اسلام آباد(ویب ڈیسک) وزیراعظم نے جنید جمشید کے بیٹے تیمور کو فون کرکے طیارہ حادثے میں والد کے انتقال پر تعزیت کی، ان کا کہنا تھا کہ پوری قوم واقعے پر سوگوار ہے، میاں نواز شریف ے ڈی سی چترال کے والد کو بھی ٹیلی فون کیا۔وزیراعظم نواز شریف نے معروف نعت خواں جنید جمیشد کی طیارہ حادثے میں شہادت پر ان کے بیٹے تیمور جمشید کو ٹیلی فون کرکے تعزیت کی۔وزیراعظم نے دکھ اور افسوس کا اظہار کرتے ہوئے کہا کہ طیارہ حادثے پر پوری قوم سوگوار ہے، واقعے کی مکمل تحقیقات کی جائیں گی۔وزیراعظم نے ڈی سی چترال کے والد کو ٹیلیفون کیا اور اسامہ وڑائچ، اہلیہ اور بچی کی وفات پر دکھ و افسوس کا اظہار کیا۔گزشتہ روز چترال سے اسلام آباد جانیوالے طیارے کے حادثے میں جنید جمشید، ڈی سی چترال سمیت 47 افراد شہید ہوگئے تھے۔
