اسلام آباد (نامہ نگار خصوصی) چیف ایڈیٹر خبریں گروپ امتنان شاہد نے وزیرداخلہ شیخ رشید سے ان کے گھر جا کر بھائی کے انتقال پر اظہارتعزیت کیا اور مرحوم کے لئے دُعائے مغفرت کی۔ اس موقع پر وزیرداخلہ شیخ رشید احمد نے گفتگو کرتے ہوئے کہا ہے عمران خان ملکی و غیر ملکی میڈیا پر سب سے زیادہ نظر رکھنے والے وزیراعظم ہیں انہوں نے کہا کہ وزیراعظم کو اکثر وزارت اطلاعات کی سمری موصول ہونے سے پہلے ہی ہر چیز کی خبر ہوتی ہے۔
اس وقت پوری دنیا میں کووڈ وائرس کی سب سے تبدیل شدہ شکل اومیکرون کا چرچا ہے۔ اس تناظر میں نوواویکس نامی ایک قدرےغیرمعروف کمپنی نے جنوری 2022 تک اپنی ویکسین لانے کا اعلان کیا ہے جو اس تبدیل شدہ وائرس کے خلاف مؤثر ثابت ہوسکے گی۔
یہ اعلان ادویاتی کمپنیوں کی جانب سے ویکسین بنانے کی عالمی دوڑ کے تناطر میں بھی سامنے آیا ہے کیونکہ بایواین ٹیک اور موڈرنا کمپنیوں نے بھی اس پر کام شروع کردیا ہے۔ نوواویکس کمپنی نے کہا ہے کہ چند دنوں میں اومیکرون قسم کا مکمل جینیاتی تجزیہ کرلیا گیا ہے۔ کمپنی کے مطابق جنوری 2022 کے آخرتک بڑے پیمانے پر ویکسین کی تیاری شروع کردی جائے گی۔
توقع ہے کہ موڈرنا، بایواین ٹیک کی طرح خود نوواویکس ایم آراین اے کی بنا پر ویکسین بنائے گی۔ تاہم ان میں سے بایو این ٹیک نے ویکسین کی پہلی کھیپ 100 دن میں تیار کرنے کا اعلان کیا ہے جبکہ نوواویکس نے کہا ہے کہ اس کی ویکسین پروٹین سب یونٹ کے تحت تیار کی جائے گی۔
نوواویکس نے کہا ہے کہ اس کی بنائی ہوئی ویکسین اومیکرون ویریئنٹ کو 100 فیصد بے اثربناسکتی ہے۔
پاکستان نے ڈھاکا ٹیسٹ میں بنگلا دیش کو شکست دیکر دو ٹیسٹ میچوں کی سیریز میں کلین سوئپ مکمل کر لیا۔
ڈھاکا کے شیر بنگلا کرکٹ اسٹیڈیم میں کھیلے جا رہے میچ میں بنگلا دیش کی ٹیم دوسری اننگز میں 205 رنز پر آؤٹ ہو گئی۔
پاکستانی بولرز نے دوسری اننگز میں بھی شاندار گیند بازی کی اور صرف شکیب الحسن پاکستان کے خلاف نصف سنچری اسکور کرنے میں کامیاب رہے اور انہیں 63 رنز پر ساجد خان نے بولڈ کیا جبکہ مشفیق الرحیم دوسری اننگز میں بھی رن آؤٹ ہوئے، انہوں نے 48 رنز بنائے۔
ساجد خان نے دوسری اننگز میں بھی شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا جبکہ دو دو وکٹیں شاہین شاہ آفریدی اور حسن علی کے حصے میں آئیں۔
پانچویں روز کھیل کے دوسرے ہی اوور میں ساجد خان نے تیج الاسلام کو ایل بی ڈبلیو آؤٹ کیا جبکہ اگلے ہی اوور میں شاہین شاہ آفریدی نے خالد احمد کو بولڈ کر دیا۔
