وزیر داخلہ شیخ رشید نے کہا ہے کہ حکومت اور کالعدم تنظیم کے درمیان مذاکرات کامیاب ہو گئے ہیں۔

شیخ رشید کا کہنا ہے کہ تمام بند راستے کھول دیے جائیں گے اور کالعدم تنظیم کے شرکاء منگل تک مریدکے میں بیٹھیں گے۔

وزیر داخلہ کا یہ بھی کہنا ہے کہ مظاہرین کے مطالبات کا جائزہ لے کر منگل تک پرامن طریقے سےمعاملہ حل کر لیا جائے گا۔

وفاقی وزیر مذہبی امور پیر نور الحق قادری کا کہنا ہے کہ پولیس اورمظاہرین کےدرمیان کسی قسم کا کوئی ٹکراؤ نہیں ہو گا، معاملات کو باہمی افہام و تفہیم کے ساتھ حل کیا جائے گا۔

دوسری جانب حکومت کے ساتھ مذاکرات کے بعد لاہور سے اسلام آباد کی طرف بڑھنے والے کالعدم تنظیم کے شرکاء نے مریدکے میں پڑاؤ ڈال دیے۔

گوجرانوالہ کے داخلی اور خارجی راستے تاحال بند ہیں اور جی ٹی روڈ پر کھڑی کی گئی رکاوٹیں بھی موجود ہیں۔

گوجرانوالہ اور گجرات کے درمیان دریائے چناب پل کے قریب کھودی گئی خندق بھی تاحال بھری نہ جا سکی۔

راولپنڈی اور اسلام آباد میں سکیورٹی کے سخت انتظامات برقرار اور گزشتہ روز بند کی گئی سڑکیں ابھی تک بند ہیں۔

ویسے تو پینڈورا پیپرز میں 700 کی تعداد میں پاکستانیوں کا ذکر ہے لیکن
ICIJ ابھی تک ان 700 پاکستانیوں کے بارے میں تفصیلات مرتب کرنے میں مصروف ہے کیونکہ ایک کروڑ 20 لاکھ دستاویزات کو ایسی شکل میں لانا جس نے دنیا کو آسانی سے یہ بات سمجھ آ سکے کہ کس ملک کی کتنی آف شور کمپنیاں ہیں، کتنے لوگ ہیں، کس کس Service Provider کی کون کون سی کمپنی Clent ہے۔ کس کس Junsiction میں کون کون سی کمپنی رجسٹرڈ ہے۔ کون کون سے لوگ کس کس وقت میں ان آف شور کمپنیوں سے منسلک رہے۔ کون کون Inlermedaines رول میں رہا۔ کس سال کون سی آف شور کمپنی کس Insdiction میں رجسٹرڈ ہوئی۔ ان ایک کروڑ 20لاکھ دستاویزات میں PDF فائلیں ہیں، کچھ PDF فائلیں دس دس ہزار صفحات پر مشتمل ہیں۔ لاکھوں کی تعداد میں CVS فائلیں ہیں۔

وزیر مملکت برائے اطلاعات فرخ حبیب نے کہا ہے کہ ٹیکس میں کمی کرکے خوردنی تیل کی قیمت 45 سے 50 روپے کم کررہے ہیں۔

فیصل آباد میں میڈیا سے گفتگو میں فرخ حبیب کا کہنا تھاکہ اس سال چینی کی پیداوار زیادہ ہوگی جبکہ مکئی کی فصل میں 18 فیصداضافہ نظر آرہاہے اور گندم کی نئی فصل میں بھی اضافہ ہوگا۔

ان کا کہنا تھاکہ ہم وہ اقدامات کررہےہیں جو 30 سال میں نہیں لیے گئے، ٹیکس میں کمی کرکے خوردنی تیل کی قیمت 45 سے 50 روپےکم کررہے ہیں۔

فرخ حبیب کا کہنا تھاکہ ہم نے یوریاکی قیمت میں استحکام رکھا، پاکستان کی برآمدات میں اضافہ ہورہاہے اور ترسیلات زرمیں 45 فیصد اضافہ ہوا، جو لوگ کہہ رہےکہ معیشت نہیں چل رہی انہیں تعصب کی عینک اتارنی چاہیے۔

ان کا کہنا تھاکہ عمران خان عوام کی ترقی کیلئے کام کررہے ہیں، بلاول سے پوچھتاہوں کراچی میں آٹاکیوں مہنگا بک رہاہے؟ احساس پروگرام کا 30 فیصد سندھ میں دیاگیا۔

اسلام آباد : وفاقی دارالحکومت اسلام آباد میں ہجوم سے نمٹنے کیلئے پولیس کا نیا یونٹ بنایا جائے گا۔ یونٹ جدید ٹیکنالوجی اور ڈرون سے لیس ہوگا جبکہ اس کی فورس اعلیٰ تربیت یافتہ ہوگی۔ فورس کیلئے آلات کی خریداری اور افرادی قوت کیلئے 1 ارب 80 کروڑ روپے کی منظوری دیدی گئی۔

وفاقی حکومت کا ترکی طرز پر احتجاجی مظاہرین کو کنٹرول کرنے کیلئے سپشل فورس تشکیل دینے کا فیصلہ کرلیا۔ جدید ٹیکنالوجی اور آلات سے لیس فورس تشکیل دینے کی اصولی منطوری دیدی گئی۔ بھاری جانی ومالی نقصان کے بغیر احتجاجی مظاہرین کو کنٹرول کیا جاسکے گا۔ فورس کیلئے آلات کی خریداری اور افرادی قوت کیلئے 1ارب 80 کروڑ روپے کی بھی منظوری دے دی گئی۔

احتجاج کنٹرول فورس ڈرون،آرٹیفشیل انٹیلیجنس کیمروں، ویڈیو تجزیاتی سسٹم اور جدید آلات سے لیس ہوگی۔ احتجاج کنٹرول فورس کے قیام کا پلان ترکی سے تربیت یافتہ پولیس افسران کی مشاورت سے تیار کیا گیا۔ وزیر منصوبہ بندی اسد عمر کہتے ہیں کہ فورس کیلئے فنڈز کی فراہمی پبلک سیکٹر ڈویلپمنٹ پروگرام سے کی جائے گی۔ وزیراعظم نے وزارت داخلہ کو قبضہ مافیاکے خلاف کاروائی کیلئے خصوصی فورس قائم کرنے کی ہدایت کردی۔