لاہور (مانیٹرنگ ڈیسک)اداکارہ و ماڈل لائبہ خان نیازی نے چیئرمین پیپلز پارٹی بلاول بھٹو زرداری سے شادی کی خواہش کا اظہار کردیا۔ اداکارہ لائبہ خان نیازی نے این این آئی سے خصوصی گفتگو کرتے ہوئے کہا کہ مجھے بلاول بھٹو زرداری نے بے حد متاثر کیا ہے اور ان میں ایک بڑے لیڈر کی تمام خوبیاں موجود ہیں ،میں ان سے بڑی متاثر ہوں اور میری خواہش ہے کہ میں بلاول بھٹو کی شریک حیات بنوں۔انہوں نے کہا کہ بلاول بھٹو سے شادی کرنے کے بعد میں شوبز سے مکمل کنارہ کشی اختیار کرکے صرف گھریلو امور کی طرف توجہ دوں گی اور اگر بلاول اجازت دیں گے تو سیاست میں بھی آسکتی ہوں۔ انہوں نے ایک سوال کے جواب میں کہا کہ حمزہ شہباز بھی خوبصورت ہیں مگر وہ پہلے سے شادی شدہ ہیں اور ویسے بھی مجھے بلاول بھٹو سے ہی جنون کی حد تک محبت ہے اور میں ان سے ہی شادی کی خواہش مند ہوں۔ انہوں نے ایک سوال کے جواب میں کہا کہ جب میں بلاول سے شادی کرلوں گی تو آصف علی زرداری بھی مجھے تسلیم کرلیں گے۔
