لیبریویلے(سپورٹس ڈیسک) کیمرون نے مصرکو2-1سے ہراکر5ویں بارافریقن کپ آف نیشنزکپ کاٹائٹل جیت لیا۔ہاف ٹائم پرمصرکو1-0کی برتری حاصل تھی۔فتح کی بدولت کیمرون نے فیفا کنفیڈریشن کپ کےلئے بھی کوالیفائی کرلیا۔گیبون کے شہرلیبریویلے میں کھیلے گئے فائنل میں دونوں ٹیموں کے درمیان اچھاکھیل دیکھنے میں آیا۔پہلے ہاف میں مصری ٹیم کاپلڑابھاری رہا۔22ویں منٹ میں محمدالنینی نے گول کرکے مصرکو1-0کی سبقت دلائی۔دوسرے ہاف میں کیمرون نے عمدہ کم بیک کیا۔کھیل کے59ویں منٹ میںنکولس نکوکونے گیندکوجال میں پہنچا کر مقابلہ1-1سے برابرکردیا۔ 88ویں منٹ میںوینسٹ ابوبکرنے گول کرکے کیمرون کو 2-1کی برتری دلادی جوکھیل کے اختتام تک برقراررہی۔
