دبئی (آئی این پی) برینڈن میکولم نے اپنی نئی ٹیم لاہورقلندرزکے کھلاڑیوں کو پہلی ملاقات میں ہی اپنا گرویدہ بنالیاہے۔لاہور قلندرز نے دبئی میں ٹیم کا تعارفی سیشن منعقد کیا ۔ میک کولم نے خاص طور پر کھلاڑیوں سے ملاقات کی اور کھلاڑیوں کی خوب حوصلہ افزائی کی۔اظہر علی کی جگہ لینے والے میک کولم نے پلیئرز ڈیولپمنٹ پروگرام میں منتخب ہونے والے کھلاڑیوں کے ساتھ بھی وقت گزارا۔ ان کا کہنا تھا کہ اس بار لاہور قلندرز بھرپور عزم کے ساتھ میدان میں اتریں گے۔9 فروری سے شروع ہونے والے پی ایس ایل ’دوسرا‘ میں لاہور قلندرز کا پہلا مقابلہ 10 فروری کو کوئٹہ گلیڈی ایٹر سے ہوگا۔
