کراچی: (ویب ڈیسک) کوئٹہ گلیڈی ایٹر کے کپتان سرفراز احمد کا کہنا ہے کہ ہمارے لیے شاہد آفریدی جیسے بڑے کرکٹر کا آنا خوش آئند ہے، امید ہے شاہد بھائی ہمیں چیمپیئن بھی بنوائیں گے۔
میڈیا سے گفتگو کرتے ہوئے سابق ٹیسٹ کپتان سرفراز احمد نے کہا کہ کامیابی کی صورت میں ہم شاہد بھائی کو جانے نہیں دیں گے، ان سے پرفارمنس لینی ہے، شاہد آفریدی بڑے میچ کے کھلاڑی ہیں، امید ہے کوئٹہ گلیڈیٹر ایک مرتبہ پھر لیگ میں شاندار کارکردگی کا مظاہرہ کر کے فتح سے ہمکنار ہوگی۔
ایک سوال کے جواب میں سرفراز احمد نے کہا کہ ہر کھلاڑی کی خواہش ہوتی ہے کہ وہ پاکستان کرکٹ ٹیم کا حصہ بنے، جو بھی کھلاڑی ٹیم سے باہر ہوتا ہے اس کے لیے پی ایس ایل اہم ہوتا ہے، میں بھی بھرپور محنت کر رہا ہوں اور امید ہے ایک مرتبہ پھر پاکستان کرکٹ ٹیم کا حصہ بننے میں کامیاب ہو جاؤں گا۔

کراچی: (ویب ڈیسک) سابق ٹیسٹ کپتان اور ممتاز آل راونڈر شاہد خان آفریدی کا کہنا ہے کہ سرفرازنے غصہ کیا توگراؤنڈ کے باہر ری ایکشن دوں گا، پی ایس ایل سیون ملتوی کر دی جائے یا پھر اضافی کھلاڑیوں کے ساتھ ایونٹ کا انعقاد ممکن بنایا جائے، اٹل فیصلہ ہے کہ پی ایس ایل سیون میرا آخری ایڈیشن ہوگا۔
کوئٹہ گلیڈیٹر کی تقریب میں میڈیا سے گفتگو کرتے ہوئے شاہد خان آفریدی نے کہا کہ میں اپنے وعدے کے مطابق رواں سال کوٸٹہ گلیڈی ایٹر کا حصہ بن گیا ہوں، سرفراز احمد میرا فیورٹ کپتان ہے، سرفراز فیلڈ میں جان لگاتا ہے جو مجھے پسند ہے، سرفراز اور کوٸٹہ گلیڈی ایٹر کے ساتھ کھیلنے کی خوشی ہے، میری کوشش ہوگی کوٸٹہ کو جتنا لڑا سکوں لڑواٶں۔
انہوں نے کہا کہ قبل ازیں سرفراز احمد کی قیادت کو اچھے انداز میں سامنے نہیں لایا جا سکا، کوشش کریں گے کہ اچھی کارکردگی کا مظاہرہ کرنے والے کھلاڑیوں کو پزیرائی ملے، بطور سینئر کھلاڑی ٹیم کو لڑنا سکھاؤنگا، کوشش ہوگی کہ کم سے کم غلطی کی جائے، کھلاڑیوں کو کپتان کے گیم پلان پر عمل کرنا ہوگا۔
کورونا کے حوالے سے حوالے سے سوال کے جواب میں شاہد خان آفریدی نے کہا کہ کراچی میں کورونا کے مریضوں کی تعداد میں روز بروز اضافہ ہوتا چلا جارہا ہے جن کی تعداد 40 فیصد تک جا پہنچی ہے، لگتا یہ ہے کہ پی ایس ایل سیون کے موقع پر تماشائیوں کی تعداد کم کر دی جائے گی۔
شاہد آفریدی نے کہا کہ لیگ کو ملتوی کر دیا جائے یا پھر اضافی کھلاڑیوں کو رکھا جائے، اسی طرح ایونٹ کا انعقاد ممکن ہے، ہمارا کام کرکٹ کھیلنا ہے، کورونا سے احتیاط لازمی ہے، سرفراز نے اگر غصہ کیا تو گراٶنڈ کے باہر ری ایکشن دوں گا، کپتان کا غصہ ہونا قدرتی عمل ہے، سرفراز کو اس کے اپنے اسٹاٸل سے کھیلنےدوں گا لیکن اس کے ساتھ ہی کپتان کو یہ محسوس نہیں ہونے دوں گا کہ میں بوڑھا ہوگیا ہوں۔
انہوں نے کہا کہ یہ میرا آخری اور حتمی فیصلہ ہے کہ پی ایس ایل سیون ون میرا آخری ایڈیشن ہوگا۔
انہوں نے مسکراتے ہوئے کہا کہ اب میرے پرزے جواب دے رہے ہیں، پہلے گھٹنوں کا درد ہوا، پھر جوڑوں میں تکلیف ہوئی، اب کمر کا مسئلہ آن کھڑا ہوا ہے، اب کرکٹ مقابلے بھی سخت ترین ہونے لگے ہیں، میں البتہ دیگر لیگز میں شرکت کرتا رہوں گا۔

