لاہور(کلچرل رپورٹر) ڈائریکٹر عدیل پی کے اپنی فلم”جنگ“تیزی سے مکمل کرنے میں مصروف ہیں جس کی شوٹنگ نوے فیصد سے زائد مکمل ہوگئی ہے۔عدیل پی کے فلمی صنعت اور شائقین کو سرپرائز دینے کے لئے اپنی اس فلم میں اداکارہ زاراشیخ کو آئٹم گرل کے طور پر کاسٹ کیا ہے جنہوں نے آئٹم سانگ کےساتھ ساتھ ایک چھوٹاساکرداربھی اداکیا ہے۔اس فلم کی زیادہ تر شوٹنگ اندورن لاہورکی گئی جبکہ اب اس کا ایک سپیل کراچی میں کیا جائے گا۔ عدیل پی کے کی ڈائریکشن میں بننے والی فلم”جنگ“میں عمران بخاری لیڈ رول کررہے ہیں ۔جبکہ دیگرکاسٹ میں شازیہ شاہ،سفیر،مصطفےٰ کاظمی اور صائمہ سلیم شامل ہیں۔ ذرائع نے بتایا ہے کہ عدیل پی کے اس فلم کو جلد ریلیز کرنے کا ارادہ رکھتے ہیں۔ زاراشیخ پر پکچرائز ہونےو الے آئٹم سانگ کی شوٹنگ بھی چندروزپہلے مکمل کرلی گئی ہے۔
