اسلام آباد کے پمز اسپتال میں 13 سالہ بچی سے مبینہ زیادتی کا واقعہ سامنے آیا ہے۔
پولیس کے مطابق جمعرات کی شام 13 سال کی بچی والدہ اور نانا کے ساتھ پمز اسپتال آئی تھی، ملزم رہنمائی کا جھانسہ دیکر بچی کو گاڑی میں لے گیا اور زیادتی کا نشانہ بنا ڈالا۔پولیس حکام کا کہنا ہے کہ سی سی ٹی وی اور دیگر تحقیقات کے بعد ملزم کو گرفتار کر لیا گیا ہے،فارنزک کے لیے بچی اور ملزم کے سیمپل لاہور بھیجے جائیں گے۔

ٹانک میں مسلسل دوسرے روز پولیو ٹیم پر حملہ کیا گیا جس میں ایک اور پولیس اہلکار شہید ہو گیا۔

ڈپٹی کمشنر ٹانک کبیر خان آفریدی نے پولیو ٹیم پر حملے کی تصدیق کرتے ہوئے بتایا کہ گاؤں شادہ میں پولیو ٹیم کی سکیورٹی پر مامور پولیس اہلکار پر مسلح افراد نے فائرنگ کی۔

ڈی سی کبیر خان آفریدی کے مطابق نامعلوم افراد کی فائرنگ سے کانسٹیبل شہید ہو گیا جبکہ ملزمان فرار ہونے میں کامیاب ہو گئے۔

کبیر خان آفریدی کا کہنا ہے کہ پولیو ٹیم پر فائرنگ کا یہ دوسرا واقعہ ہے، گزشتہ روز بھی نامعلوم افراد کی فائرنگ سے پولیس حوالدار شہید ہو گیا تھا۔

وزیراعظم عمران خان نے گوادر میں ماہی گیروں کی جانب سے ایک ماہ سے جاری دھرنے کا نوٹس لے لیا۔

وزیراعظم عمران خان کا کہنا ہے کہ گوادر کے ماہی گیروں کے جائز مطالبات کا نوٹس لیا ہے، ٹرالرز کے ذریعے غیر قانونی ماہی گیری کے خلاف سخت ایکشن لیا جائے گا۔

عمران خان نے کہا کہ غیر قانونی ٹرالرز سے مچھلی کے شکار پر وزیراعلی بلوچستان سے بات کروں گا۔

امیر جماعت اسلامی بلوچستان مولانا ہدایت الرحمان بلوچ نے وزیراعظم کے بیان پر ردعمل دیتے ہوئے کہا کہ ہم ضدی لوگ نہیں ہیں، حل پر یقین رکھتے ہیں، وزیراعظم نے اعلان کیا ہے تو مثبت سمجھتے ہوئے اس کا خیرمقدم کرتےہیں۔

مولاناہدایت الرحمان بلوچ کا کہنا تھا کہ گوادر کے مسائل حل ہوں تو ہم سے زیادہ خوشی کسے ہو گی۔

ان کا کہنا تھا کہ مسئلہ عملدرآمد کا ہے، وزیراعظم نے نوٹس لیا ہے تو عملدرآمد کی توقع ہے، امید ہے کہ ہماری توقع پوری ہو گی۔

لاہور(ویب ڈیسک) پاکستان مسلم لیگ ن کے صدر شہبازشریف نے کہا ہے کہ منی بجٹ قومی اسمبلی سے منظور ہونا قومی خودکشی ہوگی، ہم اسے روکنے کے لئے متحدہ اپوزیشن کے ساتھ مل کر مشترکہ حکمت عملی بنائیں گے،پاکستان کی معاشی خودمختاری خطرے میں ہے، تبدیلی کا سونامی معیشت، روزگار اور عوام کی خوشیوں کو نگل گیا ہے، عالمی منڈی میں تیل کی قیمت میں کمی کا ریلیف اب تک عوام کو نہیں مل سکا۔اپنے ایک بیان میں مسلم لیگ (ن) کے صدر اور قومی اسمبلی میں قائد حزب اختلاف شہبازشریف نے کہا کہ پاکستان کی معاشی خودمختاری خطرے میں ہے، تبدیلی کا سونامی معیشت، روزگار اور عوام کی خوشیوں کو نگل گیا ہے، عالمی منڈی میں تیل کی قیمت میں کمی کا ریلیف اب تک عوام کو نہیں مل سکا، عوام کے لئے اعلان کردہ معاشی ریلیف پیکج کا اثر تو نہیں نہیں پہنچا البتہ بجلی گیس اور اشیاءکی قیمت مزید بڑھ چکی ہے۔شہبازشریف نے کہا کہ موجودہ حکومت قومی سلامتی کے لئے خطرہ بن گئی ہے، منی بجٹ قومی اسمبلی سے منظور ہونا قومی خودکشی ہوگی، ہم اسے روکنے کے لئے متحدہ اپوزیشن کے ساتھ مل کر مشترکہ حکمت عملی بنائیں گے اور منی بجٹ کے ملک اور قوم کے لئے تباہ کن اثرات پر حکومتی ارکان اوراس کے اتحادیوں کے احساس کو جگانے کی کوشش کریں گے، ایک اور منی بجٹ کینسر کا علاج اسپرین سے کرنے کے مترادف ہے، حکومت آئی ایم ایف کا تیارکردہ منی بجٹ نہ دے، استعفیٰ دے۔

