وزیر اعظم مشیر خزانہ شوکت ترین نے ترسیلات زر کی مد میں کہا ہے کہ اوورسیز پاکستانیوں کی مہربانی ہے جن کی ترسیلات زر کی وجہ سے کئی معاشی مشکلات سے بچے ہوئے ہیں لیکن ایسا زیادہ تر نہیں چل سکے گا۔

کراچی میں ایک تقریب سے خطاب کے دوران انہوں نے کہا کہ آج سے 25 سال پہلے جو فرق 25 فیصد تھا جب اب وقت کے ساتھ ضرب ہورہا ہے۔

علاوہ ازیں انہوں نے کہا کہ ہم نے ملکی معیشت میں ہر 5-4 برس بعد عدم استحکام کے حقائق جاننے کے لیے ایک پینل تشکیل دیا جس نے اپنی تجاویز میں بتایا کہ ملک کا پہلا مسئلہ سیونگ ریٹس کا ہے، اتنی بچت نہیں ہوتی جس کی بنیاد پر سرمایہ کاری ہو اور ایسی صورت میں جب سرمایہ کاری ہوگی تو قرض کی بنیاد پر ہوگی۔

انہوں نے کہا کہ پنیل نے اپنی تجاویز میں بتایا کہ ملک کی درآمد اور برآمدات کے حجم میں بہت فرق ہے، ایکسپورٹ جی ڈی پی کی محض 8 سے 9 فیصد ہے جبکہ ایمپورٹ 22 فیصد سے زائد ہے۔

مشیر خزانہ نے بیرون ملک مقیم پاکستانیوں سے اظہار تشکر کرتے ہوئے کہا کہ ان کی ترسیلات زر کی وجہ سے ملکی معیشت کئی مسائل سے بچی ہوئی ہے لیکن یہ معاملہ دیر تک برقرار نہیں رہےگا۔

ان کا کہنا تھا کہ ہماری کوشش ہے کہ معاشی ترقی کا گراف پائیدار بنیادوں پر ہو، ایسا نہ ہو کہ محض چند سال بعد دوبارہ ترقی کے معیارات تنزلی کا شکار ہوں۔

نارنگ منڈی(نامہ نگار)نارنگ منڈی کے نواحی گاﺅں جنڈیالہ کلساں میں ایک اور زینب جیسی معصوم کلی 6سالہ آرزو کو نامعلوم افراد نے مسل دیا۔سات روز قبل اغواءکر کے نامعلوم مقام پر لیجا کر زیادتی کرتے رہے ،ہلاک ہونے پر نعش ایک توڑے میں ڈال کر گاﺅں کی مسجد میں لاکر ایک کونے میں رکھ دیا۔پولیس نے کوئی کارروائی نہ کی۔معصوم لڑکی کی والدہ راشدہ بی بی کے مطابق تھانہ نارنگ منڈی، ڈی ایس پی مریدکے اور ڈی پی او شیخوپورہ کو اپنی فریاد سناتی رہی ان دفاتر کی دیواروں سے سر ٹکراتی رہی لیکن میری فریاد کسی نے نہ سنی۔اس کا مزید کہنا تھا کہ جب بچی چھ ماہ کی تھی تو اس کا خاوند بلال اسے چھوڑ گیا۔میں اپنے والدمحمد دین کے گھر رہ رہی ہوں میرے والدین نے بھی پولیس کو بڑے واسطے دیئے لیکن کوئی مقدمہ درج نہ کیا جا سکااور نہ بچی کو تلاش کرنے کیلئے کوئی مدد کی۔آخر پولیس کا کام کیا ہے جب غریبوں کی آواز نہیں سننی تو تھانے کیا امیروں کا کام کرنے کیلئے بنے ہیں۔جب ایک بزرگ جو رات کو مسجد کو تالہ لگا کرگیا یا صبح آکر کھولہ؛کو پوچھا گیا تو اس کا کہنا تھا اسے کچھ علم نہیں۔ دیہاتی سراپا احتجاج ہو گئے ،جاں بحق ہونیوالی معصوم لڑکی کے رشتہ داروں اور دیہاتیوں نے آئی پنجاب اور وزیراعلی پنجاب سے سخت نوٹ لینے کا مطالبہ کیا ہے ۔

