بندر کا شمار ذہین اور اُن جانوروں میں ہوتا ہے جو انسان کی عادات کو اپناتے یا پھر اُن کی نقل کرتے ہیں۔
بندر اور انسان کے حوالے سے ایک غیر مصدقہ مثال بھی دی جاتی ہے مگر ہم یہاں پر اس مثال کی بات نہیں کریں گے بلکہ بندر کی ایک نئی انسانی عادت کے حوالے سے تذکرہ کرتے ہیں۔
آپ نے اس سے پہلے بندر کو کپڑے دھوتے، بال بناتے اور انسانوں کی طرح کئی کام کرتے دیکھا ہوگا مگر مبینہ طور پر بھارت سے ایک ویڈیو انٹرنیٹ پر وائرل ہورہی ہے جس میں بندر کی نئی صلاحیت سامنے آئی۔
ویڈیو میں دیکھا جاسکتا ہے کہ ایک گھر کی چھت پر بندر پتنگ اڑا رہا ہے اور وہ انسانوں کی طرح مہارت کے ساتھ اس کو کنٹرول بھی کررہا ہے۔
اس ویڈیو کو دیکھ کر صارفین ششدر رہ گئے اور انہوں نے اپنی رائے کا اظہار کیا جبکہ کچھ نے دلچسپ تبصرے بھی کیے ہیں۔
