کنگسٹن (ویب ڈیسک)پاکستان اور ویسٹ انڈیز کے درمیان ٹیسٹ سیریز کا آغاز آج سے ہو گا،مصباح الحق اور یونس خان اپنی آخری ٹیسٹ سیریز میں توجہ کا مرکز ہوں گے۔تفصیلات کے مطابق نئی سیریز،نیا میدان، آمنے سامنے ویسٹ انڈیز اور پاکستان۔ کنگسٹن کا تاریخی سبینا پارک اسٹیڈیم پچاسویں ٹیسٹ میچ کی میزبانی کرے گا۔مصباح الحق اور یونس خان اپنی آخری ٹیسٹ سیریز میں توجہ کا مرکز ہوں گےمصباح کے پاس تاریخ رقم کرنے کا سنہری موقع ہے کپتان سیریز جیت کر ایک اور اعزاز اپنے نام کرسکتے ہیں۔دونوں ٹیمیں اب تک سولہ ٹیسٹ سیریز میں آمنے سامنے ہوئیں اورپانچ پانچ سیریز اپنے نام کر کے ہم پلہ ہیں لیکن یہ بھی حقیقت ہے کہ قومی ٹیم ابھی تک ویسٹ انڈین سرزمین پر کوئی سیریز نہیں جیت سکی۔ اہم سیریز سے پہلے قومی ٹیم نے خوب پریکٹس کرکے عزائم ظاہر کر دیئے۔گرین کیپس کو موجودہ پوزیشن برقرار رکھنے کے لیے کم ازکم ایک صفر سے فتح درکار ہےشکست کی صورت میں پاکستان کو کیویز کی جگہ پر چھٹی پوزیشن پر جانا ہوگا وائٹ واش ناکامی ساتویں نمبر پر بھی دھکیل سکتی ہے۔