اسلام آباد (نامہ نگار خصوصی) وفاقی وزیر اطلاعات و نشریات چوہدری فواد حسین نے کہا ہے کہ مولانا فضل الرحمان نے دو سال قبل آج ہی کے روز 13 نومبر 2019کو حکومت کے خلاف اپنا دھرنا ناکامی کے بعد ختم کیا تھا، ان کے پلان اے، بی سی ناکام ہوگئے تھے، جو بیانات اب دے رہے ہیں، اسی قسم کے بیانات اس وقت بھی انہوں نے دیئے، ان سیاسی بے روزگاروں کے پلے کچھ نہیں رہا، یہ صرف نعرے لگا سکتے ہیں۔ ہفتہ کو اپنے مولانا فضل الرحمان کے پی ڈی ایم کے جلسہ سے خطاب پر ردعمل کا اظہار کرتے ہوئے وفاقی وزیر اطلاعات نے کہا کہ پی ڈی ایم سیاسی لاوارثوں کا ٹولہ ہے۔

دوسری جانب وزیر داخلہ شیخ رشید نے کہا ہے کہ اپوزیشن وارم اپ ہوتے ہوئے مزید چھ ماہ لے گی،دھرنے کا اصل وقت وہ تھا جب فضل الرحمن پہلی بار اسلام آباد آئے تھے،شہباز شریف اور فواد حسن فواد پہلے ہی ای سی ایل پر ہیں،ٹی ایل پی سے معاہدہ طے پا گیا ہے،وزارت داخلہ کا معاہدے میں کوئی کردار نہیں، موجودہ حکومت کے لئے سب سے بڑا مسئلہ مہنگائی ہے،عمران خان کی حکومت کو کوئی خطرہ نہیں،عمران خان پانچ سال پورے کرینگے۔ ہفتہ کو ایف نائن پارک میں ٹریفک پولیس کی طرف سے شروع کئے گئے دو روزہ فیملی گالہ کے افتتاح کے بعد وزیر داخلہ شیخ رشید نے میڈیا سے گفتگو کرتے ہوئے کہا کہ اسلام آباد پولیس،افسران اور جوانوں کو گالہ کے انعقاد پر مبارک دیتا ہوں،پولیس پر بہت ذمہ داریاں ہیں۔

اسلام آباد ( انٹرویو : ملک منظور احمد ،تصاویر : نکلس جان ) پاکستان میں چین کے سفیر نونگ رونگ نے کہا ہے کہ امریکہ کو سی پیک منصوبے سے ڈرنے کی ضرورت نہیں ہے سی پیک منصوبے میں سرما یہ کاری کے لیے بھارت سمیت کسی بھی تیسرے

