اسلام آباد(ویب ڈیسک)ملک کے بیشتر علاقوں میں موسم گرم اور خشک ہے جب کہ محکمہ موسمیات نے اتوار سے منگل کے دوران میدانی علاقوں میں شدید گرمی پڑنے کی پیش گوئی کی ہے۔محکمہ موسمیات کے حکام کے مطابق ملک کے بیشتر حصوں میں آئندہ 24 گھنٹوں کے دوران موسم گرم اور خشک رہنے کا امکان ہے جب کہ نصیر آباد، مکران، سبی، سکھر، بینظیر آباد، لاڑکانہ، حیدر آباد، ملتان، بہاولپور، ساہیوال، ڈی جی خان، ڈی آئی خان اور فیصل آباد ڈویڑن میں شدید گرمی پڑے گی۔گذشتہ روز سب سے زیادہ گرمی جیک آباد، لاڑکانہ،سکھر، تربت، رحیم یار خان اور پڈعیدن میں ریکارڈ کی گئی جہاں درجہ حرارت 46 ڈگری سینٹی گریڈ رہا۔

اسلام آباد(نیوز ڈیسک)ملک کے بیشتر علاقوں میں موسم سرد اور خشک رہے گا۔ پنجاب کے میدانی علاقوں میں ہلکی دھند پڑنے کا امکان ہے۔محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا۔ پنجاب کے میدانی علاقوں میں صبح کے اوقات میں ہلکی دھند پڑنے کا امکان ہے۔ گذشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا۔ سب سے زیادہ سردی اسکردو میں پڑی،جہاں درجہ حرارت منفی چھ ڈگری تک گرگیا۔ قلات میں منفی چار، ہنزہ منفی تین، استور، کالام، گلگت اور کوئٹہ میں منفی ایک ڈگری سینٹی گریڈ ریکارڈ کیا گیا۔