اسلام آباد (عادل عباسی) پاکستان تحریک انصاف پنجاب کی پارلیمانی قیادت کا اہم اجلاس ختم ہوگیا، جس میں صوبے کی سیاسی صورتحال، آئندہ کے احتجاجی لائحہ عمل اور لانگ مارچ کی تیاریوں کے حوالے سے تفصیلی مشاورت کی گئی۔ اجلاس میں پنجاب میں اسٹریٹ موومنٹ شروع کرنے کا متفقہ فیصلہ کیا گیا، جبکہ پارٹی کے مرکزی لائحہ عمل کے حوالے سے ارکان کے درمیان مختلف آرا بھی سامنے آئیں۔ذرائع کے مطابق اجلاس کے دوران پنجاب سے تعلق رکھنے والے بعض ارکان نے خیبرپختونخوا کے وزیراعلی سہیل آفریدی سے لانگ مارچ مخر کرنے کی تجویز بھی پیش کی۔ ارکان کا مقف تھا کہ پارٹی قیادت پنجاب کی حد تک لانگ مارچ کے لیے مطلوبہ تیاریاں مکمل نہیں کر سکی، اس لیے موجودہ صورتحال میں لانگ مارچ کو کچھ عرصے کے لیے مخر کرکے مزید تیاری اور تنظیم سازی کی جائے۔ذرائع کے مطابق بعض ارکان نے رائے دی کہ پنجاب میں پارٹی تنظیموں، کارکنوں اور مقامی قیادت کو متحرک کرنے کے لیے مزید وقت درکار ہے اور لانگ مارچ کو مثر بنانے کے لیے پہلے صوبائی سطح پر تیاریوں کو مکمل کیا جانا چاہیے۔ تاہم، اجلاس میں موجود قیادت کی جانب سے لانگ مارچ مخر کرنے کی تجویز کو پذیرائی نہیں ملی اور احتجاجی تحریک کے حوالے سے طے شدہ حکمت عملی کو آگے بڑھانے پر اتفاق کیا گیا۔اجلاس کے بعد گفتگو کرتے ہوئے رکن قومی اسمبلی نثار جٹ نے کہا کہ پنجاب کی پارلیمانی قیادت نے متفقہ طور پر صوبے میں اسٹریٹ موومنٹ شروع کرنے کا فیصلہ کیا ہے۔ ان کا کہنا تھا کہ تحریک انصاف کے ارکان پارلیمنٹ اور پارٹی کارکن پنجاب میں سیاسی سرگرمیوں کو مزید متحرک کریں گے۔نثار جٹ کے مطابق پنجاب کی قیادت نے وزیراعلی خیبرپختونخوا سہیل آفریدی کو پنجاب آنے کی دعوت بھی دی ہے تاکہ وہ صوبے میں پارٹی رہنماں اور کارکنوں سے ملاقاتیں کریں اور آئندہ کے سیاسی لائحہ عمل پر مشاورت کی جائے۔نثار جٹ نے کہا کہ "وزیراعلی جب تشریف لائیں گے ہم انہیں ویلکم کریں گے۔”** ان کا کہنا تھا کہ پنجاب میں پارٹی کی سیاسی سرگرمیوں کو منظم انداز میں آگے بڑھایا جائے گا اور کارکنوں کو متحرک کیا جائے گا۔ذرائع کے مطابق اجلاس میں پنجاب کے مختلف اضلاع میں پارٹی سرگرمیوں کو تیز کرنے، کارکنوں کو متحرک کرنے اور مقامی تنظیموں کو فعال بنانے کے امور بھی زیر غور آئے۔ پارلیمانی قیادت نے اس بات پر اتفاق کیا کہ صوبے میں مرحلہ وار احتجاجی سرگرمیوں کا آغاز کیا جائے اور پارٹی کے تنظیمی ڈھانچے کو مزید فعال بنایا جائے۔اجلاس میں بعض ارکان کی جانب سے لانگ مارچ کی تیاریوں پر تحفظات سامنے آنے کے باوجود پنجاب میں اسٹریٹ موومنٹ شروع کرنے کے فیصلے کو برقرار رکھا گیا۔ پارٹی ذرائع کے مطابق آئندہ دنوں میں پنجاب کے مختلف اضلاع میں سیاسی سرگرمیوں اور رابطہ مہم کو تیز کرنے کا امکان ہے۔سہیل آفریدی کو پنجاب آنے کی دعوت اور اسٹریٹ موومنٹ شروع کرنے کے فیصلے کے بعد تحریک انصاف کی صوبائی سطح پر سیاسی سرگرمیوں میں تیزی آنے کا امکان ہے، جبکہ لانگ مارچ کے حوالے سے پنجاب کی تیاریوں اور تنظیمی سرگرمیوں کو بھی آئندہ کے لائحہ عمل میں اہم قرار دیا جا رہا ہے۔
