میانوالی جلسے میں تلاشی کے دوران پولیس اہلکار کو تھپڑ مارنے والے تحریک انصاف کے مقامی رہنما امیر خان سوانسی کو پولیس نے گرفتار کرلیا۔
پولیس اہلکار کو تھپڑ مارنے کا واقعہ میانوالی میں ہفتے کے روز ہونے والے وزیراعظم عمران خان کے جلسے میں پیش آیا تھا جہاں امیرخان سوانسی نے جلسہ گاہ میں تلاشی کے لیے روکنے پر پولیس اہلکار کو تھپڑ مار دیا تھا۔
ڈی پی او میانوالی کے مطابق تحقیقات کے بعد پی ٹی آئی رہنما کےخلاف مقدمہ درج کیا گیا تھا، ڈی ایس پی کی انکوائری میں پی ٹی آئی رہنما ملزم قرار پائے تھے جس کے بعد انھیں گرفتار کرلیا گیا ہے۔

سعودی عرب کے شاہ خالد ملٹری سٹی حفرال بتین میں فوجی مشقوں”الکصاح “کا آغازہو گیا، دونوں ممالک کے جوانوں نے پیشہ ورانہ مہارت کا عملی مظاہرہ کیا۔
سعودی عرب میں بارودی مواد سے نبردآزما ہونے کی مشقیں شروع ہو گئیں، افتتاحی تقریب میں کمانڈر نادرن ایریا میجر جنرل صالح بن احمد ال زہرانی مہمان خصوصی کے طور پر شریک ہوئے۔
آئی ایس پی آر کے مطابق فوجی مشق الکصاح تھری میں سعودی عرب اور پاک فوج کے جوان حصہ لے رہے ہیں، مشقوں میں آئی ای ڈیز کو ناکارہ بنانے، تلاشی، ایریاز اور گاڑیوں کی کلیئرنس کا عمل شامل ہے، مشقوں میں جوانوں کی آئی ای ڈیز سے مقابلہ کرنے کی صلاحیتیں بہتر ہوں گی۔

لاہور (شعیب بھٹی )پنجا ب بھر میں رواں سال کے 10ما ہ کے دوران 5لا کھ 31ہزار 22مقد ما ت در ج ہو ئے ،جس میں 3لا کھ 37ہزار 99مقد ما ت چا لا ن ہو ئے ،تاہم انویسٹی گیشن کی نا ہلی کے با عث 1لا کھ 56ہزار 825مقد ما ت کی تفتیش مکمل نہ ہو سکی ہے جبکہ 11ہزار 770مقد ما ت تا حا ل ٹر یس ہ ہو سکے اور ان کے ملزمان آزاد ہیں ، جبکہ25ہزا ر 301مقد ما ت خارج کرد ئےے گئے۔تفصیلا ت کے مطا بق رواں سال کے دوران پنجا ب پو لیس کے سر برا ہ کی کما ن ایک با ر دوبا ر ہ تبد یل ہو ئی جبکہ لاہور پو لیس کے سربرا ہ سمیت متعد د آر پی او، ڈی پی او کے تبا د لے بھی ہو ئے جس کی باوجود پنجا ب میں جرائم میں کمی نہ آسکے، پنجا ب پو لیس کے اعدا وشما ر کےمطا بق رواں سال کے دس ماہ کے دوران صو بہ میں 3ہزار 668فرا د قتل ہو ئے جس میں 23سو 69افرا د چا لا ن ہو ئے اور 1090مقد ما ت کی تفتیش جا ر ی ہے جبکہ 34مقد ما ت کے ملزما ن تا حا ل آزاد ہیں ، جبکہ 175مقد مات خارج ہو ئے ، اسی طر ح اقدا م قتل کے 5ہزار732مقد ما ت در ج ہو ئے جبکہ 3ہزار 490کے چا لا ن ہو ئے اور 1ہزار 994انویسٹی گیشن تفتیش مکمل نہ کر سکی جبکہ 84مقد ما ت کے ملزمان آزاد ہیں جس میں 164مقد ما ت خارج ہو ئے ہیں ،اسی طر ح اغواءبرا ے تاوان کے 49مقد ما ت در ج ہو ئے جس میں سے26مقد ما ت کے ملزما ن چا لا ن ہو ئے اور 18مقد ما ت کے ملزمان سے تفتیش جا ر ی ہے جبکہ 5مقد ما ت خارج ہو ئے م، اسی طر ح اغواءکے 16ہزار 689مقد ما ت در ج ہو ئے جس میں سے 3ہزار 114چالا ن ہو ئے بکہ 5ہزا ر 433مقد ما ت کی تفتیش مکمل نہ ہو سکی اور 32مقد ما ت کے ملزما ن تا حال گرفتا ر نہ ہوئے اور 8ہزار 110مقد ما ت خارج ہو ئے ، اسی طر ح ذیا دتی کے 3ہزا ر 675مقد ما ت در ج ہو ئے جبکہ اجتما عی زیادتی کے 212مقد ما ت در ج ہو ئے جس میں 822زیا دتی کے ملزمان سے تفتیش جا ر ی ہے جبکہ 2ہزا ر 156کے ملزما ن چا لا ن ہو ئے جبکہ اجتما عی زیادتی کے 113ملزمان چا لا ن ہو ئے جس میں سے 66ملزما ن سے تفتیش مکمل نہ ہو ئے اور 33مقد ما ت خار ج ہو ئے ،پنجا ب میں ڈکیتی کے 801مقد ما ت در ج ہو ئے جبکہ را بر ی کے 23ہزار 742قد ما ت در ج ہو ئے ،نقب زنی کے 11911، جبکہ چور ی کے 1ہزار 777، مو ٹر سائےکل چور ی کے 41ہزا ر 416، جبکہ گا ڑ ی چور ی کے 5ہزار 931مقد ما ت در ج ہو ئے۔

