اسلام آ باد (ویب ڈیسک) پاکستان مسلم لیگ(ن)کے صدر اور قائد حزب اختلاف شہباز شریف نے کہا ہے کہ پاکستان میں انسانی حقوق کے تحفظ اور فروغ کے لیے بہت کام کرنا باقی ہے۔شہبازشریف نے انسانی حقوق کے عالمی دن پر فلسطین اور کشمیرکے عوام کے ساتھ یکجہتی کا اظہار کرتے ہوئے کہا کہ انسانی حقوق کے عالم گیر اعلامیہ کو منظور ہوئے 73 سال گزر گئے، فلسطین اور کشمیر کے مظلوم وعدوں کے ایفا ہونے کے منتظر ہیں۔ شہبازشریف نے کہا کہ عالمی انسانی حقوق کے لیے عالمی سطح پر ایک پیمانہ اور مساوی انداز اپنانے سے ان دنوں اور اعلامیوں کی ساکھ بن سکتی ہے۔ شہبازشریف کا کہنا تھا کہ اقوام متحدہ، سلامتی کونسل، انسانی حقوق کے یواین کے اداروں اور عالمی تنظیموں کو فلسطین اور کشمیر کے مظلوم عوام کے بنیادی انسانی حقوق کا تحفظ کرنا ہوگا۔ قائد حزب اختلاف کا کہنا تھا کہ اقوام متحدہ اور عالمی برادری کو سوچنا ہوگا کہ انسانی حقوق کے عالم گیر اعلامیہ کی کھلم کھلا خلاف ورزی کرنے والی ریاستیں کیوں احتساب سے مستثنی ہیں۔ انہوں نے کہا کہ اقوام عالم کو انسانی حقوق کے دنیا میں یکساں نفاذ میں حائل رکاوٹوں کو دور کرنے کے لیے اجتماعی دانش بروئے کار لانا ہوگی۔ شہبازشریف نے کہا کہ دنیا بھر میں انسانی حقوق کے احترام، بلاامتیاز اطلاق کے لیے جامع اور مسلسل کوششوں کا عہد کرنا ہوگا، شہریوں کے حقوق کے تحفظ اور فروغ کے لیے ریاستی اداروں کو مل کر کام کرنا ہوگا۔ انہوں نے کہا کہ جس نظام میں شہریوں کے انسانی حقوق کا احترام، تحفظ اور فروغ نہ ہو، اسے جمہوری یا قانونی نظام نہیں کہا جاسکتا۔ شہبازشریف نے مزیدکہا کہ تاریخ گواہ ہے کہ انسانوں کے بنیادی حقوق کا تحفظ لفاظی سے نہیں بلکہ عدل وانصاف کے بے لاگ نفاذ سے ہی ممکن ہوا ہے۔

لاہور (خصوصی رپورٹر) پنجاب کی تاریخ کا سب سے بڑا ڈویلپمنٹ بجٹ ……..وزیراعلیٰ پنجاب سردار عثمان بزداربازی لے گئے-سالانہ ترقیاتی پروگرام برائے سال 2021-22کے حجم میں 85ارب روپے کا غیر معمولی اضافہ -85ارب روپے کے اضافے سے سالانہ ترقیاتی پروگرام کاحجم 645ارب روپے ہوگیا ہے-کابینہ سٹینڈنگ کمیٹی برائے فنانس اینڈ ڈویلپمنٹ نے اے ڈی پی 2021-22 میں 85ارب روپے کے اضافے کی منظوری دے دی -وزیراعلیٰ عثمان بزدار نے کہاہے کہ پنجاب کی تاریخ کے سب سے بڑے ترقیاتی پروگرام کا اعزاز تحریک انصاف کی حکومت کو حاصل ہواہے-صوبے میں ترقیاتی منصوبوں پر کام کی رفتار مزید تیز ہوگی- صحت، تعلیم، انفراسٹرکچراور دیگر شعبوں کے منصوبوں کے لئے مزید فنڈز دستیاب ہوںگے اورفلاح عامہ کے منصوبوں کو مقررہ مدت میں مکمل کریں گے-رواں مالی برس عوام کی سہولتوں کی فراہمی کے متعدد منصوبے مکمل ہوں گے-وزیراعلیٰ پنجاب سردار عثمان بزدار نے کوروناوائرس اومی کرون سے بچاﺅ کے حوالے سے کابینہ کمیٹی برائے انسداد کورونا کو ہدایات جاری کر دی ہیں-وزیراعلیٰ عثمان بزدار نے کہاکہ صوبہ بھر میں عوام کو اومی کرون سے محفوظ رکھنے کیلئے مو¿ثر اقدامات یقینی بنائے جائیں۔وزیر اعلیٰ عثمان بزدارنے محکمہ صحت کے حکام کو ہمہ وقت چوکس رہنے کا حکم دیتے ہوئے کہاکہ بیرون ملک سے آنے والے مسافروںکی فول پروف سکریننگ کی جائے- انہوں نے کہاکہ عالمی ادارہ صحت کی ہدایات کے مطابق احتیاطی تدابیر پر عملدرآمد ہر قیمت پر یقینی بنایا جائے۔کورونا کے نئے وائرس سے بچا¶کیلئے احتیاطی اقدامات ضروری ہیں۔انہوںنے کہاکہ ویکسی نیشن کی دوسری خوراک اور بوسٹر ڈوز یقینی بنائی جائے۔وزیر اعلیٰ عثمان بزدار نے ویکسینیشن مہم کو مزید تیز کرنے کی ہدایت کی ہے-وزیراعلیٰ پنجاب سردار عثمان بزدارکی زےر صد ارت وزیراعلیٰ آفس میں پبلک پرائیویٹ پارٹنرشپ پالیسی اینڈ مانیٹرنگ بورڈ کا 10واں اجلاس منعقدہوا،جس میں لاہور کےلئے واٹر مےٹرزکی خرےداری،تنصےب اورآپرےشن اےنڈ مےنٹےننس پراجےکٹ کےلئے ٹےکنےکل اورفنانشل بڈزکی حتمی منظوری دی گئی-صوبائی وزراءہاشم جواں بخت،اسد کھوکھر، مشیروزیراعلیٰ ڈاکٹر سلمان شاہ،چیف سیکرٹری ، سیکرٹری ہاﺅسنگ،چیئرمین منصوبہ بندی و ترقیات، پرنسپل سیکرٹری وزیراعلیٰ،سیکرٹری خزانہ، سیکرٹری قانون اور متعلقہ حکام نے اجلاس میں شرکت کی-

