نئی دہلی(آئی این پی) بھارتی آل راﺅنڈر یوراج سنگھ اور بالی ووڈ اداکارہ ہیزل کیچ کی شادی رواں ماہ کے آخر میں ہوگی، انھوں نے اس سال اپریل میں بالی میں منگنی کی تھی۔شادی کیلئے خصوصی کارڈ تیار کیے گئے ہیں جب کہ مہمانوں کو مدعو کرنے کا بھی منفرد طریقہ اختیار کیا گیا ہے۔، دونوں کی شادی کو یوراج ہیزل پریمیئر لیگ قرار دیا جارہا ہے چونکہ یوراج کی فیملی کا تعلق پنجاب اور ہیزل کی والدہ میراٹھی ہندو ہیں اس لیے شادی بھی دو الگ الگ طریقوں سے ہوگی۔30نومبر کو چندی گڑھ کے گردوارے میں شادی کی تقریب منعقد ہوگی جب کہ دو دسمبر کو ہندو مذہب کے تحت دونوں شادی کریں گے، سنگیت اور رسپشن دہلی میں بالترتیب 5 اور7 دسمبر کو ہوگا۔