لاہور(ویب ڈیسک)چیئر مین پاکستان پیپلز پارٹی بلاول بھٹو زرداری نے کہا ہے کہ پاکستان پیپلزپارٹی عام انتخابات میں لاہور سمیت پورے پنجاب میں سرپرائز دے گی، پنجاب کے عوام کے مسائل کا واحد حل پاکستان پیپلزپارٹی کے پاس ہے،جلد پنجاب کے تمام اضلاع کا تفصیلی دورہ کروں گا، پیٹرول کی قیمت میں اتنا اضافہ کردیا گیا ہے کہ عوام سائیکل پر آچکے ہیں اور عمران خان ہیلی کاپٹر میں گھوم رہے ہیں،اگلے انتخابات میں زیادہ وقت نہیں ہے، کارکن دن رات محنت کریں اور ملک میں ایک عوامی حکومت کے لئے راہ ہموار کریں،وہ این اے 133 کے زون 168166,167 کے یوسیز کوآرڈینیٹرز، یوسی صدر، جنرل سیکریٹری سمیت دیگر اراکین سے خطاب کر رہے تھے،چیئرمین بلاول بھٹو زرداری نے این اے 133 میں پارٹی کارکنان کو بہترین کارکردگی کا مظاہرہ کرنے پر خراج تحسین پیش کیا اورضمنی انتخابات میں بہترین کارکردگی کا مظاہرہ کرنے پر جیالوں کو شاباشی دی،چیئرمین بلاول بھٹو زرداری کے ہمراہ پی پی پی پنجاب کے صدر راجہ پرویز اشرف، سیکریٹری اطلاعات شہزاد سعید چیمہ، پی پی پی لاہور کے صدر اسلم گِل، شعبہ خواتین کی صدر ثمینہ خالد گھرکی،علی بدراور فیصل میر بھی موجود تھے،۔اس موقع پر، رانا فاروق سعید، ثمینہ خالد گھرکی، آصف بشیر بھاگٹ، فیصل میر، بیلم حسنین، نیلم جبار، ڈاکٹر خیام حفیظ، ارشد جٹ، عابد صدیقی، رانا نعیم دستگیر، میاں اشفاق حسین، گلریز خان ایڈووکیٹ، رانا،عبدالشکور، سید ذوالفقار علی، اعجاز احمد سما، عمر شریف بخاری، جاوید اقبال، ملک ظفر، خرم اعجاز، جاوید ڈوگر، رائے نوشین بھٹی، امجد شکیل راہی، ضیاءناگرہ معراج دین، شیخ آصف، ملک جمشید، رانا یوسف، مسعود شیرازی، منشی شہادت، امیر علی، برائے شاہجاں کھرل, زاہد ذوالفقار، احسن منظر، شکیل میر چنی، محمد نعیم ظفر، رانا محمد ریاض، نصیر احمد، چوہدری عبدالرحمان، چوہدری محمد فرہاد، عابد صدیقی، علی رضا زیدی سید کلیم علی امیر، اشرف خان، فہیم ٹھاکر، اعظم خان، محمد امین مٹھا، لالا محمد اسلم، حامد علی جعفر، ملک افتخار علی، چوہدری محمد عارففائزہ ملک، تنویر موہال، رانا جمیل احمد منج، نذیر شہزاد، خالد اسرار، علی جہانگیر بدر، وزیرعلی اعوان، عمران افیق اٹھوال، عمران پال، اسلم میو، علامہ یوسف اعوان، افنان بٹ، اسرارالحق بٹ، آصف ناگرا، راجہ اشرف، حسن خان، بیرسٹر عامر حسن، آصف علی کھوکھر، عاطف چوہدری وحید لودھی، اعجاز جعفری، کمال پاشا، عاصم محمود بھٹی، ریاض جٹ، غلام سرور، محمد جہانگیر، چوہدری سجاد الحسن، شاہد بھٹی، عدنان سرور گورسی، اشرف بٹ، شہباز ارشد، علی احسن عابدی، را¶ شجاعت علی، بشارت صدیقی، وحید عالمگیر، رانا ذوالفقار، انور انصاری، نواز کیانی، ذکی چوہدری، شیخ یاسر،چوہدری احمد علی جٹ، اقبال یوسف، لیاقت رحمانی، میاں ودود ڈار، شہباز خان، شیخ ارسلان مقبول، طارق کمبوہ، سید حسنین شاہ، عامر نواز، خالد بٹ، ملک نیامت، ظفر بھٹی ودیگر بھی موجود تھے،بلاول بھٹو زرداری نے کہا کہ پنجاب کے عوام کا مسلسل استحصال کیا جارہا ہے، ظلم و جبر کا سلسلہ اب نہیں چلے گا،عوام کو صرف اپنے مسائل کے حل سے غرض ہے اور پاکستان،پیپلزپارٹی کے دور میں عوام کے مسائل حل ہوئے،پاکستان پیپلزپارٹی کے دور میں عام آدمی کی تنخواہوں میں اضافہ ہوا، اور انہیں لاکھوں نوکریاں ملیں۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی طرف سے جاری کردہ بیان کے مطابق آرمی چیف جنرل قمر جاوید باجوہ سے امریکی سینیٹرز پر مشتمل وفد نے ملاقات کی ہے۔

