیں بلکہ دنیا بھر میں ہے۔
انہوں نے کہا کہ عوام کو پتہ ہے ان کے پاس عمران خان کے علاوہ کوئی اور چوائس نہیں ہے اور 11 جماعتیں مل کر بھی 11 لوگ جمع نہیں کر سکتیں۔
معاون خصوصی نے کہا کہ ان کے ساتھ جو بھی ہو رہا ہے وہ درست ہو رہا ہے اور عوام ماضی میں لوٹ مار کرنے والوں کو دوبارہ موقع نہیں دیں گے۔
انہوں نے کہا کہ مسلم لیگ ن بیگانی شادی میں عبداللہ دیوانہ کی مثال کے جیسی ہے۔