اسلام آباد(ویب ڈیسک) پولیس دربار سے خطاب کرتے ہوئے وزیرداخلہ چوہدری نثار نے کہا کہ پولیس اور ایف سی نے مشکل وقت میں اپنا فرض ادا کیا۔پرویز خٹک نے ایف سی پر جواعتراض کیا وہ قابل افسوس ہے۔وزیرداخلہ نے پرویز خٹک کو مخاطب کرتے ہوئے کہا کہ آپ جب بھی بطور وزیراعلیٰ اسلام آباد آئیں گے آپ کو شہباز شریف سے زیادہ سیکیورٹی دوں گا۔چوہدری نثار نے دو نومبر کے سلسلے میں ایف سی اور پولیس کی خدمات کو سراہا۔چوہدری نثار کا کہنا تھا کہ دھرنا نہ ہونا کسی کی ہار نہیں بلکہ سپریم کورٹ کے فیصلے کی جیت ہے۔وزیرداخلہ چوہدری نثارنےکہاہےکہ ایف سی اور پولیس نے ثابت کردیا کہ کوئی مسلح جتھہ ملک پر اپنا فیصلہ مسلط نہیں کرسکتا۔وزیراعلیٰ پرویز خٹک آئندہ بھی اگر مسلح جتھے کے ساتھ آئے تو وہی سلوک دہرایا جائے گا۔انہوں نے اسے عمران خان کا اچھا فیصلہ قراردیا۔