گجرات(بےورورپورٹ)شادی شدہ خاتون سے گن پوائنٹ پر جنسی زیادتی، فحش ویڈیو بنا کر وائرل کردی، ، تفصیلات کے مطابق تھانہ گنجاہ کے موضع کالو ساہی کی رہائشی خاتون (ش) بی بی اپنے خاوند انصر کے ساتھ پاہڑیانوالہ سے موٹرسائیکل پر سوار گھر کی طرف آرہی تھی کہ گاکھڑا کالاں پہنچی تو چٹو سکنہ گاکھڑا کلاں وغیرہ مسلح افراد نے روک کر کو زدوکوب کرکے بھگا دیا اور (ش) بی بی کے ساتھ زبردستی جنسی زیادتی کرڈالی اور فحش ویڈیو بنا کر وائرل کردی، جس پر تھانہ کنجاہ پولیس نے مقدمہ درج کرکے تفتیش شروع کردی ہے۔

ٹرانسپرنسی انٹرنیشنل پاکستان نے کرپشن اور گورننس سے متعلق رپورٹ جاری کرتے ہوئے پی ٹی آئی حکومت کے 3 سالہ دور احتساب کی مہم کو جانبدارانہ قرار دے دیا۔ ٹرانسپرنسی انٹرنیشنل پاکستان کی جانب سے کرپشن اور گورننس سے متعلق جاری کر دہ رپورٹ کے مطابق پولیس سب سے زیادہ کرپٹ جبکہ شعبہ جوڈیشری کرپشن میں دوسرے نمبر پر ہے۔ کنٹریکٹ ٹینڈرنگ تیسرے اور صحت کا شعبے چوتھے نمبر پر کرپٹ شعبہ ہے۔ رپورٹ کے مطابق 3 برسوں میں مہنگائی اور بیروزگاری میں اضافہ ہوا جبکہ آمدن کم ہوئی، 72 فیصد شہریوں کے مطابق نچلی سطح پر سرکاری اداروں میں کرپشن بڑھی، وفاقی حکومت کی خود احتسابی کی مہم غیر تسلی بخش قرار دی گئی۔

