نیویارک (شوبز ڈیسک ) اینیمیٹڈ فلم دی ریڈ ٹرٹل کا ٹریلر جاری کر دیا گیا ، فلم کی خاص بات یہ ہے کہ اس میں کوئی ڈائیلاگ نہیں ، فلم دی ریڈ ٹرٹل ایک شخص کی کہانی ہے جو سمندر میں طوفان کے باعث ایک ایسے جزیرے میں جا پہنچتا ہے جہاں کیکڑے اور کچھوے رہتے ہیں ۔ وہ بانسوں سے کشتی بنا کر جزیرے سے نکلنے کی کوشش کرتا ہے لیکن ایک دیو قامت سرخ کچھوا اس کی کوشش ناکام بنا دیتا ہے ۔ پھر کچھوا اس کے ہاتھ آ جاتا ہے اور وہ اسے مار ڈالتا ہے ۔ وہ حیران رہ جاتا ہے جب کچھوے کے خول سے ایک لڑکی نمودار ہوتی ہے اور زندگی اپنا راستہ خود تلاش کر لیتی ہے ۔ فلم بیس جنوری کو نمائش کے لئے پیش کی جائے گی ۔