ملک کے دروازے کھلے ہوئے ہیں ۔ سی پیک پراجیکٹ کسی تیسرے ملک کے خلاف نہیں ہے ۔ چین دیگر ممالک میں عدم مداخلت کی پالیسی پر گامزن ہے لیکن اگر کسی بھی ملک کی طرف سے چین کے خلاف جارحیت کی جاتی ہے تو چین اس کا منہ تو ڑ جواب دے گا ۔سی پیک کے منصوبے کرونا وائرس کے باوجود شیڈیول کے مطابق جاری ہیں ، چین پاکستان کی ترقی اور دفاع اور اپنی ترقی اور دفاع سمجھتاہے۔پاکستان چین کا قابل فخر دوست ہے ۔دنیا میں رونما ہونے والے واقعات پاک چین دوستی کو متاثر نہیں کر سکتے ہیں ۔پاکستان میں چینی ورکرز کی سیکورٹی کے حوالے سے مطمئن ہیں ۔دہشت گردی کے خاتمے کے لیے افواج پاکستان نے لازوال قربانیاں دیں ہیں۔ گوادر میں فنی تربیت کا انسٹیٹیوٹ اور ہسپتال قائم کیا جا رہا ہے ،مقامی شہریوں کو پینے کا صاف پانی اور سولر یونٹس مہیا کیے جا رہے ہیں ۔افغانستان سے امریکی انخلا کے بعد ہمسایہ اور خطے کے ممالک کی ذمہ داری ہے کہ افغانستان کے امن اور استحکام کے لیے کام کریں ۔پاکستان کی میزبانی میں افغانستان کے حوالے سے منعقد ہونے والی ٹرائیکا پلس میٹنگ بہت کامیاب رہی ہے ۔چین کی طرح پاکستان میں بھی حکومت کی بہتر حکمت عملی کے باعث کرونا وائرس پر بڑی حد تک قابو پالیا گیا ہے ۔چین پاکستان کو کرونا ویکسین مہیا کرنے والا پہلا ملک تھا اور اب تک چین کی جانب سے پاکستان کو 110ملین کرونا ویکسین فراہم کی جا چکی ہیں ۔ان خیالات کا اظہار انھوں نے خبریں کو خصوصی انٹر ویو دیتے ہوئے کیا ۔ایک سوال کے جواب میں چین کے سفیر نے کہا کہ پاکستان کی میزبانی میں ٹرائیکا پلس میٹنگ بہت کامیاب رہی ہے ،پاکستان کے وزیر خارجہ شاہ محمود قریشی نے اس حوالے سے بہترین کام کیا ۔عالمی برادری اور ہمسایہ ممالک کی یہ مشترکہ ذمہ داری ہے کہ افغانستان کے امن اور استحکام کے لیے کام کریں ۔امریکہ اور نیٹو کے افغانستان سے نکل جانے کے بعد اس حوالے سے مل کر کام کریں ۔اور افغانستان کے حوالے پاکستان اور چین کی ایک ہی پالیسی ہے ۔ایک سوال کے جواب میں چین کا سفیر کا کہنا تھا کہ تجارتی تعلقات کی پاکستان اور چین کے باہمی تعلقات کا اہم حصہ ہیں ۔پاکستان اور چین کے درمیان تجارت کو فروغ دینے کی صلاحیت بہت زیادہ ہے اس حوالے سے کام کرنے کی ضرورت ہے ۔سی پیک کے تمام منصوبے شیڈول کے مطابق چل رہے ہیں ۔اس حوالے سے کو ئی مسئلہ درپیش نہیں ہے ۔کرونا کی مہلک وبا کے باوجود سی پیک کے منصوبوں میں تعطل نہیں آیا ہے ۔یہاں پر میں یہ بات بتانا چاہوں گا کہ کرونا وائرس کے باوجود سی پیک منصوبوں پر کام کرنے والے کسی بھی چینی یا پاکستانی ورکر کو نہیں نکالا گیا ہے ۔میں سی پیک منصوبوں کی رفتار سے بالکل مطمئن ہوں ۔اگر آپ گوادر کا دورہ کریں تو آپ کو کام ہوتا ہوا دیکھائی دے گا ۔گوادر شہر میں چین کے تعاون سے ایک فنی تربیت کا انسٹیٹیوٹ قائم کیا گیا ہے ،گوادر میں ہسپتال بھی زیر تعمیر ہے جوکہ جلد مکمل ہو گا ،دہشت گرد حملے کے باوجود ایسٹ بے ایکسپرس وے پر کام جاری ہے اور یہ اہم شاہراہ اسی سال مکمل ہو جائے گی ۔گوادر کا ایک اہم مسئلہ بجلی اور پانی کی کمی ہے چین اس حوالے سے مقامی افراد کی مشکلات میں کمی لانے کے لیے متحرک ہے اور دن رات کام کر رہا ہے گوادر کے مقامی شہریوں کو صاف پینے کا پانی مہیا کرنے کے لیے منصوبے پر کام ہو رہا ہے اس کے ساتھ ساتھ شہر میں بجلی کے مسئلہ سے نمٹنے کے لیے گھیر یلو سطح پر استعمال ہونے والے سولر یونٹس بھی مہیا کیے جا رہے ہیں ۔ایک سوال کے جواب میں نونگ رونگ نے کہا کہ سی پیک کے تحت کئی منصوبوں پر کام ہو رہا ہے حال ہی میں رشکئی میں ایس ای زی یعنی کہ سپیشل اکنامک زون کا افتتاح کیا گیا ہے ،وزیر اعظم عمران خان نے خود گوادر میں نئے بزنس ایریا کا افتتاح کیا ۔جہاں تک توانا ئی اور بلخصوص جوہری توانائی کے منصوبوں کا تعلق ہے تو اس حوالے سے بھی چین پاکستان کے ساتھ تعاون میں پیش پیش ہے اور حال ہی میں کے ٹو منصوبے کا افتتاح کیا گیا ہے ۔اس کے ساتھ ساتھ کے 3منصوبہ بھی تکمیل کے مراحل طے کر رہا ہے ۔ایک سوال کے جواب میں چین کے سفیر کا کہنا تھا کہ پاک چین باہمی تعلقات میں فوجی تعلقات ریڑھ کی ہڈی کی حیثیت رکھتے ہیں ،دونوں ممالک کے درمیان تعلقات میں دونوں ملکوں کی مسلح افواج کا باہمی اشتراک مثالی ہے ۔عسکری اور دفاعی میدان میں دونوں ممالک قریبی تعاون کررہے ہیں میں دونوں ممالک کے درمیان دفاعی شعبے میں تعاون سے مطمئن ہوں ۔ایک سوال کے جواب میں چین کے سفیر نے کہا کہ پاکستان نے دہشت گردی کے خلاف گراں قدر کامیابیاں حاصل کیں ہیں ۔پاکستان نے اپنے ملک اور خطے کو دہشت گردی کے ناسور سے نجات دلانے کے لیے بہت کام کیا ہے اور اس حوالے سے دونوں ممالک کے درمیان قریبی تعاون موجود ہے ۔جہاں تک پاکستان میں چینی ورکرز کی سیکورٹی کا تعلق ہے تو میں اس حوالے سے یہی کہوں گا کہ چینی ورکرز اور ٹیکنیشن پاکستان میں انفرا سٹکچر اور توانائی کے شعبے میں کام کررہے ہیں اور مکمل طور پر پر امن مقاصد رکے لیے کام کررہے ہیں ،دہشت گرد گروپوں کی جانب سے ان کو نشانہ بنایا سراسر غیر انسانی فعل ہے ،چین اور پاکستان دونوں ممالک اس کی مذمت کرتے ہیں ۔دونوں ممالک کے لیے پاکستان میں کام کرنے والے چینی ورکرز کی سیکورٹی بہت اہمیت کی حامل ہے اور دنوں ملک اس حوالے سے مل کر کام کررہے ہیں ۔میں یہاں پر یہ ضرور کہنا چاہوں گا کہ دہشت گردی کے خاتمے کے لیے پاکستان کی پولیس اور فوج نے اس حوالے سے بہترین کام کیا ہے ۔میں یہاں پر حکومت پاکستان کی جانب سے پاکستان میں موجود غیر ملکیوں کی سیکورٹی کے لیے قائم کیے گئے فارن سیکورٹی سیل کا دورہ کیا ہے ۔یہ اقدام پاکستان میں موجود غیر ملکیوں بشمول چینی شہریوں کی حفاظت کے لیے ایک احسن اقدام ہے اور پاکستان کی جانب سے غیر ملکیوں کی سیکورٹی یقینی بنانے کے اس کے عزم کا اظہار کرتا ہے ۔میرا یقین ہے کہ تمام سیکورٹی اداروں اور دنوں ممالک کے تعاون سے پاکستان میں چینی شہریوں کی سیکورٹی بھی یقینی بنائی جائے گی اور میں پر امید ہوں ،آئندہ آنے والوں دنوں میں مزید سرما یہ کاری پاکستا ن میں آئے گی ۔حال ہی میں پاکستان کے وزیر اعظم عمران خان اور چین کے صدر کے درمیان ٹیلی فونک رابطہ ہوا ہے ،جو کہ دونوں ممالک کے درمیان قریبی تعلقات کی عکاسی کرتا ہے ۔