اسلام آباد (نامہ نگار خصوصی) وزیراعظم عمران خان نے کہا ہے کہ دین اور حضورﷺ کے نام پر ظلم کرنے والوں کو نہیں چھوڑیں گے، جب تک میں زندہ ہوں سانحہ سیالکوٹ جیسے واقعات نہیں ہونے دوں گا اور ملوث لوگوں کو نہیں چھوڑا جائے گا ۔ان خیالات کا اظہار انہوں نے اسلام آباد میں سانحہ سیالکوٹ کے دوران مشتعل ہجوم کی جانب سے مبینہ توہین مذہب کے الزام کے بعد قتل ہونے والے سری لنکن منیجر پریانتھا کمارا کی یاد میں وزیراعظم ہاﺅس میں آنجہانی کے خاندان، سری لنکن حکومت اور عوام سے اظہاریکجہتی کی تقریب سے خطاب کرتے ہوئے کیا۔اس موقع پر سری لنکن منیجر پریانتھا کمارا کی جان بچانے کی کوشش کرنے والے شہری ملک عدنان کو تعریفی اسناد پیش کیں۔تقریب میں وفاقی وزرافوادچودھری، غلام سرورخان، حماداظہر، عمر ایوب، شیریں مزاری اور علی محمد خان، معاون خصوصی علامہ طاہراشرفی اورعثمان ڈار اورسری لنکن ہائی کمشنربھی تقریب میں شریک ہوئے۔تقریب کے دوران سری لنکن شہری کی جان بچانے کی کوشش کرنیوالے ملک عدنان کو خراج تحسین پیش کیا گیا۔ اس موقع پر خطاب کرتے ہوئے عمران خان نے کہا کہ سانحہ سیالکوٹ نے سب کو ہلا کر رکھ دیا۔ افسوسناک واقعے کے بعد ہمیں ملک عدنان کو دیکھ کرخوشی ہوئی۔ سانحہ سیالکوٹ میں ملوث لوگوں کو نہیں چھوڑا جائے گا۔ فیصلہ کیا ہے جنہوں نے دین کواستعمال کیا اعلان کررہا ہوں ان کونہیں چھوڑنا۔ سارے پاکستان نے سیالکوٹ میں تماشا دیکھا، اب فیصلہ کرلیا آئندہ ایسے واقعات نہیں ہونے دینا۔ وزیر اعظم نے کہا کہ سانحہ سیالکوٹ پر پوری قوم افسردہ ہے، افسوس ہے کہ رحمت اللعالمین ﷺ کے نام پر ظلم کیا گیا، فیصلہ کیا ہے کہ آئندہ کسی نے بھی اسلام اور نبی کریمؓ کا نام استعمال کر کے قانون ہاتھ میں لینے کی کوشش تو اس کو چھوڑا نہیں جائے گا۔ان کا کہنا تھا کہ ہمارے نبی ﷺ پوری انسانیت اور عالم کے لیے رحمت بنا کر بھیجے گئے، اسلام تلوار سے نہیں پھیلا، آپ ﷺ اپنے اخلاق سے فکری انقلاب لے کر آئے، ریاست مدینہ کا معاشرہ انسانیت اور انصاف پر قائم تھا۔انہوں نے کہا کہ جنگلوں میں طاقت کا قانون ہوتا ہے، جانوروں کے معاشرے میں کمزور کی کوئی جگہ نہیں ہوتی، انسانوں میں رحم، انصاف اور احسان پر معاشرے قائم ہوتے ہیں، اخلاقی قوت جسمانی قوت سے زیادہ ہوتی ہے، انہی اصولوں پر ریاست مدینہ قائم کی گئی تھی۔ انہوں نے کہا کہ انسانوں کے معاشرے میں انصاف ہوتا ہے، ہمارے نبی نے مدینہ کی ریاست میں کمزور طبقے کی ذمہ داری لی، مدینہ کی ریاست میں رحم اورانصاف تھا، یہ کونسا انصاف ہے آپ نے ہی الزام لگایا اورخود ہی قتل کردیا، ایسا کسی معاشرے میں نہیں ہوتا۔وزیراعظم نے کہا کہ ججز، وکلا ایسے کیس ہی نہیں سنتے تو اس کا کون دفاع کرے گا، سانحہ اے پی ایس کے بعد ملک میں دہشت گردی کے خلاف غصہ آیا تھا، اس کے بعد پاکستان دہشت گردی کیخلاف جنگ جیتا، سیالکوٹ کی بزنس کمیونٹی نے پریا نتھا کمارا کی فیملی کے لیے ایک لاکھ ڈالراکٹھا کیا اور ہمیشہ فیملی کو تنخواہ بھی دی جائے گی۔عمران خان نے کہا کہ پوری قوم عاشق رسول ﷺ ہے، ہمیں نبی ﷺ کی سیرت پر چلنا ہوگا، اگرہم نبی ﷺ کی سیرت کو پڑھ لیں تو کوئی بھی ایسی حرکتیں نہ کرے، اسی لیے ہم نے رحمت اللعامین اتھارٹی بنائی، ہمیں بچوں کونبی کی زندگی بارے بتانا ہوگا، ہمارے نبی دنیا کے سب سے عظیم انسان تھے۔انہوں نے مزید کہا کہ پاکستان واحد ملک جواسلام کے نام پربنا تھا، اس طرح کی حرکتوں سے اوورسیزپاکستانی کسی کومنہ دکھانے کے قابل نہیں رہے، سانحہ سیالکوٹ ہجوم نے جو کچھ کیا بہت تکلیف ہوئی، ملک عدنان کوتمغہ شجاعت 23مارچ کودلوائیں گے، ملک عدنان کی بہادری اور جرات پر ہمیں فخر ہے، اخلاقی قوت جسمانی قوت سے زیادہ ہوتی ہے۔امید ہے کہ نوجوان ملک عدنان کو دیکھیں گے تویادکریں گے، ایک انسان حیوانوں کے سامنے کھڑا ہوا۔ ایسے واقعات کو بھارت میں بہت اٹھایا جاتا ہے، بھارتیہ جنتا پارٹی کی حکومت میں کسی کو گائے کا گوشت کھانے پر مار دیا جاتا ہے، بھارت میں ایسے واقعات دیکھ کرہمیں بہت تکلیف ہوتی ہے، بھارتی میڈیا جب ایسے واقعات دکھاتا ہے توکہتا ہے پاکستان میں بھی ایسا ہوتا ہے، پاکستان میں ایسا نہیں ہوتا اورجب تک میں زندہ ہوں انشااللہ ایسے واقعات نہیں ہونے دونگا۔

