اسلام آباد (مانیٹرنگ ڈیسک) حکومت نے نیوز گیٹ اسکینڈل سے سبق سیکھ لیا، اب ساری سرکاری کارروائیاں خفیہ رکھی جائیں گی، وزیر اعظم کی ہدایت پر وفاقی حکومت کا کڑا منصوبہ تیار کرلیا۔ واٹس ایپ اور ای میل کے ذریعے معلومات کے تبادلے پر پابندی عائد کردی گئی ہے، دوسری جانب کابینہ سیکرٹری نے تمام وزارتوں اور محکموں کو ہدایات جاری کر دیں۔ نیوز گیٹ کی حکومت کو محتاط طرزعمل کی سوجھی اور آئندہ اہم ملاقاتوں کی کوئی بات لیک نہیں ہو سکے اس وجہ سے وزیراعظم کی ہدایت پر معلومات کو خفیہ رکھنے کا لیک پروف منصوبہ سامنے ا?گیا۔ کیبنٹ سیکرٹری کی جانب سے تمام وزارتوں اور محکموں کو بھجوائے جانے والے مراسلے کے بعد کلاسیفائڈ انفارمیشن کو خفیہ رکھنے کے نئے ایس او پیز پر عمل شروع کر دیا گیا۔ میڈیا کو حساس معلومات سے دور رکھنے کا خصوصی حکم بھی دیا گیا ہے۔ منصوبے کے تحت سرکاری حکام پر واٹس ایپ اور ای میل کے ذریعے معلومات کے تبادلے پر پابندی عائد کردی گئی ہے۔ احکامات کو ہوا میں اڑانے والوں کے خلاف سخت ایکشن لیا جائے گا۔
