لاہور (خصوصی رپورٹ) صوبے میں غریب لوگوں سے دو سے تین لاکھ روپے میں گردہ خرید کر ملکی و غیر ملکی مریضوں کو مالی حیثیت کے مطابق 20سے 90لاکھ تک فروخت کرنے کا انکشاف ہوا ہے۔ یہ بات حکمران جماعت کی خاتون رکن اسمبلی نگہت شیخ کی طرف سے ایوان میں پڑھی گئی تحریک التوائے کار میں بتائی گئی۔ مزید کہا گیا ہے کہ رشتہ دار نہ ہونے کے باعث ان ڈونر کو کو باقاعدہ بیان حلفی کے ساتھ عدالت میں پیش کیا جاتا ہے جس میں ان سے کہلوایا جاتا ہے کہ وہ اپنی مرضی سے اپنا گردہ عطیہ کر رہے ہیں۔ یہ کاروبار راولپنڈی، لاہور اور اسلام آباد میں ہسپتالوں کے ساتھ بے شمار خفیہ مقامات پر بھی ہو رہا ہے۔ ہیومن آرگن ٹرانسپلانٹیشن اتھارٹیکی کوئی بہتر کارکردگی سامنے نہیںآئی ہے۔ کویت لیبیا اور سعودی عریبیہ سے آئے ہوئے مریضوں کو یہاں سے گردے لگائے جارہے ہیں اور ان امیر مریضوں سے ایک لاکھ ڈالر تک لیا جا رہا ہے اور یہ دھندہ کرائے پر لی گئی بری بڑی کوٹھیوں میں جاری و ساری ہے۔ ایک المیہ یہ بھی ہے کہ ایسے کچھ کیسز جو 2013ءسے 2016ءکے درمیان پولیس تک پہنچے بھی ان میں صرف 2کی تفتیش ہو سکی کیونکہ اس مکروہ کاروبار کی جڑیں بہت دور تک ہیں اور اس میں ملوث لوگ اثر و رسوخ بھی رکھتے ہیں ۔ اتھارٹی کی ایک ٹیم پولیس کی معیت میں السید ہسپتال راولپنڈی گئی جو اس کاروبار میں مشہور ہے لیکن عملہ نے اس ٹیم کو کوئی بھی معلومات نہ دیں اور یہ کہہ کر ان کو جانے پر مجبور کر دیا کہ ان کا کمپیوٹر سسٹم ڈاﺅن ہو گیا ہے ۔ جبکہ صرف اس خفیہ ہسپتال میں 7آپریشن تھیٹرز ہیں اور ایسے تمام آپریشنز رات کو کئے جاتے ہیں ۔اتھارٹی پنجاب کے سربراہ ڈاکٹر فیصل مسعود نے کہا کہ وہ صرف شکایت ہونے پر ہی کچھ کاررووائی کر سکتے ہیں لیکن غربت اور افلاس کے مارے ہوئے لوگ جس طرح اپنے گردے بیچ رہے ہیں کی ضروریات ، سود اور بیماریوں سے منسلک ہیں کی ہنگامی بنیادوں پر مدد کی جائے اور گردوں کی پیوند کاری صرف ( Accident) کیسز یا قریبی رشتہ داروں تک محدود کر دی جائے ۔ متعلقہ وزیر اور پارلیمانی سیکرٹری کی عدم موجودگی کے باعث اس تحریک کو ملتوی کر دیا گیا۔

اسلام آباد(آئی این پی )سپریم کورٹ نے ملک بھرکے یوٹیلیٹی اسٹورز پرگھی اور تیل کی فروخت روکنے کا حکم دیتے ہوئے کوالٹی رپورٹ 10 دن میں جمع کرانے کی ہدایت کی ۔ منگل کو سپریم کورٹ میں چیف جسٹس ثاقب نثار کی سربراہی میں تین رکنی بنچ نے غیرمعیاری گھی اورتیل کی فروخت کے خلاف ازخود نوٹس کی سماعت کی۔ سماعت کے دوران یوٹیلٹی اسٹورزکے وکیل مصطفی رمدے نے گھی اور تیل کی رپورٹ جمع کرائی جس پر چیف جسٹس نے ریمارکس میں کہا کہ رپورٹس والی تھیوری نہیں ۔عدالت کو زمینی حقائق بتائیے، ہمیں اپنے اداروں پر بھروسہ ہے مگرانسانی حقوق کی خلاف ورزی برداشت نہیں کریں گے، کوالٹی کنٹرول کی رپورٹ آنے کے بعد یوٹیلٹی اسٹورز پر دستیاب گھی اور تیل سے متعلق فیصلہ کریں گے۔چیف جسٹس نے اپنے ریمارکس میں کہا کہ غیرمعیاری گھی سے بچوں میں دل کے امراض میں اضافہ ہورہا ہے اور یہ بات انہیں ڈاکٹرز کے وفد نے ملاقات کے دوران بتائی، سنا ہے کہ چینی نمک بھی انسانی صحت کے لئے شدید نقصان دہ ہے، اس کے استعمال سے دل کے امراض اور بلڈ پریشرسمیت الرجی میں اضافہ ہوا ہے۔ پاکستان کوالٹی کنٹرول ریسرچ چینی نمک کے بارے میں بھی رپورٹ جمع کرائے۔ ٹیٹرا پیک ، پلاسٹک پاو¿چ اور پلاسٹک کی پانی کی بوتلوں پر بھی نوٹس لیں گے، یہ پلاسٹک کی بوتلیں دھوپ میں پڑی رہتی ہیں تو وہ مضر صحت ہو جاتی ہیں۔ سماعت کے دوران جسٹس مقبول باقرنے سوال کیا کہ یوٹیلٹی اسٹورز پرغیر معیاری برانڈز کیوں فروخت کئے جارہے ہیں، سنی بناسپتی، انمول گھی، شمع تیل اور راج بناسپتی کہاں فروخت ہوتے ہیں جس پروکیل مصطفی رمدے نے جواب دیا کہ چھوٹے شہروں میں انہی برانڈز کے گھی اور تیل فروخت ہوتے ہیں۔ عدالت نے ملک بھرمیں تمام برانڈز کے گھی اورتیل کی کوالٹی رپورٹ 10 دن میں جمع کرانے اورٹیسٹنگ لیبارٹریزکی موجودگی اوراستطاعت کے بارے بھی رپورٹ پیش کرنے کا حکم دیا۔

لاہور(اپنے سٹاف رپورٹر سے)وزیراعلیٰ پنجاب محمد شہباز شریف سے ترکی کے وزیر اعظم کے مشیر کامل کولپاس(Mr. Kamil Kolabas)نے ملاقات کی جس میں باہمی دلچسپی کے امور ، ہےلتھ کےئر،سکل ڈویلپمنٹ اور مختلف شعبوں میں تعاون بڑھانے کے حوالے سے بات چیت ہوئی- وزیر اعلی شہباز شریف نے اس موقع پر گفتگو کرتے ہوئے کہا کہ پاکستان اور ترکی کے عوام کے دل ایک ساتھ دھڑکتے ہیں اورترکی نے مشکل کی ہر گھڑی میںپاکستان کا بھرپور ساتھ دیا ہے – ترک صدر رجب طیب اردوان کی قیادت میں ترکی نے چند برس کے دوران بے مثال ترقی کی ہے – ترک عوام اپنے محبوب قائد رجب طیب اردوان سے والہانہ محبت کرتے ہیں – انہوں نے کہا کہ ترکی کی متعدد کمپنےاں پاکستان خصوصاً پنجاب مےں مختلف شعبوں مےں سرماےہ کاری کررہی ہےں ،اسی طرح ترکش کوآپریشن اینڈ کوارڈینیشن ایجنسی (TIKA)کی جانب سے پنجاب حکومت کےساتھ ہےلتھ کےئر سسٹم کی بہتری اور سکل ڈویلپمنٹ کے شعبے میں تعاون لائق تحسین ہے – وزیراعلیٰ نے کہا کہ رجب طیب اردوان گورنمنٹ آف پنجاب ہسپتال مظفرگڑھ کی توسیع کے منصوبے پرکام کا آغاز کردےا گےاہے اورتوسےع کے بعد ہسپتال مےں بستروں کی تعداد 250تک ہوجائے گی جبکہ بعد مےںمزےد بستروں کااضافہ کرکے ہسپتال کو500بےڈزتک بڑھاےا جائے گااوراسے ٹےچنگ ہسپتال بنائےں گے۔