اسلام آباد(ویب ڈیسک)مسلم لیگ (ن) کے رہنماﺅں نے کہا ہے کہ عمران خان کو صرف وہ اچھالگتا ہے جو ان کے اپنے مفاد میں ہو،عمران خان اور جہانگیرترین بقائمی ہوش وحواس اپنے جرائم کا اعتراف کرچکے ہیں،عمران خان نے اپنی ہی بیٹی کو شناخت دینے سے انکارکیا،2018میں الزام خان ناکام خان بن جائیں گے،تحریک انصاف والے نئے کاغذوں سے پرانے پکوڑے بیچنے کی کوشش کرر ہے ہیں۔منگل کو سپریم کورٹ کے باہر میڈیا سے گفتگو کرتے ہوئے مسلم لیگ (ن) کے رہنما دانیال عزیز نے کہاکہ رقوم کی ترسیل کی تمام تفصیلات عدالت میں جمع کرادی ہیں،تحریک انصاف کے وکلاءہرروز موقف تبدیل کرتے رہے،تحریک انصاف والے نئے کاغذوں میں پرانے پکوڑے بیچنے کی کوشش کر رہے ہیں،تحریک انصاف ماضی میں ختم ہونے والے مقدمات کے حوالے دے رہی ہے۔انہوں نے کہاکہ 2010میں کالادھن سفید کرنے کاقانون بناجس میں عمران خان کااعترافی بیان ہے،عمران خان کو صرف وہ اچھالگتاہے جوان کے اپنے مفاد میںہو،عمران خان اور جہانگیرترین بقائمی میں اپنے جرائم کااعتراف کرچکے ہیں،تحریک انصاف کو ان کااصل چہرہ دکھارہاہوں جس پر وہ حواس باختہ ہیں۔دانیال عزیز نے کہاکہ جہانگیر ترین نے تین سال میں اپنی اولاد سے647ملین کے تحائف کا لین دین کیا۔مسلم لیگ (ن) کی رہنما مائزہ حمید نے کہاکہ عمران خان نے اپنی ہی بیٹی کو شناخت دینے سے انکار کیا،عمران خان وزیراعظم کو اس لیے تنقید کا نشانہ بناتے ہیں کہ وہ اچھے کام کر رہے ہیں،2018میں الزام خان ناکام خان بن جائیں گے۔….

اسلام آباد(ویب ڈیسک) وزیرمملکت برائے اطلاعات مریم اورنگزیب نے کہا ہے کہ عمران خان نے 10 ماہ تک شور مچا کر ملک میں انتشار پھیلایا اور اب پاناما کو بھولنے کی بات کرتے ہیں لیکن ہم ان پر ہتک عزت کا دعویٰ کریں گے۔سپریم کورٹ کے باہرمیڈیا سے بات کرتے ہوئے وزیرمملکت برائے اطلاعات مریم اورنگزیب نے کہا کہ سپریم کورٹ میں عمران خان کو ایک بار پھر شرمندہ ہونا پڑا، آج تحریک انصاف کی جانب سے ایک نیا مو¿قف پیش کیا گیا اور کہا گیا کہ پاناما کیس کو بھول کر وزیراعظم نوازشریف کی تقریر کی بات کی جائے، اب آپ پاناما کو بھول جائیں لیکن ہم نہیں بھولیں گے،انہوں نے کہا کہ مریم اورنگزیب کا کہنا تھا کہ عمران خان نے 10 ماہ تک شور مچایا اور ملک میں انتشار پھیلایا اس کا جواب کون دے گا، پاناما کیس سے وزیراعظم کا کوئی تعلق نہیں، جھوٹی کہانی کو مزید جھوٹ بول کر پیش نہیں کیا جاسکتا عمران خان کو مایوسی ہوگی، ہم آپ کو پتلی گلی سے بھاگنے نہیں دیں گے، اور آپ پر ہتک عزت کا دعویٰ کریں گے،مریم اورنگزیب نے کہا ہے کہ خان صاحب کو ہمیشہ عدالتوں کے باہر عدالت لگانے کا شوق ہوتا ہے۔ تحریک انصآف کو آج پھر شرمندہ ہونا پڑا۔ عمران خان کو جھوٹ بولنے کی عادت پڑ گئی ہے۔ انہوں نے مزید کہا ہے کہ آج پی ٹی آئی نے ایک اور موقف دیا ہے۔ آج تحریک انصاف کا موقف تھا کہ پانامہ پیپرز کو ایک منٹ کے لئے بھول جائیں اور وزیراعظم کی پارلیمنٹ میں تقریر پر بات کریں۔