ساجد خان نے بنگلا دیش کے تجربہ کار بلے باز شکیب الحسن کو آؤٹ کر کے اننگز میں 8 وکٹیں حاصل کیں اور بنگلا دیش کو فالو آن کا شکار کرنے میں اہم کر دار ادا کیا۔
بنگلا دیش کی جانب سے شکیب الحسن 33 رنز بنا کر نمایاں بلے باز رہے جبکہ نجم الحسن شنٹو نے 30 رنز بنائے، میزبان ٹیم کے 9 بلے باز ڈبل فیگر میں بھی داخل نہ ہو سکے جبکہ ساجد خان نے 42 رنز دیکر 8 کھلاڑیوں کو آؤٹ کیا، ایک وکٹ شاہین شاہ آفریدی کے حصے میں آئی اور ایک بنگلا دیشی بلے باز رن آؤٹ ہوا۔
پاک بحریہ کے ائیر ڈیفنس یونٹ کی جانب سے زمین سے فضا میں ہدف کو نشانے بنانے والے میزائلوں کی فائرنگ کا کامیاب مظاہرہ کیا گیا۔ ترجمان پاک بحریہ کے مطابق میزائلوں نے کامیابی سے اہداف کو نشانہ بنایا اور نیول چیف ایڈمرل امجد خان نیازی نے میزائلوں کی فائرنگ کا مشاہدہ کیا۔ ترجمان پاک بحریہ کا کہنا ہے کہ میزائلوں کی فائرنگ کا مظاہرہ پاک بحریہ کی آپریشنل صلاحیتوں اور حربی تیاریوں کا ثبوت ہے۔ اس موقع پر نیول چیف نے پاک بحریہ کی آپریشنل تیاریوں پر مکمل اطمینان کا اظہار کیا اور کہا کہ پاک بحریہ کسی بھی جارحیت کا بھرپور جواب دینے کی مکمل صلاحیت رکھتی ہے۔
عالمی ادارہ صحت کا کہناہےکہ کورونا کا اومی کرون ویرینٹ بھارت سے سامنے آنے والے ڈیلٹا ویرینٹ سےزیادہ خطرناک نہیں۔ ماہرین کا کہنا ہے کہ ابتدائی جائزے کےمطابق اومی کرون ڈیلٹا کےمقابلے میں شدید بیماری کا سبب نہیں اور اومی کرون کےخلاف موجودہ ویکسین کےناکام ہونے کا امکان نہیں۔ تاہم ماہرین نے یہ بھی کہا ہےکہ اومی کرون سے متعلق یہ انتہائی ابتدائی جائزہ ہے، اس لیے ہمیں بہت محتاط ہونےکی ضرورت ہے۔ عالمی ادارہ صحت کے سیکنڈ ان کمانڈ مائیکل رائن کا کہنا تھا کہ اس بات کا بہت کم امکان ہےکہ کورونا ویکسینز اومی کرون پربلکل بھی اثرنہ کریں بلکہ کورونا کےتمام ویرینٹ کےخلاف سب سے مؤثر ہتھیار ویکسین لگوانا ہی ہے۔ انہوں نے کہا کہ اومی کرون اب تک درجنوں ممالک میں پھیل چکا ہے، یہ بات درست ہے کہ یہ بہت تیزی سےپھیلتا ہے تاہم کسی بھی نئے ویرینٹ کا اس طرح پھیلنا سرپرائز نہیں ہوتا۔
پشاور: وزیر اعظم عمران خان کا کہنا ہے کہ کرونا کے دوران پابندیاں نہ لگانے پر مجھ پر بہت تنقید کی گئی، اب دنیا کہہ رہی ہے پاکستان نے سب سے بہتر طریقے سے اپنے ملک کو کرونا سے نکالا۔ اگلے 10 سال میں 10 ڈیم بنائیں گے۔