وفاقی کابینہ اجلاس کا اعلامیہ جاری کیا گیا ہے جس کے مطابق سانحہ سیالکوٹ کے گھناؤنے جرم میں جو گرفتار ہیں ان کو قانون کے مطابق سخت سزا دی جائے گی۔

وزیرِ اعظم عمران خان کی زیر صدارت وفاقی کابینہ اجلاس کا اعلامیہ جاری کیا گیا ہے جس میں سیالکوٹ واقعے کی سخت مذمت کی گئی اور اظہار کیا کہ یہ اسلام کے امن و سلامتی کے اصل تشخص کو مسخ کرنے کی کوشش ہے، ریاست اسلامی جمہوریہ پاکستان  اقلیت سے تعلق رکھنے والے ہر باشندے کو حقوق اور تحفظ فراہم کرنے کاپابند ہے۔

اعلامیہ کے مطابق  وہ تمام افراد جو اس گھناؤنے جرم میں گرفتار ہیں، ان کو قانون کے مطابق سخت سزا دی جائے گی۔ کابینہ نے ملک عدنان کی بہادری کو خراج تحسین پیش کیا اور سراہا جنہوں نے اپنی جان پر کھیل کر سری لنکن مینیجر کو بچانے کی کوشش کی تھی۔

اجلاس میں وفاقی وزیر شبلی فراز نے کابینہ کو الیکٹرانک ووٹنگ مشینوں کے ملک کے تمام پولنگ اسٹیشنز تک ترسیل و استعمال اور عملے کی ٹریننگ کے حوالے سے شیڈول پر تفصیلی بریفنگ دی جب کہ وفاقی وزیر اطلاعات  فواد چوہدری نے کابینہ کو عوامی آگاہی مہم کے حوالے سے بریف کیا۔

کابینہ نے  الیکٹرانک ووٹنگ مشین اور بیرون ملک پاکستانیوں کو ووٹ کا اختیار دینے کے قوانین لاگو ہونے بعد آئندہ انتخابات  الیکٹرانک ووٹنگ مشینوں سے منعقد کرانے کے عزم کا اظہار کیا۔

کابینہ اجلاس میں مشیر خزانہ نے وفاقی کابینہ کو اشیاء ضروریہ کی قیمتوں کا تقابلی جائزہ پیش کرتے ہوئے کہا کہ ہفتہ وار مہنگائی کی شرح میں 0.48 فیصد کمی آئی ہے، چینی، آٹا اور گھریلو استعمال کی اشیاء میں کمی ریکارڈ ہوئی ہے، 11 اشیاء کی قیمتوں میں کمی آئی جب کہ 19 اشیاء کی قیمتوں میں استحکام رہا۔

کابینہ کو آگاہ کیا گیا کے خطے میں گھی اور چائے کی پتی کی قیمتوں کے علاوہ  دیگر تمام گھریلو استعمال کی اشیا کی قیمتیں پاکستان میں کم ہیں، ان اشیاء میں آٹا، چنے، دال ماش، دال مونگ، ٹماٹر، پیاز، چکن اور پیٹرول شامل ہیں۔

افغان باشندوں کی سہولت کے لیے کابینہ نے انسانی ہمدردی کے بنیاد پرپاکستان کی سرزمین سے ہوائی سفرکرنے کی اجازت دی، افغان باشندے اب پاکستان کے ہوائی اڈوں سے دوسرے ممالک آسانی سے ہوائی سفر کرسکیں گے۔

