واشنگٹن (اے پی پی) امریکی صدر براک اوباما نے تمام ڈیموکریٹ جماعت کے حامیوں سے کہا ہے کہ وہ الیکشن میں بھرپور حصہ لیں اور متنبہ کیا کہ امریکا اور دنیا کی قسمت داو¿ پر ہے۔برطانوی نشریاتی ادارے کے مطابق صدر اوباما نے یہ بات جنوبی کیرولائنا میں ایک ریلی سے خطاب کرتے ہوئے کہی۔انھوں نے رپبلیکن جماعت کے صدارتی امیدوار ڈونلڈ ٹرمپ کے بارے میں کہا کہ وہ جدوجہد کے بعد حاصل کی گئی سول لبرٹی، امریکا اور دنیا کے لیے خطرہ ہیں۔اوباما نے کہا کہ امریکا کی قسمت کی ذمہ داری آپ لوگوں کے کندھوں پر ہے۔ دنیا کی قسمت لڑکھڑا رہی ہے اور آپ لوگ ہی ہیں جو اس بات کو یقینی بنا سکتے ہیں کہ اس سہارا دیا جائے۔دوسری جانب ڈونلڈ ٹرمپ نے کہا کہ صدر اوباما کو ہلیری کلنٹن کی مہم چلانا بند کرنا چاہیے اور ملک کو چلانے پر توجہ دیں۔ ٹرمپ نے کہا اصل بات یہ ہے کہ کوئی بھی اوباما کے مزید چار سال نہیں چاہتا۔
باقی صفحہ13بقیہ نمبر
