لاہور(مانیٹرنگ ڈیسک) بھارت سے درآمد کردہ مرغی کی فیڈ میں سور کے گوشت اور چربی کے استعمال کا انکشاف ہوا ہے، پنجاب اسمبلی میں فیڈ بند کرنے کے لیے قرارداد جمع کرادی گئی۔اطلاعات کے مطابق بھارت سے پاکستان درآمد کی گئی مرغی کی فیڈ میں سور کے گوشت اور چربی کے استعمال کا انکشاف ہوا ہے جس کے بعد پنجاب اسمبلی میں اس حرام فیڈ کے خلاف قرارداد جمع کرادی گئی۔قرارداد مسلم لیگ ق کے رکن اسمبلی چوہدری عامر سلطان چیمہ نے جمع کرائی جس میں کہا گیا کہ بھارت سمیت دیگر ممالک سے منگوائی جانے والی یہ فیڈ بند کرائی جائے اور حکومت مقامی فیڈ کے استعمال کو یقینی بنائے۔