تفصیلات کے مطابق وزیر اعظم عمران خان نے احساس کفالت پروگرام کے تحت چیک تقسیم کیے، تقریب سے خطاب کرتے ہوئے ان کا کہنا تھا کہ 25 سال پہلے تحریک انصاف شروع کی تو ہمارا منشور واضح تھا، ہمارا منشور تھا کہ پاکستان کو اسلامی فلاحی ریاست بنانا ہے۔
وزیر اعظم کا کہنا تھا کہ یو این ڈی پی کی رپورٹ تھی کہ سنہ 2013 سے 2018 تک پختونخواہ میں سب زیادہ تیزی سے غربت کم ہوئی، صوبہ دہشت گردی سے بہت زیادہ متاثر تھا، وہاں بہت خوف تھا ارکان اسمبلی یہاں نہیں اسلام آباد میں ملتے تھے۔
انہوں نے کہا کہ اب صوبے میں پہلی بار 30 فیصد لوگوں کو ہیلتھ انشورنس ملی، غریبوں کے لیے کینسر کے علاج کا اسپتال بنایا۔ بلوچستان کے وزیر اعلیٰ نے بھی ہیلتھ انشورنس
دینے کا فیصلہ کیا ہے۔ جہاں جہاں ہماری حکومت ہے وہاں ہر خاندان کو علاج کے لیے 10 لاکھ روپے دیں گے۔
وزیر اعظم کا کہنا تھا کہ علاج کی سہولت دینا ہمیں فلاحی ریاست کی طرف لے کر جا رہا ہے، کرونا کے دوران پابندیاں نہ لگانے پر مجھ پر بہت تنقید کی گئی۔ اب دنیا کہہ رہی ہے پاکستان نے سب سے بہتر طریقے سے اپنے ملک کو کرونا سے نکالا، دی اکانومسٹ نے لکھا پاکستان نے اپنے لوگوں اور معیشت دونوں کو بچا لیا۔
انہوں نے کہا کہ ہم دنیا میں سب سے کم قیمت پر پیٹرول اور ڈیزل بیچ رہے ہیں، پاکستان میں مہنگائی کی مشکل سے نمٹنے کے لیے احساس راشن پروگرام بنایا، پروگرام کے تحت آٹا ،گھی اور دالیں 30 فیصد کم قیمت پر دی جائیں گی۔
وزیر اعظم کا کہنا تھا کہ ایک اور پروگرام شروع ہوگا جس کے تحت 20 لاکھ انتہائی کم آمدن والے خاندانوں کو بلا سود قرضہ دیں گے، ہر مستحق خاندان میں ایک فرد کو ہنر سکھائیں گے۔ مستحق خاندان کو کامیاب پاکستان کے تحت گھر بنانے کے لیے 27 لاکھ کا بلا سود قرض دیں گے۔
انہوں نے کہا کہ اس وقت ہم 47 ارب 63 لاکھ اسکالر شپس کی مد میں دے رہے ہیں، وزیر اعظم آفس کے تحت میرٹ پر اسکالر شپس دی جائیں گی۔ آئندہ 10 سال میں 10 ڈیم بنائیں گے، ہمارا ملک بہت تیزی سے ترقی کرے گا۔
اداکارہ حبا بخاری نے باقاعدہ طور پر اداکار آریز احمد کے ساتھ اپنے رشتے کا اعلان کردیا ہے۔
حبا بخاری نے اپنے انسٹاگرام پوسٹ کے ذریعے آریز احمد کے ساتھ اپنی منگنی کے حوالے سے بتایا ہے۔ پوسٹ میں اداکارہ حبا بخاری نے آریز احمد کے ساتھ اپنے رشتے کو بہت خوبصورت الفاظ میں بیان کیا ہے۔ پوسٹ میں آریز احمد سے اپنی بےپناہ محبت کا اظہار کیا ہے اور بتایا ہے کہ انشاء اللہ ہماری قربتوں کا یہ سلسلہ جاری رہیگا۔