انہوںنے کہا کہ ہسپتال میں مریضوں کوعلاج معالجے کی جدید سہولتیں فراہم کی جا رہی ہیں اوریہ ہسپتال علاج معالجے، احساس ذ مہ داری، درد دل رکھنے، دکھی انسانیت کی خدمت اور مینجمنٹ کے حوالے سے پاکستان بھر کے ہسپتالوں میں سے بہترین ہسپتال ہے جہاںجنوبی پنجاب کے علاوہ بلوچستان اورسندھ سے بھی لوگ یہاں علاج معالجے کیلئے آتے ہیں۔ وزےراعلیٰ نے ترک وفد سے بات چےت کرتے ہوئے کہاکہ انہیں رجب طیب اردوان ہسپتال مظفرگڑھ کا نام بدلنے کے حوالے سے بعض ساتھےوں نے مشورہ دےا جن کا کہنا تھا کہ اگر چہ ہسپتال کیلئے ترکی کی جانب سے ابتدائی طورپر تعاون کیا گیا ہے لیکن اس ہسپتال کو 100 بستروں سے 500 بستروں تک بڑھانے کیلئے وسائل پنجاب حکومت دے رہی ہے اور یہ سب آپ کی ذاتی دلچسپی کی وجہ سے ہو رہا ہے اور پنجاب حکومت اس پر 9 ارب روپے سے زائد رقم خرچ کر رہی ہے لہٰذا اس ہسپتال کا نام شہباز شریف ہونا چاہیے لیکن میںنے اپنے ساتھیوں سے کہا کہ ہمیں اپنے مربی و محسن کو نہیں بھولنا چاہیے ۔بے شک وسائل پنجاب حکومت فراہم کر رہی ہے۔ وزیراعلیٰ پنجاب نے گوجرانوالہ کے علاقے مےں موٹرسائیکل رکشہ کے ڈرائےور پرایک سب انسپکٹر کی جانب سے تشدد کے حوالے سے مےڈےا پر نشرہونے والی خبر کا نوٹس لیتے ہوئے آر پی او گوجرانوالہ سے رپورٹ طلب کر لی ہے -و زیر اعلی کے حکم پر پولیس نے سب انسپکٹر کوگرفتارکر کے اس کے خلاف مقدمہ درج کر لیا ہے اور سب انسپکٹر کو معطل کر دیا گیا ہے – وزیر اعلی نے ہدایت کی ہے کہ غرےب ڈرائےور پر تشدد کرنے والے سب انسپکٹر کے خلاف قانون کے مطابق کار روائی کی جائے ۔

راولپنڈی (بیورورپوٹ)پاکستان نے زمین سے زمین پر مار کر نے والے ابابیل میزائل کاکامیاب تجربہ کیا ہے ۔ڈی جی آئی ایس پی آر میجر جنرل آصف غفور کیجانب سے جاری بیان کے مطابق پاکستان نے زمین سے زمین پر مار کر نے والے بیلسٹک میزائل ”ابابیل “کا کامیاب تجربہ کیا ہے ¾ صدر ممنون، وزیر اعظم نواز شریف ، چیئرمین جوائنٹ چیفس آف سٹاف کمیٹی اور تینوں مسلح افواج کے سربراہوں نے اہم کامیابی پر میزائل تیاری میں شریک ٹیم اور افواج پاکستان کو مبارکباد پیش کی ہے ۔ابابیل میزائل کی زیادہ سے زیادہ رینج 2200کلو میٹر ہے۔