سڈنی(آئی این پی)قومی ٹیم کے کپتان مصباح الحق نے تین ٹیسٹ میچوں کی سریز میں اپنے کیرئیر کی سب سے کم اوسط سکور بنانے کا ریکارڈ بنا لیا ،اس سریز میں انہوں نے 7.60ایوریج سے سکور کیا۔ تفصیل کے مطابق آسٹریلیا کے ساتھ جاری تین میچوں کی ٹیسٹ سریز میں مصبا ح الحق نے پہلے میچ کی ایک اننگز میں 4جبکہ دوسری اننگز میں 5سکور کیے ،دوسرے میچ کی پہلی اننگز میں 11جبکہ دوسری اننگز میں 0سکور پر پویلین لوٹے جبکہ تیسرے میچ کی پہلی اننگز میں وہ صرف 18رنز بنا کر پویلین لوٹ گئے۔اس طرح انہوں نے اب تک 7.60کی اوریج سے سکور کیا ہے۔مصباح الحق کی گزشتہ کم ترین اوریج 11.50تھی اور یہ کارکردگی بھی 2002-3میں آسٹریلیا ہی کے خلاف تھی۔
