خانیوال(خصوصی رپورٹ)خانیوال میں لڑکی نے مبینہ طور پر تنگ کرنے پر لڑکے پر کھولتا ہوا گھی پھینک دیا، لڑکے کا چہرہ بری طرح جھلس گیا۔ تفصیل کے مطابق واقعہ خانیوال کے نواحی علاقے 87ٹین آر میں پیش آیا جہاں مبینہ طور پر 20سالہ لڑکی نے اپنے ہمسائے لڑکے پر کھولتا ہوا گھی پھینک دیا۔لڑکی نے پولیس کو بیان دیا کہ لڑکا اسے روزانہ تنگ کرتا تھا گزشتہ روز اس نے گھر میں داخل ہونے کی کوشش کی اور ناکامی پر گھر کے باہر بیٹھ گیا اور گانا گا رہا تھا۔میں نے گھی گرم کیا اور کھولتا ہوا گھی لڑکے پر پھینک دیا۔ پولیس نے لڑکی کو گرفتار کرلیا ہے۔
