اسلام آباد (مانیٹرنگ ڈیسک) مہمند ایجنسی میں صبح سویرے 4دہشت گردوں کا مہمند رائفلز کیمپ پر حملہ‘ فورسز کا جوابی ایکشن‘ 4دہشت گرد موقع پر مارے گئے۔ مقابلے کے دوران دہشت گردوں کی فورسز پر فائرنگ کے نتیجہ میں ایف سی کے 2اہلکار شہید ہو گئے۔ سرکاری ذرائع کے مطابق مہمند ایجنسی غلنئی کے علاقہ میں مہمند رائفلز کیمپ پر آج صبح نماز فجر کے وقت 4دہشت گردوں نے حملہ کردیا جس کے نتیجہ میں دہشت گردوں کے ساتھ مقابلہ میں 2ایف سی اہلکار شہید ہو گئے۔ فورسز نے دہشت گردوں کو بھاگنے کا موقع نہ دیا اور چاروں دہشت گرد مارے گئے۔ دہشت گردوں سے بھاری اسلحہ برآمد۔ دہشت گردوں کے مزید ساتھی فرار‘ فورسز کا علاقے میں سرچ آپریشن کا سلسلہ جاری ہے۔ کرفیو نافذ کر کے دہشت گردوں کی تلاش کا سلسلہ جاری ہے۔
حملہ
