ایڈیلیڈ (اے پی پی) سڈنی سکسرز کے فاسٹ باﺅلر شان ایبٹ نے بگ بیش ٹی ٹونٹی کرکٹ لیگ کی تاریخ میں بہترین باﺅلنگ کا نیا ریکارڈ قائم کر دیا، ایبٹ نے 16 رنز کے عوض 5 وکٹیں لیکر یہ سنگ میل عبور کیا، انہوں نے بگ بیش میں بہترین باﺅلنگ کا نیتھن لیون کا ریکارڈ توڑ دیا ۔جنہوں نے 2015ءمیں منعقدہ بگ بیش کے ایک میچ میں 23 رنز دے کر 5 وکٹیں لی تھیں۔ ہفتہ کو ایڈیلیڈ سٹرائیکرز کے خلاف کھیلے گئے میچ میں شان ایبٹ نے انتہائی تباہ کن باﺅلنگ کا مظاہرہ کیا، انہوں نے 4 اوورز میں 16 رنز دے کر 5 کھلاڑیوں کو پویلین کی راہ دکھائی جو کہ بگ بیش تاریخ میں بہترین باﺅلنگ کا نیا ریکارڈ ہے۔