انڈیا کا اے کیٹگری کا کھلاڑی اوسطا 18کروڑ روپے تنخواہ لیتا ہے جبکہ پاکستانی اے کیٹگری کا کھلاڑی 38لاکھ روپے لیتا ہے۔بی کیٹگری کا کھلاڑی انڈیا میں 15کروڑ جبکہ پاکستانی کھلاڑی یہاں27لاکھ روپے لے رہا ہے۔ سی کیٹگری میں انڈیا کا کھلاڑی 7کروڑ 50لاکھ ، پاکستانی کھلاڑی دس لاکھ لیتا ہے۔ انڈیا میں ایک کروڑ 30لاکھ سے 5کروڑ روپے ریٹینر فیس ہے جبکہ پاکستان میں یہ فیس 5لاکھ سے شروع ہوتی ہے اور زیادہ سے زیادہ 11لاکھ ہے۔ کھلاڑی کے کوئی کارنامہ کر دکھانے ، میچ یا ٹورنامنٹ جیتنے یا اچھی کارکردگی دکھانے پر انڈیا میں 25فیصد وننگ بونس دیا جاتا ہے جبکہ پاکستان میں پورے ٹورنامنٹ میں کھلاڑیوں کی پرفارمنس دیکھی جاتی ہے اور اسکا 2.5سے 5فیصد بونس دیا جاتا ہے۔ انڈیا میں کپتان بونس 75لاکھ جبکہ پاکستان میں 5ہزار ڈالردیا جاتا ہے ۔ بھارتی کرکٹ مارکیٹ کا موازنہ پاکستانی مارکیٹ سے نہیں کیا جاسکتا، بھارتی مارکیٹ بہت وسیع ہے، پاکستانی ٹیم کا مقابلہ دنیا کی تھکی ہوئی ٹیموں کیساتھ کیا جاسکتا ہے۔