یہ میزائل ملٹی پل انڈیپنڈنٹ ری انٹری وہیکل (ایم آئی آر وی )ٹیکنالوجی کو استعمال کرتے ہوئے مختلف قسم کے وار ہیڈز لے جانے کی صلاحیت رکھتا ہے ۔میزائل تجربے کا مقصد ویپن سسٹم کے ڈیزائن اور تکنیکی پیرا میٹرزکو جانچنا تھا ۔بیان کے مطابق ابابیل میزائل جوہری وار ہیڈز لے جانے کی صلاحیت رکھتا ہے اور دشمن کے ریڈار پر دکھائی دیئے بغیر انتہائی کامیابی سے کئی اہداف کو نشانہ بنانے کی صلاحیت رکھتا ہے ۔ابابیل میزائل کی تیاری سے پاکستان کی دفاعی صلاحیت میں مزید اضافہ ہوگا ۔چیئر مین جوائنٹ چیفس آف سٹاف کمیٹی جنرل زبیر محمود حیات ¾ چیف آف آرمی سٹاف جنرل قمر جاوید باجوہ ¾ چیف آف نیول سٹاف ایڈمرل محمد ذکاءاللہ اور چیف آف ایئر سٹاف ائیر چیف مارشل سہیل امان نے سائنسدانوں اور انجینئروں کو میزائل کے کامیاب تجربے پر مبارکباد پیش کی ہے ۔ صدرمملکت ممنون حسین ¾ وزیر اعظم نواز شریف نے میزائل کی تیاری میں شریک ٹیم اور پاکستان کی مسلح افواج کی اس اہم کامیابی کو سراہا ہے ۔

ملتان (رپورٹنگ ٹیم) وزیر اعظم محمد نوازشریف نے کہا ہے کہ الزامات لگانے والوں کے اپنے معاملات الجھے ہوئے ہیں ¾ دنیا کوجلد پتہ چلے گا کہ دوسروں کو گالیاں دینے والے شخص کا اپنا کردار کس طرح کا ہے ¾ترقی کی سمجھ بوجھ نہ رکھنے والے دھرنوں کے ذریعے ترقی کا راستہ روکنا چاہتے ہیں ¾سیاستدان صرف تقریروں اور کھانوں اور ناشتوں کےلئے نہیں ہوتے، اب سیاست بدل چکی ہے ¾ جو کام کرے گا وہی رکے گا ¾کسی نے نیا پاکستان دیکھنا ہے تو ملتان آ جائے ¾ میٹرو کا جال جتنا پھیلے گا، عوام کو اتنی ہی سہولیات میسر آئیں گی ¾رواں سال 10 ہزار میگاواٹ بجلی ہمارے سسٹم میں داخل ہوگی ¾اگلے سال لوڈشیڈنگ زیرو ہوگی ¾جلد ہی ملتان میں نیشنل ہیلتھ انشورنس اسکیم آنے والی ہے جس سے غریبوں کے علاج معالجے میں مدد ہوسکے گی۔ منگل کو ملتان میٹرو بس کی افتتاحی تقریب سے خطاب کرتے ہوئے وزیر اعظم نواز شریف نے کہاکہ ہم کوئی سیاست کرنے کےلئے نہیں آئے بلکہ ملتان کی عوام کی خدمت کےلئے اور آپ کو آپ کا حق میٹرو کا تحفہ دینے آئے ہیں۔ وزیراعظم محمد نوازشریف نے کہا ہے کہ مسلم لیگ (ن) ترقی کا راستہ روکنے دھرنا دینے ، تخریب کاری اور عوام کو گمراہ کر نے کے لئے نہیں بلکہ ملک کو ترقی کے راستے پر ڈالنے کیلئے آئی ہے ، نیا پاکستان بنانے والے ملتان میں آکر نیا پاکستان دیکھیں ، میڈیا میں الزامات لگانے والوں کے الزامات کا کوئی سر پاﺅں نہیں ہے ،جلد ہی تنقید کرنیوالوں کھچے چٹھے عوام