پاکستان کرکٹ بوڈ نے آسٹریلیا کے خلاف ٹیسٹ سیریز کے لیے 16 رکنی ٹیم کا اعلان کردیا تاہم ٹیم میں کوئی تبدیلی نہیں کی گئی ہے اور دورہ آسٹریلیا میں نیوزی لینڈ کے خلاف موجودہ اسکواڈ کو برقرار رکھنے کا فیصلہ کیا گیا ہے جب کہ ٹیم کی قیادت مصباح الحق ہی کریں گے۔پاکستان آسٹریلیا کے خلاف 3 ٹیسٹ میچوں کی سیریز کھیلے گا جو برسبن، میلبرن اور ایڈیلیڈ میں کھیلے جائیں گے جب کہ ٹیسٹ سیریز کا آغاز 15 دسمبر سے برسبن میں ہو گا۔16 رکنی ٹیم میں کپتان مصباح الحق، نائب کپتان اظہر علی، یونس خان، سمیع اسلم، شرجیل خان، اسد شفیق، بابر اعظم، سرفراز احمد، محمد رضوان، یاسر شاہ، محمد نواز، محمد عامر وہاب ریاض اور راحت علی شامل ہیں۔