لاہور: پنجاب کے دارلحکومت لاہور دنیا کے آلودہ ترین شہروں میں سرفہرست ہے ، جہاں آج اوسط ائیر کوالٹی انڈیکس 443 ریکارڈ کیا گیا۔

تفصیلات کے مطابق پنجاب کے دارلحکومت لاہور کا ایئر کوالٹی انڈیکس خطرناک حد تک بڑھ گیا ، جس کے باعث لاہور کو دنیا کا پہلا آلودہ ترین شہر قرار دے دیا گیا۔

ماحولیاتی آلودگی ماپنے کے عالمی ادارے کا کہنا ہے کہ لاہور کا آج اوسط ائیر کوالٹی انڈیکس 443ہے ، آج لاہور میں سب سے زیادہ ٹاون شپ متاثر ہے ، جسکا ائیر کوالٹی انڈیکس 524 ہے۔

اسی طرح ڈیفینس 520 کا ائیر کوالٹی انڈیکس جبکہ پنجاب یونیورسٹی کے اطراف کا 519 ہے۔

طبی ماہرین کا کہنا ہے کہ لاہور کے شہری کورونا ایس او پیز کو فالو کریں ، فضائی آلودگی سےگلے،آنکھ ،سانس کی بیماریوں میں اضافہ ہوتا ہے۔

ماہرین نے مشورہ دیا کہ سانس کے مریض احتیاط کریں، شہری ماسک اور گلاسز کا استعمال کریں۔

یاد رہے رواں ماہ کے آغاز میں محکمہ صحت پنجاب نے لاہور میں سموگ کی بڑھتی ہوئی سطح کے حوالے سے شہریوں کو خبردار کیا تھا کہ اسموگ سے آنکھوں میں جلن، گلا خراب اور سانس کی شکایات ہوسکتی ہیں۔

سیکرٹری صحت عمران سکندر بلوچ کا کہنا تھا لاہورمیں اسموگ کی صورتحال محفوظ حد سے تجاوز کرگئی، اسپتالوں کو فوری طور پر اسموگ کاؤنٹر متحرک کرنے کی ہدایات دے دی ہے۔

