ممبئی(شوبز ڈیسک)پاکستانی اداکارہ ماہرہ خان کے بھارت سے متعلق دیئے گئے پرانے بیان کی ویڈیو ایک بارسامنے آ گئی ہے جس میں اداکارہ نے بالی ووڈ پر خوب تنقید کی ہے جبکہ اب اداکارہ خود بالی ووڈ میں شارخ خان کے ساتھ فلم کر چکی ہیں جو کہ جلد ہی ریلز ہونے والی ہے۔تفصیلات کے مطابق بھارت میں اڑی حملے کے بعد انتہا پسند ہندوں نے پاکستانی فنکاروں کے خلاف زہر اگلنا شروع کر دیا تھا جبکہ فواد خان کی فلم اے دل ہے مشکل کو ریلیز کرنے کیخلاف بھی احتجاج اور دھمکیاں دینے کا سلسلہ شروع کر دیا تھا اور پاکستانی فنکاروں کو ملک سے نکل جانے سے متعلق بھی دھمکیاں دی گئیں ۔یہ ویڈیو 2011 میں ہونے والے ٹی وی شو کی ہے جس میں ماہرہ کا کہنا تھا کہ ہمیں بھارت سے بالکل بھی متاثر نہیں ہونا چاہیے ۔
