اسلام آباد: (ویب ڈیسک) ملک بھر میں عالمی وباء کورونا کے وار پھر تیز، 24 گھنٹوں میں مزید 54 افراد متاثر ہو گئے۔
این آئی ایچ کے مطابق 24 گھنٹے کے دوران 12 ہزار 232 کورونا ٹیسٹ کیے گئے جس میں مزید 54 کیس رپورٹ ہوئے ہیں، ملک میں کورونا مثبت کیسز کی شرح 0.44 فیصد ہو گئی ہے۔
رپورٹ کے مطابق ملک بھر میں 24 گھنٹے کے دوران کورونا سے کوئی ہلاکت نہیں ہوئی، جبکہ عالمی وباء سے متاثر 83 مریضوں کی حالت تشویشناک ہے۔
دوسری جانب دنیا بھر میں 53 کروڑ 20 لاکھ 22 ہزار 559 افراد کورونا سے متاثر ہو چکے ہیں، کورونا سے ہلاکتوں کی تعداد 63 لاکھ 11 ہزار 923 ہو گئی، جبکہ دنیا بھر میں 50 کروڑ 30 لاکھ 73 ہزار 367 مریض صحت یاب ہوئے ہیں۔

گھوٹکی: (ویب ڈیسک) موٹروے ایم فائیو پوائنٹ 89 کے مقام پر تیز رفتار مسافر کوچ ڈرائیور سے بے قابو ہو کر الٹ گئی، 5 مسافر جاں بحق اور 13 زخمی ہو گئے۔
موٹر وے ایم فائیو کے پوائنٹ نمبر 89 کے مقام پر تیز رفتار مسافر کوچ ڈرائیور سے بے قابو ہو کر الٹ گئی۔ حادثے کے باعث 5 مسافرجاں بحق جبکہ 13مسافر زخمی ہو گئے۔ زخمیوں میں سے بیشترکی حالت تشویشناک بتائی گئی ہے جنہیں طبی امداد کے لیے سکھر اور گھوٹکی کے ہسپتالوں میں منتقل کیا گیا ہے۔
مسافر کوچ پشاور سے کراچی جا رہی تھی، زخمیوں اورجاں بحق افراد میں بچے بھی شامل ہیں۔

اسلام آباد: (ویب ڈیسک) وزیراعظم شہباز شریف نے آج کابینہ اجلاس طلب کر لیا، کابینہ اجلاس میں سیاسی اورمعاشی صورتحال کا جائزہ لیا جائےگا۔
ذرائع کے مطابق کابینہ اجلاس میں اراکین پی ٹی آئی لانگ مارچ اورسپریم کورٹ کےفیصلوں پر رائے دیں گے، اسلام آباد کابینہ ڈویژن نے 3 رکنی ایجنڈا جاری کر دیا نیشنل کمیشن ہیومن رائٹس اسلام آباد کےممبر کی تعیناتی کی جائےگی۔
اجلاس کے دوران ریلوے قوانین ترمیمی آرڈیننس 2022 کی منظوری بھی دی جائے گی، 28 مئی کو ہونے والے اقتصادی رابطہ کمیٹی کے فیصلوں کی توثیق بھی ایجنڈے میں شامل ہے، جبکہ وزیراعظم دورہ ترکی کے حوالے سے کابینہ اراکین کو اعتماد میں لیں گے۔

اسلام آباد: (ویب ڈیسک) وزیراعظم شہبازشریف اور برطانوی وزیراعظم بورس جانسن کے درمیان ٹیلیفونک رابطہ ہوا ہے جس میں بورس جانسن نے شہبازشریف کو وزیراعظم کا منصب سنبھالنے پر مبارکباد دی۔
اس موقع پر شہباز شریف نے کہا کہ پاکستان برطانیہ کے ساتھ اپنے تعلقات کو قدر کی نگاہ سے دیکھتا ہے۔
وزیراعظم نے افغانستان میں امن اور استحکام کی ضرورت پر زور دیتے ہوئے کہا کہ افغانستان کی معیشت کو سنبھالنے کےلیے منجمد اثاثے فوری بحال کیے جائیں۔
شہباز شریف نے مسئلہ کشمیر کے پرامن حل کی ضرورت پر زور دیا اور مقبوضہ کشمیر میں انسانی حقوق کی شدید خلاف ورزیوں کو اجاگر کیا۔
دونوں رہنماؤں کے درمیان بات چیت میں یوکرین کے معاملے پر بھی تبادلہ خیال کیا گیا۔

اسلام آباد: (ویب ڈیسک) پاکستان تحریک انصاف (پی ٹی آئی) کے چیئر مین عمران نے اعتراف کرتے ہوئے کہا ہے کہ 25 مارچ کو ہونے والے لانگ مارچ میں شرکاء کے پاس اسلحہ موجود تھا۔
نجی ٹی وی کو انٹرویو دیتے ہوئے انہوں نے کہا کہ لانگ مارچ میں ہماری طرف بھی لوگ تیارہوگئے تھے اور انہوں نے پستول رکھے ہوئے تھے۔ مجھے لگا تھا ہم ملک میں انتشار کی طرف جا رہے ہیں جو انہوں نے پولیس سے کرایا، پولیس کےخلاف نفرت پہلے ہی بڑھ گئی تھی۔ مجھے دیکھ کر انہیں اور جوش میں آنا تھا، مجھے 100 فیصد یقین تھا گولی چلنی ہے، ہماری طرف بھی لوگ تیارہوگئے تھے جنہوں نے پستول رکھے ہوئے تھے تو مجھے خوف ہوگیا کہ اگلا مرحلہ یہ ہوگا کہ اب یہاں انتشار ہوگا، جس سے ہونایہ تھا پولیس کےخلاف نفرت،ملک میں تقسیم اور اس کا فائدہ صرف ان چوروں کو ہونا تھا۔
عمران خان نے کہا کہ مجرموں نے کہنا تھا یہ تو انتشار ہو رہا ہے یہ قاتل ہے۔ پولیس والا رات کسی کے گھر چھلانگ مار کر آجائے تو وہ تو سمجھے گا ڈاکو آگیا ہے، اس واقعے کو انہوں نے بنادیا پی ٹی آئی کی طرف سےہوا، 26 سال کی تاریخ ہے ہم نے کبھی انتشار کی پالیسی نہیں کی۔

لاہور: (ویب ڈیسک) ایڈووکیٹ جنرل پنجاب احمد اویس نے عہدےسے استعفیٰ دے دیا، شہزادشوکت کو نیا ایڈووکیٹ جنرل تعینات کرنے کا فیصلہ کیا گیا ہے
احمد اویس نے ایڈووکیٹ جنرل کےعہدے سےمستعفی ہو نے کافیصلہ نئےگورنرپنجاب کی تعیناتی کےبعد کیا، اس سےپہلے ان کا موقف تھا کہان کےتقرر اورعہدےسےالگ کرنے کااختیار عمر سرفراز چیمہ کے پاس ہے۔احمد اویس نے کام سے روکنے کااقدام لاہور ہائیکورٹ میں چیلنج کیا تھا۔
شہزاد شوکت کی بطور ایڈووکیٹ جنرل پنجاب تعیناتی کا نوٹیفکیشن منگل کو جاری کئے جانے کاامکان ہے۔