ایڈیلیڈ ( آن لائن ) بابر اعظم آسٹریلیا کے خلاف ان کی سرزمین پر 35 سال بعد سنچری بنانے والے پاکستانی بیٹسمین بن گئے ہیں۔بابر اعظم نے جوش ہیزل ووڈ کی گیند پر ٹریوس ہیڈ کا کیچ بننے سے قبل 109 گیندوں کا سامنا کرتے ہوئے 7 چوکوں اور ایک چھکے کی مدد سے 100 رنز اسکور کیے۔ یہ بابر اعظم کی ون ڈے انٹرنیشنلز میں چوتھی سنچری ہے، وہ 23میچز میں 6 ففٹیز سمیت 1168 رنز سکور کر چکے ہیں۔اس سے قبل پاکستان کی جانب سے ظہیر عباس نے دسمبر 1981 میں آسٹریلیا کے خلاف سڈنی میں 108 رنز کی اننگز کھیلی تھی اور میچ میں پاکستان نے 6 وکٹ سے کامیابی حاصل کی تھی.
