واشنگٹن(ویب ڈیسک )میکسیکو کے صدر انریکے پینا نیٹو نے اپنا طے شدہ دورہ امریکا منسوخ کر دیا ہے۔ انہوں نے اس دوران واشنگٹن میں اپنے امریکی ہم منصب ڈونلڈ ٹرمپ سے ملاقات کرنا تھی۔ میڈیارپورٹس کے مطابق قبل ٹرمپ کی طرف سے ایک ٹویٹ میں کہا گیا کہ اگر میکسیکو کی حکومت سرحدی دیوار کی تعمیر کے لیے رقوم ادا نہیں کرے گی تو میکسیکو کے صدر کو امریکا کا دورہ منسوخ کر دینا چاہیے۔ اس پیشرفت پر ٹرمپ نے کہا کہ میکسیکو کی درآمدات پر بیس فیصد ٹیکس عائد کیا جائے گا، تاکہ دیوار کی تعمیر کا خرچہ اٹھایا جا سکے۔ ٹرمپ کا کہنا تھا کہ امریکا کے شمالی بارڈر سے غیر قانونی مہاجرین آتے ہیں، اس لیے میکسیکو اور امریکا کے مابین اس مقام پر ایک دیوار قائم کی جانا چاہیے۔