جنوبی افریقا سے سامنے آنے والی کرونا کی نئی قسم ’اومی کرون‘ کے حوالے سے جہاں لوگ خوفزدہ ہیں وہیں کچھ چہ مگوئیاں بھی شروع ہوگئیں ہیں۔
جنوبی افریقا میں ایک ہفتے قبل سامنے آنے والی کرونا کی نئی قسم کو عالمی ادارہ صحت نے اب تک کی اقسام کے مقابلے میں زیادہ خطرناک اور متعدی قرار دیا۔
عالمی ادارہ صحت نے اومی کرون کے پیش نظر ایشیائی ممالک کو مزید احتیاط کا مشورہ دیا جبکہ ساؤتھ افریقن میڈیکل ایسوسی ایشن نے مختلف ممالک کی جانب سے عائد کی جانے والی سفری و دیگر پابندیوں کو قبل از وقت قرار دیا۔
فیکٹ چیک
انٹرنیٹ پر شیئر کی جانے والی تصویر اور دعوی پر جب تحقیق کی گئی تو معلوم ہوا کہ کسی بھی ملک میں اس طرح اور نام سے فلم ریلیز ہی نہی کی گئی۔
انویسٹی گیٹیو جرنلسٹ نے بالآخر اُس شخص کو بھی تلاش کرلیا جس نے سب سے پہلے ’اومی کرون‘ فلم کا پوسٹر شیئر کیا۔
اس طرح کے تین پوسٹرز آئرلینڈ سے تعلق رکھنے والے ڈائریکٹر ہیلی چیٹل نے 28 نومبر کو اپنے اکاؤنٹ پر شیئر کیے اور بتایا کہ انہوں نے 70 کی دہائی میں بنائی جانے والی فلم ’دا اومی کرون فریز‘ کے پوسٹرز کو فوٹو شاپ کی مدد سے تبدیل (ایڈیٹ) کردیا ہے۔
بھارتی فوج کے پہلے چیف آف ڈیفنس جنرل بپن راوت کا ہیلی کاپٹر گر کر تباہ ہو گیا۔
بھارتی میڈیا کے مطابق چیف آف ڈیفنس اسٹاف جنرل بپن راوت کا ملٹری ہیلی کاپٹر ریاست تامل ناڈو میں گر کر تباہ ہوا، واقعے کے بعد سرچ اینڈ ریسکیو آپریشن شروع کر دیا گیا ہے۔
بھارتی میڈیا کے مطابق ہیلی کاپٹر میں سی ڈی ایس بپن راوت کا عملہ اور اہلخانہ کے کچھ افراد بھی سوار تھے۔
خیال رہے کہ بھارتی فوج کے سربراہ جنرل بپن راوت اپنی مدت ملازمت پوری کرنے کے بعد 31 دسمبر 2019 کو ریٹائر ہوئے جنہیں مودی سرکار نے بھارت کا پہلا چیف آف ڈیفنس اسٹاف مقرر کیا تھا۔
گجرات(بےورورپورٹ)شادی شدہ خاتون سے گن پوائنٹ پر جنسی زیادتی، فحش ویڈیو بنا کر وائرل کردی، ، تفصیلات کے مطابق تھانہ گنجاہ کے موضع کالو ساہی کی رہائشی خاتون (ش) بی بی اپنے خاوند انصر کے ساتھ پاہڑیانوالہ سے موٹرسائیکل پر سوار گھر کی طرف آرہی تھی کہ گاکھڑا کالاں پہنچی تو چٹو سکنہ گاکھڑا کلاں وغیرہ مسلح افراد نے روک کر کو زدوکوب کرکے بھگا دیا اور (ش) بی بی کے ساتھ زبردستی جنسی زیادتی کرڈالی اور فحش ویڈیو بنا کر وائرل کردی، جس پر تھانہ کنجاہ پولیس نے مقدمہ درج کرکے تفتیش شروع کردی ہے۔
Error 403: The request cannot be completed because you have exceeded your quota..
Domain code: youtube.quota
Reason code: quotaExceeded