کے سامنے عیاں ہوجائینگے ، عمران خان کا دماغی توازن ٹھیک نہیں ہوسکتا، ملک میں دس ہزار میگاواٹ بجلی پیدا کی ، بھاشا ڈیم کے لئے 110ارب کی زمین خرید لی ہے ، اگلے سال تک لوڈ شیڈنگ ختم ہو جائیگی، سیاستدانوں کو تقریروں اور کھانے پینے کے علاوہ غریب عوام پر بھی توجہ دینی چاہیے ، ورنہ عوام ایسے لیڈروں کو مسترد کردیتی ہے ۔ان خیالات کا اظہار وزیراعظم محمد نوازشریف نے ملتان میں میٹروبس کی افتتاحی تقریب میں کیا ۔انہوں نے کہا کہ آج مسلم لیگ (ن) ملتان میں سیاست کرنے ، دھرنا دینے ، ترقی کا راستہ روکنے ، قوم کا وقت ضائع کرنے ، تخریب کاری یا عوام کو گمراہ کرنے کے لئے نہیں آئے بلکہ میٹرو بس کا خوبصورت منصوبہ دینے آئی ہے ، ملتان کے عوام کی خدمت کرنا ہمارے فرائض میں شامل ہے ، ملتان کے عوام اور شہبازشریف کو مبارکباد پیش کرتا ہوں۔ انہوں نے کہاکہ آج ملتان کے ان ایم این ایز کو بھی دعوت دینی چاہیے تھی جو کہ یہاں سے 2013ءکے انتخابات میں منتخب ہوئے تھے کیونکہ مسلم لیگ (ن) نے یہاں پر میٹرو بنا کر عوام کو سہولت پیش کی ہے ۔نوازشریف نے کہا کہ ملتان میٹرو بس کے کرائے کو لاہور اور راولپنڈی کی میٹرو بس کرائے سے زیادہ رکھنے کا فیصلہ کیا گیا لیکن میں نے کہا کہ ملتان میٹرو بس کا کرایہ بھی لاہور اور راولپنڈی کے برابر ہوگا ۔نوازشریف نے کہا کہ حیرانگی ہے کہ ملتان کے عوام کس طرح سے ایک کنارے سے دوسرے کنارے اپنے گھروں کو جاتے تھے لیکن مسلم لیگ (ن) کو عوام کی تکلیف کا احساس ہے اس لئے ہم غریب عوام کے بارے میں سوچتے ہیں ، انہوں نے کہاکہ نیا پاکستان بنانے والوں کو چاہیے کہ وہ ملتان میں آکر نیا پاکستان دیکھیں جہاں پر میٹروبس سروس چلا کر ملتان کی شکل بدل دی گئی ہے ، میٹرو بس منصوبے سے ملتان کی خوبصورتی میں چار چاند لگ گئے ہیں ، بلوچستان میں بھی سڑکوں کے جال بچھائے جارہے ہیں ، گوادر بندر گاہ بھی بنائی جارہی ہے ،کاشغر سے لے کر گوادر تک ایکسپریس ویز کا جال پھیلایا جارہا ہے جوکہ ملک کو ایک دوسرے کیساتھ لنک کرے گا اور اس سے پورا پاکستان ترقی کی لپیٹ میں آجائے گا ، وزیراعظم نے کہا کہ جن لوگوں کو سمجھ بوجھ نہیں وہ ترقی کا راستہ روکتے ہیںاور ٹی وی پر آکر ایسے الزامات لگاتے ہیں جن کا کوئی سر اور پاﺅں نہیں ہوتا لیکن اب پوری قوم دیکھے گی کہ آنے والے وقتوںمیں ان کے بھی کھچے چٹھے عوام کے سامنے آئیں گے کیونکہ دین میں ہے کہ اگر آپ کسی دوسرے پر غلط کام کا الزام لگاتے ہیں وہ غلط کام نہ کریں ۔