کراچی (مانیٹرنگ ڈیسک) سابق آرمی چیف جنرل راحیل شریف کی ریٹائرمنٹ کیخلاف بھوک ہڑتال کرنیوالے لطیف شبلی چل بسے، بیٹے کا دعویٰ ہے کہ ان کے والد نے زہر کھا کر خودکشی کرلی۔ کراچی پریس کلب پر ایک ماہ سے سابق آرمی چیف جنرل راحیل شریف کی ریٹائرمنٹ کیخلاف بھوک ہڑتال کرنیوالے لطیف شبلی دنیا میں نہ رہے۔ لطیف شبلی کے بیٹے کا کہنا ہے کہ ان کے والد نے زہر کھا کر موت کو گلے لگایا۔ واضح رہے کہ جنرل ریٹائرڈ راحیل شریف نے آرمی چیف کے عہدے کی مدت میں توسیع نہ لینے کا اعلان کیا تھا، 29 نومبر کو ایک پروقار تقریب میں انہوں نے فوج کی کمان نئے آرمی چیف قمر جاوید باجوہ کے حوالے کی۔ جس پر دلبرداشتہ ہو کر اس نے زہر کھا لیا۔ اسے ہسپتال منتقل کیا گیا جہاں وہ گزشتہ روز جانبر نہ ہو سکا اور انتقال کر گیا۔
