اوٹاوا: (ویب ڈیسک) ماہرین نے حالیہ تحقیق میں انکشاف کیا ہے کہ خلا میں انسانی جسم فی سیکنڈ 30 لاکھ سرخ خلیوں کی تباہی سے خون کی شدید کمی (اینیمیا) کا شکار ہو جاتا ہے۔
میڈیا رپورٹ کے مطابق یہ انکشاف کینیڈا کی اوٹاوا یونیورسٹی میں ہونے والی حالیہ تحقیق میں کیا گیا ہے۔ کینیڈا کے خلائی مرکز میں 14 خلائی نوردوں پر ہونے والی ریسرچ کے مطابق زمین پر ہمارا جسم فی سیکنڈ 20 لاکھ خون کے خلیات کو بناتا اور تباہ کرتا ہےلیکن خلا میں 6 ماہ تک رہنے والے خلا نوردوں کے جسم میں یہ عمل 30 لاکھ فی سیکنڈ تک پہنچ جاتا ہے۔
طبی ماہرین کے مطابق خلا بازوں میں سرخ خلیات کی تباہی کو ہیمو لائسز کہا جاتا ہےجو اینیمیا ہی کی ایک قسم ہے۔ تحقیق کے سربراہ ڈاکٹر ٹروڈل کا مزید کہنا ہے کہ اینیمیا خلا میں جانے والوں کو لاحق بنیادی اثر ہے تاہم جس طرح زمین پر ہمارا جسم اتنے ہی خلیات دوبارہ بناتا ہے یہی عمل خلامیں خلا نوردوں کے ساتھ ہوتا ہے۔
خلا میں جسم سے فی سیکنڈ 30 لاکھ سرخ خلیے تباہ ہوتے ہیں