کابینہ نے ویسٹ انڈیز کرکٹ ٹیم کے دورہ پاکستان کے لیے سیکورٹی اقدامات لینے کی منظوری بھی دی۔

پی ڈی ایم کی اسٹیرنگ کمیٹی نے مہنگائی مارچ کا طریقہ کار اور حکمت عملی وضع کرلی جس کی سفارشات جلد سربراہ اجلاس میں پیش کی جائیں گی، پی ڈی ایم نے کہا ہے کہ ہم اسلام آباد آئیں گے اور دونوں جڑواں شہر ڈی چوک بن جائیں گے۔
ایکسپریس نیوز کے مطابق پی ڈی ایم کی اسٹیرنگ کمیٹی کا اجلاس کنوینر شاہد خاقان عباسی کی زیر صدارت ہوا جس میں 23 مارچ کے مہنگائی مارچ سے متعلق حکمت عملی وضع کی گئی۔
ترجمان پی ڈی ایم حافظ حمد اللہ نے اجلاس کے بعد میڈیا سے گفتگو کرتے ہوئے کہا کہ اسٹیئرنگ کمیٹی کے اجلاس میں مہنگائی مارچ کے طریقہ کار اور حکمت عملی وضع کر لی ہے، پی ڈی ایم عوام کی آواز بن چکی ہے، موجودہ کرپٹ سسٹم کے خلاف جدوجہد جاری رہے گی۔
انہوں نے کہا کہ اسد عمر کا کہنا ہے کہ مارچ کے شرکا کو روکا جائے گا، کوئی ہمیں روک کر دکھائے تو پتا چل جائے گا گھوڑا بھی حاضر اور میدان بھی۔.
حافظ حمد اللہ کا کہنا تھا کہ آزادی مارچ کا فیصلہ صرف جے یو آئی کا تھا جب کہ لانگ مارچ کا فیصلہ پی ڈی ایم کا متفقہ فیصلہ ہے، لاکھوں لوگ اسلام آباد لانگ مارچ میں شرکت کریں گے۔
انہوں نے کہا کہ 23 مارچ قومی دن ہے، تو ہم بھی اسی ملک کے باسی ہیں اس دن کا مقصد ہی یہ ہے کہ ہم حقیقی جمہوریت چاہتے ہیں، یہ قرارداد مقاصد کی بنیادی روح ہے۔
ترجمان پی ڈی ایم حافظ حمد اللہ کا مزید کہنا تھا کہ پی ڈی ایم مارچ کے مالی اخراجات تمام جماعتیں خود ادا کریں گی، یہ کوئی فارن فنڈنگ کا مسئلہ نہیں، 23 مارچ کو امن و امان کی ذمہ داری حکومت پر عائد ہوتی ہے، ہم ہر صورت مارچ کریں گے۔

ٹرین کھڑی کر کے دہی لینے جانے والے ڈرائیور کو وزیر ریلوے اعظم خان سواتی نے معطل کر دیا۔
کاہنہ کاچھا ریلوے اسٹیشن کے قریب انجن نمبر 5217 کا اسسٹنٹ ڈرائیور ٹرین روک کر دہی لینے کے لیے بازار چلا گیا جس کی ویڈیو سوشل میڈیا پر وائرل ہوگئی۔
وزیر ریلوے اعظم سواتی نے وائرل ویڈیو پر نوٹس لیتے ہوئے فوری طور پر ٹرین ڈرائیور رانا محمد شہزاد اور افتخار حسین اسسٹنٹ ڈرائیور کو معطل کرنے کے احکامات جاری کر دیے۔
وزیر ریلوے نے کہا کہ اس طرح کے واقعات مستقبل میں بھی برداشت نہیں کیے جائیں گے، اگر آئندہ بھی کوئی ایسا واقعہ پیش آیا تو اس کے خلاف بھی سخت ایکشن لیا جائے گا، پاکستان ریلوے قومی امانت ہے، اس کو ذاتی مقاصد کے لیے استعمال نہیں ہونے دیں گے۔