پشاور(جنرل رپورٹر )خیبر پختونخوا پولیس نے ڈرون حملوں سے بچا ئوکیلئے نیا طریقہ اپناتے ہوئے تھانوں اور چیک پوسٹوں پر آئرن جالیاں نصب کر دیں۔حساس تھانوں کی چوکیوں پر مچھلی پکڑنے والے جال لگا دئیے گئے۔پولیس حکام کے مطابق ڈرون کاپٹر کے حملوں کے خطرات کے پیش نظر اقدام اٹھایا گیا، جالیاں نصب کرنے سے نقصان کم سے کم ہوتا ہے۔ پشاور اور خیبر کے تھانوں پر بھی
آئرن جالیاں نصب کی گئیں۔واضح رہے کہ چند روز کے دوران پشاور میں ڈرون کاپٹرز کے 2 حملے کیے گئے جبکہ 6 ماہ کے دوران خیبر پختونخوا میں 250 ڈرون کاپٹرز حملے ناکام بنائے گئے۔