لاہور: (ویب ڈیسک) لاہورقلندرز کےکپتان شاہین شاہ آفریدی نے سیٹی بجانا سیکھنا شروع کردی۔
لاہورقلندرز کے ٹریننگ کیمپ کے آخری روز میڈیا سے گفتگو میں شاہین شاہ آفریدی کا کہنا تھا کہ فیلڈ سیٹ کرتے وقت کھلاڑیوں کوبلانے اورمتوجہ کرنے کے لئے اشاروں کے ساتھ سیٹی بھی بجانا پڑتی ہے اس لئے سیٹی بجانا سیکھنا شروع کردی ہے جلد ہی سیٹی بجانے پرمہارت حاصل کرلوں گا۔
شاہین شاہ آفریدی کا کہنا تھا کہ فاسٹ بولرکی حیثیت سے پٹائی ہونےپر غصہ آنا فطری ہے۔کپتان بننے کے بعد غصے پر قابو پانا ضروری ہے۔کپتانی ایک اعزاز اور اضافی ذمہ داری ہے اور کوشش ہوگی کہ پی ایس ایل میچز میں سب کو ساتھ لےکر چلوں۔
انہوں نے کہا کہ 10 روزمیں چیزوں کوکافی حدتک بہتر کیاہے۔ہماری ٹیم کا کمبی نیشن بہتر ہے۔ راشد خان اور حارث روف جیسے بولرز کے ساتھ نوجوان عاکف جاوید اور دوسرے پیسر بھی اچھے ردھم میں ہیں۔ بیٹنگ کا شعبہ بھی خاصا مضبوط ہے۔

لاہور: (ویب ڈیسک) قومی کرکٹ ٹیم کے سابق کپتان محمد حفیظ نے کہا ہے کہ کپتانی چند دنوں میں نہیں آجاتی ایک اچھا کپتان بننے کے لیے وقت لگتا ہے۔
لاہور میں میڈیا سے بات کرتےہوئے تجربہ کار آل راؤنڈر نے کہا کہ اب ساری توجہ لیگ کرکٹ پر ہے، عمان لیگ میں دو میچز کھیلنے کے بعد پی ایس ایل میں حصہ لوں گا، اپنی فارم اور فٹنس کو برقرار رکھنے کے لیے محنت کا سلسلہ جاری ہے۔
سابق کپتان نے کہا کہ شاہین شاہ آفریدی نے اپنی پرفارمنس سے سب کے دل جیتے ہیں، کپتانی چند دنوں میں نہیں آجاتی، ایک اچھا کپتان بننے کے لیے وقت لگتاہے، شاہین کو کھیل کی باریکیوں کی سمجھ اور وہ ایک اچھا کپتان بن سکتاہے لیکن ابھی سے شاہین شاہ آفریدی کے پاکستانی ٹیم کی کپتانی کرنے کے بارےمیں نہیں سوچنا چاہیے۔
انہویں نے کہا کہ پی ایس ایل میں تمام ٹیموں نے ہی اچھے کھلاڑی منتخب کیے ہیں، لاہور قلندرز کے پاس کوالٹی پیسرز، اسپنرز اور بیٹسمین ہیں، فیلڈنگ کے شعبے پر خاص ٹوجہ دینا پڑے گی، ٹی ٹوئنٹی کرکٹ میں فیلڈنگ اگر اچھی ہوگی تو جیت کے امکانات بھی زیادہ ہوتے ہیں۔
سابق کپتان محمد حفیظ کا کہنا ہے کہ کورونا کی وجہ سے پی ایس ایل کو بریک نہیں لگنی چاہیے، منتظمین کے ساتھ اب کھلاڑی بھی کوویڈ صورتحال کے عادی ہوچکے ہیں، امید ہےکہ پی سی بی حکام اچھی حکمت عملی کے لیگ کو کامیاب بنائیں گے۔
دعا ہے کہ پاکستان سپرلیگ ہر لحاظ سے کامیاب ہو اور پاکستان کا نام روشن ہو۔