لاہور (خصوصی ر پورٹر) لٹن روڈ کے علاقہ میں سات سالہ گھریلو ملازمہ پر مالکان کا تشددکا نشانہ بنا یا گیا ، پو لیس کی جانب کا رروائی کرتے ہو ئے میاں بیو ی کو حرا ست میں لے لیا گیا ۔ پولیس کے مطا بق گزشتہ روز گورنمنٹ ہسپتال سمن آباد 7سال کی بچی مصبا ح کو لایا گیاجسے تشدد نشانہ بنا یا گیا تھا، ڈاکٹرز کیجا نب سے پولیس کو اطلا ع دی گئی ، اس حوالے سے ڈی آئی جی آپریشنز نے فور ی نو ٹس لیتے ہوئے حکم دیا گیا ،جس پر لٹن روڈ پولیس کی فوری کاروائی کاآغاز کردیا گیا ،پولیس کے مطا بق ملزمان افضل عرفان اور بیوی مزدفعہ عرفان کو پولیس نے حراست میں لے لیا گیا ،اس حوالے سے ڈی آئی جی آپریشنز احسن یو نس کے مطا بق 7سالہ مصباح بطور گھریلو ملازمہ کام کرتی تھی۔ملزمان کے خلاف مقدمہ کا اندراج کر لیا گیا ہے ، ملزمان کو گرفتار کر کے مزید تحقیقات کی جارہی ہیں۔ ترجمان آپریشنز ونگ کا کہنا ہے کہ بچی کو ضروری قانونی کاروائی کے بعد چائلڈ پروٹیکشن بیورو کے حوالے کر دیا گیا ہے ۔ڈی آئی جی آپریشنز احسن یونس کی بچی کو بہترین طبی امدادفراہم کرنے کی ہدایت بھی کی گئی ۔جبکہ گھریلو ملازمین پر تشدد کے واقعات ناقابلِ برداشت ہیں۔

لاہور (کرائم رپورٹر ) بااثر افراد نے محنت کش کی بیوی کو اغواءکر کے بد کار ی کے اڈ ے پر بٹھا دیا ۔شوہر بیو ی بچوں کی بازیابی کے لیے در در کی ٹھوکریںکھا تا رہا متعلقہ پو لیس ، آئی جی پنجاب اور وزیر اعلیٰ کو درخواستیں دینے کے باوجود کا رروائی نہ ہو سکی متاثرہ شخص داد رسی کے لیے “خبریں “آفس پہنچ گیا ۔ تفصیل کے مطابق شیخوپورہ کے رہائشی 35سالہ مسلم الحسن نامی نوجوان نے “خبریں “آفس میں آکر بتایا کہ اس کی شادی اپنے بڑے بھائی کی وفات کے بعد اپنی بھابھی شازیہ بی بی سے تقریباً 5سال قبل ہوئی جس کے بطن سے ایک بیٹا حسنین پیدا ہوا جبکہ بڑے بھائی سے 9سالہ عائشہ اور 6سالہ بیٹا عثمان تھا وقوعہ کے روز مسلم الحسن کا م پر گیا ہوا تھا کہ نامعلوم افراد اس کی بیوی شازیہ کو اپنے ساتھ لے گئے اور موبائل فون پر اسے قتل سمیت سنگین نتائج کی دھمکیاں دیتے ہوئے کہا کہ اگر اس بات کا کسی سے زکر کیا تو ہم تمھارے بچوں کو نقصان پہنچا دینگے ۔بعدازاں متاثرہ شخص نے مو صول ہونے والی کال کے زریعے ملزمان کا سراغ لگایا تو انکی شناخت بابر اور بلال کے ناموں سے ہوئی جو کہ خانیوال کے رہائشی بتائے جاتے ہیں مذکورہ شخص نے ملزمان کے خلاف تھانہ بی ڈویژن شیخو پورہ میں درخواست دی پو لیس نے مقدمہ تو درج کر لیا مگر کئی ماہ گزر جانے کے باوجود بیوی بچوں کو بازیاب نہ کروا سکی متاثرہ شخص دلبرداشتہ ہو کر “خبریں “آفس داد رسی کے لیے پہنچ گیا۔