نیلسن(بی این پی)نیشنل سلیکٹر گیون لارسن کا کہنا ہے کہ پلنکٹ شیلڈ میں اچھی کارکردگی پیش کرنےوالے کھلاڑیوں کی اہلیت کا اندازہ پاکستانی ٹیم کیخلاف کھیلنے سے ہوجائےگا۔ لارسن کا کہنا ہے کہ کھلاڑی بہترین صلاحیتوں کےساتھ بلیک کیپس الیون میں جگہ بنا سکیں گے۔ان کا کہنا تھا کہ وہ ان کھلاڑیوں کی رواں سال پلنکٹ شیلڈ مقابلوں میں کارکردگی دیکھ کر متاثر ہوئے ہیں اور ان کیلئے پرجوش موقع ہے کہ وہ معیاری پاکستانی ٹیم کیخلاف کھیلنے کے موقع سے فائدہ اٹھائیں کیونکہ ان کی اہلیت کا درست اندازہ اسی وقت ہو سکے گا کہ وہ انٹرنیشنل کرکٹ کے لحاظ سے کہاں کھڑے ہیں البتہ امید ہے کہ یہ قدم ان کھلاڑیوں کی ترقی کے حوالے سے انتہائی اہم ثابت ہوگا۔
