اسلام آباد (آن لائن) پاکستان تحریک انصاف کے چیئرمین عمران خان نے کہا ہے کہ شاپنگ کا شوق نہیں ہے ایک شو میں شلوارقمیص پہننے کی آفر ہوئی اور کہا گیا کہ اس شو میں جتنے بھی سوٹ پڑے ہوں گے وہ آپ کو گفٹ کئے جائینگے پھر وہ اتنے شوٹ ملے کہ 20 سال تک وہی سوٹ پہنتا رہا نئے خریدنے کی ضرورت ہی پیش نہ آئی۔ تنہا رہتا ہوں کبھی بھوکھا اور پیاسا سو جاتا ہوں اور اکثر اپنے نوکروں کے گھر کا کھانا منگوا کر کھا لیتاہوں ان خیالات کا اظہار انہوں نے حالیہ ایک انٹرویو کے دوران کیا‘ عمران خان نے مزید کہا کہ امریکن سفیر مجھ سے ملنے آیا تو سب نے اپنے نوکروں سے کہا کہ یار کچھ بندوبست کرلینا۔ انہوں نے پہلے سبز چائے دے دی بعد میںتھوڑی قیمت والے بسکٹ لے آئے وہ بھی پیکنگ میں تو امرکی سفیر خود پیکنگ سے نکال کر کھاتا بھی رہا اور ہنستا بھی رہا۔ انہوں نے ایک سوال کے جواب میں کہا کہ میرے پاس اگر پیسہ آجائے تو اس پر ہسپتال اور سکولز کو فنڈ دے کر خوشیاں بٹور لیتا ہوں۔ کبھی نہیں سوچا کہ جینز کی پینٹ کے ساتھ بوٹ پہنوں میں جو مل گیا حتیٰ کی چپل پہن کر گھومتا رہتا ہوں‘ عمران خان نے مزید کہا کہ شوکت خانم سے لے کر یونیورسٹی تک سب اس لئے کیا ہے کہ میرے ملک کے غریب مستفید ہوسکیں ‘ دس گارڈ بھی رکھ سکتا ہوں بہتر ہے جو تنخواہ ان کو دوں وہی ہسپتال کو دے دوں۔

اسلام آباد(ویب ڈیسک)تحریک انصاف کےسربراہ عمران خان نے کہا ہے کہ وہ پیپلزپارٹی کی آل پارٹی کانفرنس میں شرکت نہیں کریں گے۔منگل کو سماجی رابطے ی ویب سائٹ ٹویٹر پر تحریک انصاف کے چیئرمین عمران خان نے اپنے پیغام میں کہاکہ پی ٹی آئی پیپلزپارٹی کے اے پی سی میں شرکت نہیں کررہے۔تحریک انصاف کے چیئرمین عمران خان کاکہناہے کہ پارلیمانی جماعتیں فوجی عدالتوں کے بل پر اتفاق کرچکی ہیں،جبکہ 6مارچ کو اسمبلی میں اس سے متعلق بل پیش کیاجائےگا۔

اسلام آباد(ویب ڈیسک)”میں اور مایوس! ایساہو نہیں سکتا“یہ بات تحریک انصاف کے چیئرمین عمران خان نے عدالت عظمیٰ میں پانامہ کیس کی سماعت سے قبل ایک صحافی کی جانب سے سوال کے جواب میں کہی۔ عمران خان اور صحافی کے درمیان مکالمہ ہوا اور صحافی نے سے سوال کیا کہ خان صاحب بہت افسردہ اور مایوس نظر آ رہے ہیں جس پر عمران خان نے زوردار قہقہ لگاتے ہوئے کہا ”میں اور مایوس! ایسا ہونہیں سکتا “۔انہوں نے کہا کہ دیکھتے ہیں کہ چیئرمین نیب اور ایف بی آر عدالت میں کیا بولتے ہیں۔

پشاور(ویب ڈیسک) پاکستان تحریک انصاف (پی ٹی آئی) کے چیئرمین عمران خان کا کہنا ہے کہ نیشنل ایکشن پلان سے فوائد حاصل کرنے کے لیے فاٹا میں جلد از جلد استحکام قائم کرنا ہوگا جبکہ فاٹا کے خیبر پختونخوا میں ضم ہونے سے دہشت گردی ختم ہوجائے گی۔پشاور میں وزیر اعلیٰ خیبر پختونخوا پرویز خٹک کے ہمراہ میڈیا سے بات کرتے ہوئے عمران خان نے لاہور اور پشاور میں دہشت گردی کی مذمت کرتے ہوئے کہا کہ حیات آباد دھماکے میں ججز کو ٹارگٹ کیا گیا۔انہوں نے کہا کہ ’نیشنل ایکشن پلان پر پورے ملک میں اتفاق رائے ہوا، نیپ سے فوائد حاصل کرنے کے لیے فاٹا میں جلد از جلد استحکام قائم کرنا ہوگا اور فاٹا کو خیبر پختونخوا میں جلد از جلد ضم کرنا ہوگا۔ان کا کہنا تھا کہ ’فاٹا کو وسائل دینے ہی ہوں گے کیونکہ وہاں ہر چیز تباہ ہوچکی ہے، فاٹا کو خیبر پختونخوا میں ضم کرنے کے علاوہ اور کوئی بہتر راستہ نہیں ہے جبکہ فاٹا کے ضم ہونے سے دہشت گردی ختم ہوجائے گی۔عمران خان نے کہا کہ ’فاٹا کو ضم کرنا آسان نہیں ہوگا، فاٹا کے علیحدہ قوانین اور رسم و رواج ہیں اس لیے ضم کرنے کے عمل میں تھوڑا مسئلہ آئے گا، آپریشن ’ضرب عضب‘ ختم ہونے پر فاٹا اور خیبر پختونخوا کو ایک ہونا تھا لیکن اس میں تھوڑی تاخیر ہوئی۔‘واضح رہے کہ پشاور میں ججز کی گاڑی پر خودکش حملے کے نتیجے میں ڈرائیور جاں بحق جبکہ 4 افراد زخمی ہوئے تھے۔

کراچی (ویب ڈیسک ) تحریک انصاف کے چیئرمین عمران خان نے کہا ہے کہ ابھی شادی کے بارے میں سنجیدگی سے نہیں سوچا ساری توجہ پانامہ کیس پر ہے ۔بدھ کے روز صحافی کے شادی کے سوال پر عمران خان نے مسکراتے ہوئے جواب دیا کہ ابھی تک شادی کے بارے میں سوچا ہی نہیں کیونکہ پانامہ سے جان ہی نہیں چھوٹ رہی اس وقت میری ساری توجہ پانامہ کیس پر مرکوز ہے،پاناما کا معاملہ حل ہوگیا تو میری شادی کا بھی مسئلہ حل ہو جائیگا