ایشیائی ترقیاتی بینک (اے ڈی بی) نے  پاکستان  کے لیے 30 کروڑ ڈالرز قرض کی منظوری  دے دی ہے۔

اے ڈی بی کی جانب سے جاری کردہ بیان میں کہا گیا ہے کہ  قرض کی منظوری  مالیاتی، تکنیکی اور گورننس اصلاحات  میں مدد  کے لیے دی گئی۔

اے ڈی بی حکام کا کہنا ہے کہ  قرض کی رقم توانائی کے شعبے کی بہتری اور استحکام پر خرچ ہوگی۔

یاد رہے کہ 2 روز قبل  ایشیائی ترقیاتی بینک نے پاکستان کے لئے  60 کروڑ ڈالر زقرض کی منظوری دی تھی۔

اس کے علاوہ تعلیم سب کے  لیے فاؤنڈیشن کی طرف سے بھی اے ڈی بی کے ذریعے 24 ملین گرانٹ خرچ کی جائے گی۔

کراچی: وزیر اعظم عمران خان نے کہا ہے کہ لندن اور تہران کی طرح کراچی کا بلدیاتی نظام بھی خودمختار ہونا چاہیے۔

کراچی میں گرین لائن بس منصوبے کے افتتاح کے موقع پر وزیر اعظم نے کہا کہ کوئی بھی جدید شہر جدید ذرائع آمد ورفت کے بغیر مکمل نہیں، ماضی میں کسی نے کراچی کے ٹرانسپورٹ سسٹم پر توجہ نہیں دی۔

وزیر اعظم نے کہا ہر ملک میں ایک شہر ایسا ہوتا جو ملک کو چلاتا ہے، کراچی جب خوش حال ہوتا ہے تو پاکستان خوشحال ہوتا ہے، پاکستان کے لیے کراچی کو خوش ھال کرنے کا مطلب یہ ہے کہ ہم پاکستان کو خوشحال کررہے ہیں، سب سے زیادہ ٹیکس کراچی سے ملتا ہے لیکن اسے کچھ نہیں ملا ، کراچی کو 60 سال سے دیکھ رہا ہوں ، اس روشنیوں کے شہر کو ہم نے کھنڈر بنتے دیکھا ہے کیونکہ کبھی بھی کراچی کے انتظامی نظام پر توجہ نہیں دی۔

وزیراعظم کا کہنا تھا کہ کراچی میں پانی کے مسئلے کے حل کے لیے سب سے زیادہ توجہ دی جارہی ہے، اگلے ماہ ’کے 4‘ شروع کردیا جائے گا ، امید ہے کہ 2023 میں یہ منصوبہ مکمل ہوگا اور کراچی کو کینجھر جھیل سے اضافی پانی کی فراہمی شروع ہوجائے گی۔

وزیراعظم نے کہا کہ تمام تحقیق ایک بات ہی کرتی ہے کہ ایک بیماری پورے گھر کو مقروض کردیتی ہے، اسی لئے میں نے فیصلہ کیا تھا کہ جب بھی اللہ نے موقع دیا میں صحت کے ایم جامع منصوبہ شروع کروں گا۔ خیبر پختونخوا کے تمام خاندانوں کو ہیلتھ انشورنمس مل چکی ہے، جس کے تحت ہر سال 10 لاکھ روپے تک کا خرچہ برداشت کیا جائے گا۔ مارچ2022تک پنجاب کے ہر شہری کے پاس ہیلتھ انشورنس ہوگی، سندھ کے لوگوں کو بھی ہیلتھ انشورنس ہونی چاہیے، سندھ حکومت سے کہتا ہوں کہ ہیلتھ انشورنس میں حصہ ڈالیں۔