 4 کنی وفد میں امریکی سینیٹرز انگس کنگ، رچرڈ بر، جان کارنائن اور بینجمن سیسی شامل تھے جبکہ پاکستان میں امریکی ناظم الامور انجیلا ایگلر بھی وفد کے ہمراہ تھیں۔

یاد رہے کہ چاروں سینیٹرز کی سینیٹ کی انٹیلی جنس کمیٹی کے اراکین ہیں جبکہ سینیٹر انگس کنگ سینیٹ کی آرمڈ سروسز کے رکن بھی ہیں۔

ترجمان پاک فوج کے مطابق ملاقات میں باہمی دلچسپی کے امور، افغانستان کی موجودہ سکیورٹی صورتحال اور مختلف شعبوں میں دوطرفہ تعاون پر تبادلہ خیال کیا گیا۔

ڈی جی آئی ایس پی آر کے مطابق آرمی چیف نے آنے والے چیلنجوں کے پیش نظر جیو پولیٹیکل اور سیکیورٹی صورتحال کے بارے میں باہمی افہام و تفہیم کے لیے سینیٹرز کی کوششوں پر شکریہ ادا کیا۔

امریکی سینیٹرز نے افغان صورتحال میں پاکستان کے کردار، بارڈر مینجمنٹ کے لیے خصوصی کاوشوں، علاقائی استحکام میں کردار کو سراہا اور پاکستان کے ساتھ ہر سطح پر سفارتی تعاون کو آگے بڑھانے کے لیے اپنا کردار ادا کرنے کا عہد کیا۔

بھارت کی پولیس نے ریاست آسام کے شہر گوہاٹی سے ارجنٹینا کے آنجہانی عظیم فٹ بالر ڈیاگو میراڈونا کی دبئی سے چرائی گئی قیمتی گھڑی برآمد کرلی۔

خبرایجنسی اے ایف پی کی رپورٹ کے مطابق بھارتی پولیس حکام نے دعویٰ کیا کہ اسٹار فٹ بالر ڈیاگومیراڈونا کی دبئی میں چرائی گئی قیمتی گھڑی برآمد کرکے مشتبہ شخص کو گرفتار کرلیا گیا ہے۔

پولیس کا کہنا تھا کہ شمال مشرقی ریاست آسام میں شہری وازید حسین کو گرفتار کرلیا ہے اور سوس میڈ ہوبلوٹ گھڑی برآمد کرلی ہے جو وہ دبئی میں مبینہ طور پر چرانے کے بعد بھارت آگئے تھے۔

ان کا کہنا تھا کہ 37 زیر حراست مشتبہ شخص دبئی میں ایک کمپنی میں 2016 سے سیکیورٹی گارڈ کی حیثیت سے کام کر رہے ہیں جہاں ارجنٹینا کے مشہور فٹ بالر سے متعلق یادگار اشیا رکھی گئی ہیں۔

بھارتی پولیس کا کہنا تھا کہ سنگل ایڈیشن گھڑی کی قیمت تقریباً 26 ہزار 500 ڈالر قیمت ہے، جس پر اسٹار فٹ بالر کی تصویر، ان کی جرسی کا نمبر 10 کے ساتھ دستخط بھی ہیں۔

سواساگر پولیس کے سپرینٹنڈنٹ راکیش روشان کا کہنا تھا کہ گو کہ گھڑیوں کے بہت محدود ایڈیشن دستیاب ہیں یہ گھڑی میراڈونا کے لیے تیار کی گئی تھی۔

ان کا کہنا تھا کہ اس حوالے سے معلومات دبئی حکام سےموصول ہوئی تھیں۔

فٹ بال کی تاریخ کے عظیم کھلاڑیوں میں سے ایک میراڈونا گزشتہ برس نومبر میں 60 سال کی عمر انتقال کر گئے تھے۔

بھارتی ریاست آسام کے وزیراعلیٰ ہیمانتا بسوا سرما کا کہنا تھا کہ مقامی پولیس نے دبئی کے عہدیداروں کی اطلاع ملنے کے بعد ملزم کو گرفتار کرلیا ہے۔

پولیس کا کہنا تھا کہ زیرحراست ملزم نے میراڈونا کی گھڑی چرانے کے الزام کو مسترد کردیا ہے۔

ملزم نے بتایا کہ وہ رواں برس اگست میں اپنے والد کے علیل ہونے پر اپنے آبائی علاقے آسام واپس آگیا تھا۔