ای ایس پی این (ESPN) کے بانی بل راسموسن 93 برس کی عمر میں انتقال کر گئے۔ ان کے انتقال کی وجہ پارکنسنز بیماری کے اثرات اور پیچیدگیاں بتائی گئی ہیں۔
بل راسموسن نے اپنے بیٹے اسکاٹ راسموسن کے ساتھ مل کر 1978 میں ایک 24 گھنٹے کھیلوں کے ٹیلی ویژن نیٹ ورک کا تصور پیش کیا۔ یہ خواب 7 ستمبر 1979 کو ESPN کے آغاز کے ساتھ حقیقت بن گیا۔
ESPN نے کھیلوں کی نشریات کی دنیا میں ایک نئے دور کا آغاز کیا اور بعد میں دنیا کے بڑے اسپورٹس میڈیا نیٹ ورکس میں شامل ہوگیا۔ راسموسن کو کھیلوں کی نشریات میں انقلابی تبدیلی لانے والی شخصیت اور "Father of Cable Sports” کے طور پر بھی یاد کیا جاتا ہے۔
راسموسن کو 2014 میں پارکنسنز بیماری کی تشخیص ہوئی تھی اور بعد کے برسوں میں انہوں نے اس بیماری کے بارے میں آگاہی پیدا کرنے کے لیے بھی کام کیا۔
ESPN کے چیئرمین جمی پٹارو نے راسموسن کو ایک بصیرت رکھنے والا اور اختراع پسند شخص قرار دیتے ہوئے کھیلوں کی میڈیا انڈسٹری پر ان کے دیرپا اثرات کو خراجِ تحسین پیش کیا۔
راسموسن اپنے بچوں، پوتے پوتیوں اور پڑپوتے پڑپوتیوں کو سوگوار چھوڑ گئے ہیں۔