انہوں نے کہاکہ 2012ءمیں لوڈ شیڈنگ کی ایسی حالت تھی کہ بارہ بارہ گھنٹے بجلی نہیں ہوتی تھی اور کئی علاقوںمیں سولہ سے اٹھارہ گھنٹے تک لوڈ شیڈنگ ہوتی تھی ، عوام سوچ رہی تھی کہ اب لوڈ شیڈنگ چوبیس چوبیس گھنٹے ہو گی لیکن مسلم لیگ ن نے آتے ہی دس ہزار میگاواٹ بجلی سسٹم میں لے کر آئی جو کہ ایک بڑی ترقی ہے حالانکہ پاکستان کی پوری تاریخ میں پانچ ہزار میگاواٹ بجلی پیدا کی گئی ۔نوازشریف نے کہاکہ شہبازشریف روزانہ ہیلی کاپٹر پر بجلی کے نئے بننے والے کارخانوں کا جائزہ لیتے ہیں اور انہوںنے بتایا کہ کراچی ایئرپورٹ پر کوئلے کا جہاز بھی آگیا ہے اس کا مطلب ہے کوئلہ آگیا ہے تو بجلی بھی جلد ملک میں آجائے گی ۔نوازشریف نے کہا کہ دیا میربھاشا ڈیم کیلئے110ارب روپے کی زمین خرید لی گئی ہے جس سے چار ہزار میگاواٹ بجلی سسٹم میں آئے گی ، اس کے علاوہ پانی ذخیرہ کرنے کے لئے بھی جگہ بنائی گئی ہے جس سے کاشتکار اور ملک کی زراعت ترقی کرے گی اور اس سے بجلی کی قیمتوں میں بھی کمی ہو گی تاکہ غریب عوام پر بجلی کے ریٹ مناسب اثر انداز ہوسکیں ۔نوازشریف نے کہاکہ مسلم لیگ(ن) صحت اور تعلیم پر بھی توجہ دے رہی ہے باقی شہروں کی طرح ملتان میں بھی صحت کی ایک ایسی سکیم لا رہے ہیں جس سے غریب عوام کو پیسے نہیں دینے پڑےں گے ، سیاستدانوں کو تقریروں اور کھانے کے علاوہ عوام پر بھی توجہ دینی چاہیے کیونکہ اب عوام میں سمجھ بوجھ آچکی ہے کہ وہ کام نہ کرنیوالوں کو منتخب نہیں کرتے ،عمران خان کے دماغی توازن کے سوال کے جواب میں نوازشریف نے کہا کہ کئی لوگ ایسے ہوتے ہیں جن کا دماغی توازن ٹھیک نہیں ہوسکتا ۔دریں اثنا ملتان میں میٹرو بس سروس کے افتتاح کے بعدتقریب سے خطاب کرتے ہوئے انہوں نے کہا کہ ہم یہاں سیاست کرنے یا دھرنے کیلئے نہیں آئے نہ ہی ترقی کا راستہ روکنے نہیں آئے اور نہ ہی تخریب کاری کیلئے آئے ہیں بلکہ خوبصورت سا میٹرو کا تحفہ دینے کیلئے آئے ہیں،ملتان کی عوام کی خدمت کیلئے آئے ہیں،ملتان کی عوام مبارکباد کی مستحق ہے ،وزیر اعلیٰ پنجاب شہباز شریف بھی مبارکباد کے مستحق ہیں۔انہوں نے کہا کہ میٹرو سروس کی آمدنی اخراجات سے کم ہے حکومت اخراجات برداشت کرے گی،میٹرو سروس سے ملتان کی عوام کی مشکلات کم ہوں گی،کہاں ہے نیا پاکستان ؟ کسی نے نیا پاکستان دیکھنا ہے وہ ملتان آکر دیکھ لے یہاں کا نقشہ تبدیل ہو رہا ہے ،یونیورسٹی آنے والے اساتذہ اور طلباءکو میٹرو بس کا بہت فائدہ ہو گا یہ منصوبہ ملتان جیسے قدیم شہر کو چار چاند لگائے گا قدیم اور جدید شہر مل جائیں گے۔ وزیر اعظم نواز شریف نے ملتان میں9نمبر چونگی پر میٹرو بس سروس کا افتتاح کر دیا انہوں نے بس میں سوار ہو کر سروس کی سہولیات کا جائزہ لیا اس موقع پر کمشنر ملتان اسد اللہ خان نے انہیں بتایا کہ ساڑھے28ارب روپے کی خطیر رقم میں یہ منصوبہ مکمل کیا گیا۔اس کا 18.5کلومیٹر طویل ٹریک اور21اسٹیشن بنائے گئے ہیں جبکہ کرایہ صرف بیس روپے رکھا گیا ہے اس کا روٹ ساڑھے اٹھارہ کلومیٹر طویل ہے جو کہ قذافی چوک سے بہاﺅالدین زکریا یونیورسٹی تک ہے اس ٹریک پر 6کاروباری مراکز اور25تعلیمی ادارے ہیں۔35بسوں سے شروع ہونے والی اس سروس سے روزانہ95ہزار افراد مستفید ہو سکیں گے۔ اس موقع پرگورنر پنجاب رفیق رجوانہ،وزیر اعلیٰ پنجاب شہباز ،شریف ،صوبائی وزیر قانون رانا ثناءاللہ ،حنیف عباسی اراکین اسمبلی اور اعلیٰ حکام بھی موجود تھے۔ وزیراعلیٰ پنجاب شہباز شریف نے کہا ہے کہ دھرنے کے ذریعے پاکستان کا دھڑن تختہ کرنے والوں کے دھرنے دفن ہوچکے ہیں۔ ملتان میں میٹرو بس منصوبے کی افتتاحی تقریب سے خطاب کرتے ہوئے وزیراعلیٰ پنجاب کا کہنا تھا کہ نوازشریف وہ لیڈر ہیں جس نے اپنے ادوار میں تمام صوبوں میں ترقی کے مینار قائم کیے، ان کی سربراہی میں پاکستان نے بڑے بڑے منصوبے مکمل کیے۔ وزیراعظم نے کراچی کے لیے گرین لائن منصوبہ دیا، گرین لائن منصوبے کے لیے 100 فیصد فنڈز وفاقی حکومت دے رہی ہے، کوئٹہ اور کراچی کو سرکلر ریلوے دے رہے ہیں، بجلی کے منصوبوں پر دن رات کام جاری ہے اور ملک کے حالات اور امن و امان کی صورت حال بہتر ہونے کی وجہ سے بیرون ملک سے سرمایہ کار ملک میں سرمایہ کاری کر رہے ہیں اور دوسری جانب مخالفین نے الزامات کی فیکٹریاں لگا رکھی ہیں اورنج لائن پربھی تنقید کی جارہی ہے۔ وزیر اعلیٰ کا کہنا تھا کہ وہ قومیں ترقی کرتی ہیں جہاں ذرائع مواصلات جدید ہوتے ہیں، ملتان میٹرومنصوبہ جنوبی پنجاب کی ترقی کے لیے اہم سنگ میل ثابت ہوگا، معیار کے اعتبار سے ملتان میٹرو لاہور میٹرو سے زیادہ بہترہے جس کے لئے ساڑھے 4 ارب روپے میں زمین لی گئی اور منصوبے پر28 ارب خرچ ہوئے۔ شہبازشریف کا کہنا تھا کہ میٹرو پرتنقید کرنے والوں کے تمام شک آج دور ہوگئے اور دھرنے کے ذریعے پاکستان کا دھڑن تختہ کرنے والوں کے دھرنے بھی دفن ہوچکے ہیں۔ ان کا کہنا تھا کہ ملک کی دولت پر ہاتھ صاف کیا گیا اورکوئی پوچھنے والا نہیں، 7 ملین ڈالرزسوئس بینکوں میں پڑے ہیں اور وہ پیسے پکار پکار کرکہہ رہے ہیں کہ پاکستانیوں آکر لے جاو¿ وہ تمہارا پیسا ہے۔