لاہور (مہران اجمل خان سے)پنجاب میں کرونا ویکسینیشن انتہائی سست روی کا شکار ،محکمہ صحت کی جانب سے کرونا ویکسین کے حوالے سے مکمل طور پر اعتماد بحال نہ ہو سکا ،محکمہ صحت پرائمری اینڈسیکنڈری اور سپیشلائزڈ ہیلتھ کئیر کی ویکسین لگانے کی موجودہ رفتار کے مطابق پنجاب کی مکمل آبادی کو ویکسین کی لگانے کے لئے مزید ایک سال درکار ہو سکتا ہے ، صوبہ بھر میں12سال سے زائد عمر کی آبادی کا صرف 39فیصد حصہ مکمل ویکسینڈڈ ہو سکا ،61فیصد افراد نے ویکسین کی پہلی جبکہ صرف34فیصد افراد نے ویکسین کی دوسری خوارک لگوائی ،سیکرٹری سپیشلائزڈ ہیلتھ کئیر نے ہسپتالوں میں داخل مریضوں اور ان کے لواحقین کو کرونا ویکسین لگانے کا حکم دے دیا ۔ بتایا گیا ہے کہ پنجاب میں ساڑھے 11کروڑ کی آبادی میں 8کروڑ 11لاکھ 92ہزار 483افراد ایسے ہیں جن کی عمر 12سال سے زیادہ ہے جنہیں این سی او سی کی جانب سے کرونا ویکسین لگانے کا حکم دیا گیا ہے۔ دنیا بھر میں کرونا اومیکرون وائرس کے بڑے پیمانے پر پھیلاﺅ کے بعد پنجاب میں ہیلتھ ورکرز اور پچاس سال سے زائد عمر کے افراد کو بوسٹر ڈوز لگانے کو عمل شروع کر دیا گیا ہے مگر تا حال شہریوں کی بڑی تعداد کو کرونا ویکسین کی پہلی خوراک نہیں لگائی جا سکی ۔صوبہ بھر میں اب تک 4کروڑ 92لاکھ 58ہزار 233افراد کو پہلی ویکسین لگائی جا سکی ہے جبکہ 2کروڑ 78لاکھ 98ہزار 152افراد کوکرونا ویکسین کی پہلی اور دوسری ڈوز دی جا سکی ہے اس حوالے سے 3کروڑ 19لاکھ 40ہزار 520افرادمکمل ویکسینیٹڈ ہو چکے ہیں ۔ شہریوں کو مکمل ویکسینیٹڈ کرنے کے لئے سپیشلائزڈ ہیلتھ کئیر کی جانب سے صوبہ بھر کے تمام ٹیچنگ ہسپتالوں میں داخل مریضوں اور ان کے لواحقین کو کرونا ویکسین لگانے کا عمل بھی شروع کیا گیا ہے جبکہ گائنی اور دل کے امراض میں مبتلا مریضوں کو ویکسین نہیں لگائی جا ئے گی ۔ دوسری جانب محکمہ پرائمری اینڈسیکنڈری کی جانب سے کرونا ویکسین ریڈ کمپین کے پہلے مرحلے کی کامیابی کے بعد دوسرے مرحلے میں بھی شہریوں کو ان کے گھروں میں ویکسین لگائی جا رہی ہے ۔

