اسلام آباد (مانیٹرنگ ڈیسک) سیکرٹری وزارت دفاع کی جانب سے نئی عسکری قیادت کے تقرر کیلئے سمری وزیراعظم نواز شریف کو بھجوا دی گئی ہے۔ نجی ٹی وی کے مطابق چیئرمین جوائنٹ چیفس آف سٹاف کمیٹی اور آرمی چیف کی تقرری کیلئے سفارش کردہ ناموں کی فہرست کی سمری وزیراعظم کو بھجوا دی گئی ہے۔ بھجوائی گئی سمری میں لیفٹیننٹ جنرل جاوید اقبال رمدے، لیفٹیننٹ جنرل اشفاق ندیم، لیفٹیننٹ جنرل زبیر محمود حیات، لیفٹیننٹ جنرل قمر جاوید باجوہ اور چار سینئر ترین فوجی افسران کے نام شامل ہیں۔
