کراچی (بی این پی)ماضی کے نامور کھلاڑی محسن خان کا کہنا ہے کہ پی سی بی ماضی کی روایت کو برقرار رکھتے ہوئے باصلاحیت کھلاڑیوں کو ضائع کر کے ان کے کیریئرز کو تباہ کر رہا ہے۔شارجہ ٹیسٹ میں پاکستان کی کارکردگی کو اوسط درجے کا قرار دیتے ہوئے محسن خان کا کہنا تھا کہ نیوزی لینڈ کیخلاف ٹیسٹ سیریز سے قبل موثر کامبی نیشن بنانے کا سنہری موقع بھی گنوا دیا گیا کیونکہ احمد شہزاد جیسے باصلاحیت کھلاڑی کو ضائع کیا جا رہا ہے اور یہی سلوک خرم منظور اور شان مسعود کے ساتھ روا رکھا گیا جو پاکستانی ٹیم میں جگہ نہیں بنا سکے۔ انہوں نے کہا کہ عماد وسیم، بابراعظم اور خالد لطیف کی صلاحیتیں بھی کسی کام نہیں آ رہیں خاص کر عماد وسیم جیسے قدرتی آل راو¿نڈر کو نظر انداز کرنا سمجھ سے باہر ہے جو تینوں فارمیٹس میں پاکستان کیلئے ٹرمپ کارڈ ثابت ہوسکتا ہے لیکن اسے بھی مواقع سے محروم کر کے مختصر فارمیٹس تک محدود کر دیا گیا ہے۔ سابق اوپنر کا کہنا تھا کہ ویسٹ انڈیز اپنے پانچ اہم کھلاڑیوں کی عدم موجودگی میں کمزور ٹیم تھی لیکن اسے بھی ایک ٹیسٹ جیتنے کا موقع فراہم کر دیا گیا۔