مسلم لیگ ن کی نائب صدر مریم نواز کے بیٹے جنید صفدر کی شادی کی تقریبات کا باقاعدہ آغاز ہو چکا ہے۔
گزشتہ روز جنید صفدر کی شادی کی دو الگ الگ تقریبات کی ویڈیوز اور تصاویر سامنے آئیں جس میں جنید صفدر، دلہن عائشہ سیف، مریم نواز، ان کی صاحبزادیاں اور دیگر رشتے دار دکھائی دیے۔پہلی تقریب کی تصاویر اور ویڈیوز
جنید صفدر نے اس تقریب میں سفید شلوار قمیض زیب تن کیا اور اس کے اوپر نیلی واسکٹ اور سفید چادر کا انتخاب کیا۔ دلہن عائشہ سیف نے اس تقریب میں پیسٹل رنگ کا جوڑا پہنا جب کہ مریم نواز نے پیلا رنگ زیب تن کیا۔
صارفین کے مطابق یہ تقریب مایوں کی تھی تاہم مریم نواز یا اہلخانہ کی جانب سے واضح نہیں کیا گیا کہ آیا یہ مایوں کی ہی تقریب تھی یا کوئی دوسری تقریب تھی۔
اسی تقریب میں مریم نواز کے روایتی گیت کی ویڈیو بھی وائرل ہوئی جو سوشل میڈیا صارفین میں بے حد مقبول ہوئی۔
جنید اور عائشہ کی دوسری تقریب
ایک اور تقریب کی بھی کچھ ویڈیوز منظرِ عام پر آئیں، کسی میں دلہن عائشہ سیف کو پھولوں سے مزین خوبصورت چادر میں آتے دیکھا گیا تو کسی میں مریم نواز اپنے شوہر کیپٹن (ر) صفدر اور اپوزیشن لیڈر حمزہ شہباز کے ہمراہ دکھائی دیں۔
اس تقریب کے لباس کی بات کی جائے تو جنید صفدر نے سفید شلوار قمیض پر بھورے رنگ کی چادر اوڑھی، مریم نواز اس موقع پر پستہ رنگ کے لباس میں دکھائی دیں جس پر شیشے کا خوبصورت کام کیا گیا تھا۔
مریم نواز نے بیٹے کی شادی کی تقریب کی تصاویر شیئر کیں جسے انہوں نے اپنی زندگی کے خوشگوار ترین لمحات قرار دیا۔
واضح رہے کہ جنید صفدر کا نکاح عائشہ سیف سے رواں برس اگست میں لندن میں ہوا تھا جب کہ ولیمہ کی تقریب 17 دسمبر کو ہوگی۔

لاہو ر(ویب ڈیسک ) پنجاب حکومت نے بلدیاتی انتخابات الیکٹرونگ ووٹنگ مشین کے ذریعے کرانا لازم قراردے دیا۔نجی ٹی وی کے مطابق حکومت پنجاب کے جاری کردہ آرڈیننس میں الیکٹرونگ ووٹنگ مشین کے ذریعے ووٹنگ لازم قراردیتے ہوئے کہا گیا ہے کہ بلدیاتی انتخابات سیکرٹ بیلٹ کے ذریعے ہوں گے، میئر، ڈپٹی میئر اور کونسلرز کا جوائنٹ پینل ہوگا اور سادہ اکثریت سے امیدوار کامیاب ہوں گے۔آرڈیننس کے مطابق الیکشن میں سیاسی جماعت یا آزاد افراد پینل کی شکل میں ہی الیکشن لڑسکیں گے، تمام کیٹگریز کے لئے پینل نہ دینے والے الیکشن لڑنے کے اہل نہیں ہوں گے۔اس کے علاوہ کو نسلر کا الیکشن لڑنے کے لئے عمر 21 سال ہوگی، میئر اور ڈپٹی میئر کے انتخاب کے لئے عمر 25 سال ہوگی، یوتھ کے لئے عمر کم ازکم 18 سال اورزیادہ سے زیادہ 32 سال ہوگی جب کہ منتخب ارکان کو کونسل کے پہلے اجلاس کی تاریخ کے 60 دن کے اندر رکنیت کاحلف اٹھانا لازم ہوگا۔