طلال چوہدری کا کہنا تھا کہ میں عدالت میں ججز اور وکلا کے بجائے عمران خان کا چہرہ دیکھتا ہوں کیوں کہ ان کا چہرہ پاناما کیس کا تھرما میٹر ہے جیسے جیسے کیس چل رہا ہے عمران خان کا چہرہ لٹکتا جارہا ہے۔طلال چوہدری کا کہنا تھا کہ آپ وزیراعظم کو عدالت میں بلانا چاہتے ہیں کسی کی خواہش پر وزیراعظم کو عدالت میں طلب نہیں کیا جاسکتا نوازشریف تو خود آئینی اور عوام عدالت میں پیش ہونے پر فخر کرتے ہیں، عدالت جب عمران خان سے ثبوت مانگتی ہے تو وہ اچھل کود شروع کردیتے ہیں اور بغیر ثبوت کے ہی پریس کانفرنس کرتے رہتے ہیں عدالت ثبوت تلاش نہیں کرتی بلکہ ثبوت پر فیصلہ کرتی ہے، عمران خان کے پاس ثبوت نہیں صرف جھوٹ کا پلندہ ہے۔ عدالت ثبوت مانگتی ہے ،آنیاں جانیاں نہیں دیکھتی کبھی ملتان ، کبھی کراچی، کبھی کہیں جلسے کرتے ہیں پہلے ثبوت دیں۔ خان صاحب سے جب ثبوت مانگیں تو وہ پریس کانفرنس کرتے ہیں۔ طلال چوہدری نے کہا ہے کہ جیسے جیسے پانامہ لیکس کا کیس آگے چل رہا ہے عمران خان کا چہرہ لٹک رہا ہے۔ پانامہ لیکس کا تھرمامیٹر عمران خان کا چہرہ ہے۔ انہوں نے مزید کہا ہے کہ عدالت عظمیٰ کسی کی انا کی خاطر وزیراعظم کو عدالت طلب نہیں کر سکتی۔ تحریک انصاف والے ہر روز نئی کہانی لے کر آتے ہیں۔ انہیں پتہ ہے جھوٹ سے شرمندگی ہوگی۔ مگر شرم آپ کو آتی نہیں ،انوشے رحمان کا کہنا تھا کہ عمران خان اور ان کی جماعت جھوٹے الزامات لگانے میں ماہر ہے لیکن اب عمران خان کے تمام الزامات ایک ایک کرکے زمین بوس ہوتے جارہے ہیں،اور عدالت میں ان کے وکیل بھی بوکھلاہٹ کا شکار نظر آتے ہیں۔ انہوں نے کہا کہ عمران خان عدلات میں گپ شپ کرنے آتے ہیں اورتامک ٹوٹیاں مارتے ہیں۔عمران خان خود کنفیوژ اور تنازعات کا شکار ہیں وہ اور ان کی جماعت جھوٹے الزامات لگاتے ہیں جن کا کوئی ثبوت ان کے پاس موجود نہیں۔

اسلام آباد (ویب ڈیسک) عمران خان کہتے ہیں کہ جب تک نوازشریف سے احتساب شروع نہیں ہوتا انصاف نہیں ملے گا جب کہ پلی بارگین کا قانون بالکل غلط ہے یہ نہیں ہونا چاہیے اور چیرمین نیب کوفوری فارغ کردینا چاہیے، ہم نے خیبرپختونخوامیں جو احتساب کمیشن بنایا اس میں کوئی پلی بارگین نہیں ہے۔ انہوں نے کہا کہ مسلم لیگ (ن) الیکشن کمیشن میں کیس ہار جائے گی جب کہ پاناما کیس میں ہم کہہ رہے ہیں فیصلہ کریں لیکن (ن) لیگ کے وکیل مزید تاریخ مانگ رہے ہیں۔عمران خان کا کہنا تھا کہ میں نے 1983 میں فلیٹ لیا جو کبھی نہیں چھپایا لیکن نوازشریف نے مے فیئر کے فلیٹس چھپانے کے لیے جھوٹ بولا جب کہ زمین لینے میں ہم نے کون سا قانون توڑا ہے، میں تو حلال کی کمائی باہر سے پاکستان لے کر آیا ہوں۔ انہوں نے کہا کہ وفاق خیبرپختونخوا حکومت کو ناکام کرنا چاہتا ہے کیوں کہ ڈھائی سال سے ریلوے ٹریک بنانے کی اجازت نہیں مل رہی جب کہ مولانا صاحب کے بارے میں وکی لیکس نے صحیح انکشاف کیا تھا، وہ کہتے رہے کہ انہیں وزیراعظم بنا دیں۔